العراق :للكاتبه فاطمة العساف
Ins :fm.f21
_______________________
"حين اكتشفتُك
لم يكن قصدي اكتشافك
فأنا الذي ما كنتُ ضد الحب يومًا.. أو معه
أنا مؤمنٌ أن الفصول الأربعة
ستظل دومًا أربعة
وبأن شمسًا واحدة
وبأن بدرًا واحدًا
لكنني حين اكتشفتك
كل الأمور تغيرت
فأضفتُ بدرًا ثانيًا
وأضفتُ شمسًا ثانية
وأضفتُ فصلًا خامسًا
أنت قوتي وسندي
________________
يوسف :شنو شعورك لو جانت طيف هي الي تحب غيرك؟
إسلام : مرات سؤال واحد يتكون من كم كلمه يعادل كلام من الأف الجمل
حاولت اتجنب سؤال يوسف واغير الموضوع
واني أشر بيدي على موضوع بالملزمه حتى يشرحه ألي مع انو اني فاهم الموضوع
بس يوسف ذكي عرفني جاي اتهرب من سؤاله
يوسف : مو المهم تجاوبني على هذا السؤال المهم تجاوب نفسك
إسلام : بهذا الوقت حتاريت بنفسي وين اروح واخلص من كل هذا
تمنيت اكدر أرجع لبدايه
طلعت من الشقه واني اتصل على طيف
شنو سبب اتصالي ماأعرف يمكن اقنع بنفسي
او احتمال احاول اغطي على اهمالي الها بهذا الاتصال وابرر لنفسي انو اني ماهاملها
بس نفس وقت هذا الاهمال ما جان معتمد مني وانما بسبب انشغالي
جانت طيف من نوع البنات الي ماتعرف تفتح مواضيع بالكلام عكس ناي
حتى من اسئلها على شي تجاوب على كد سوالي وتسكت هذا شي يخلي كل الكلام بينه سطحي
جنت احس نفسي ضايع واحاول الزم بأي شي حتى اطلع من وضعي هذا
جان الوقت بعده نهار على رغم ازدحام الشارع
والهوسه والاصوات الي يمي بس احس نفسي وحيد
رحت لاقرب مكان بي حجوزات سفر
ماكو سفر مباشر من لندن لبغداد
لازم اول شي اسافر على ألمانيا وبعدها اسافر تركيا ومن تركيا اسافر للعراق حتى اكدر اوصل لمطار بغداد
رغم اعرف بهذا التعب كله بس ما تراجعت بوقتها حسيت الجو هنا بداخل لندن بده يخنكني رجعت
تركت كلشي ورايه وتجاهلت دراستي وامتحاناتي تجاهلت ناي
وحجزت اول رحله لمطار ميونخ الي يكون مكانه بالعاصمة الألمانية
رجعت لشقه
جمعت اقرب ملابس الي واني اخليهن بالجنطه ويوسف يحجي
يوسف :ها برو وين تريد تروح
إسلام :ما جان عندي طاقه حتى اوكف واجاوبه جنت اريد بس اطلع من هذا مكان
مثل شخص مسوي جريمه ومهزوم منها
جاوبته واني اسد سحاب القمصله مالتي حتى اطلع
اريد اروح للعراق
يوسف :بهذا الوقت؟
إسلام :اي
يوسف :شنو صاير شي
شنو خلاك هسه تقرر تسافر وسط الامتحانات دوامك الي بعده ما منتهي
إسلام :ماكو بس مشتاق الأهلي
ماحاول يكلي شي أكثر من سؤال لانو لاحظ حالتي والتعب الي بيه
