العراق :للكاتبة فاطمة العساف
ins :fm.f21
.......................................
سكرنا ولم نشرب من الخمر جرعة
ولكن احاديث الغرام هي الخمر
فشارب الخمر يصحو بعد سكرته
وشارب الحب يبقى طوال العمر سكران
.....................
ناي : ما فكرت ولو لحظة وحدة تصرفي صح او لا
ما تعبت نفسي بالتفكير
خفت افكر ويطلع قراري غلط واتراجع واني مااريد افقد إسلام مثل مافقدت ابوية
ونفس الوقت جنت خايفة من قراري هذا
أسوأ القرارات ناخذها الي تجي بدون تفكير او القرارات الي تاخذها وانت تريد تنهزم من اي تفكير
مجنت اريد افكر بقراري صح او خطأ حتى ليطلع خطأ
ولا حبيت أخذ رأي أحد حتى لا ينصحني اترك او اغير قرار زواجي من إسلام
حتى ماانتظرت أسمع جواب إسلام سديت الإتصال قبل ليرد
خفت اسمع جوابة ويكون رفض
رجع إسلام اتصل علية ورة ساعة تقريبا
إسلام : انتِ منو عندج بالعراق؟ يعني تعرفين أحد هناك
ناي : أي اهل امي هناك وأهل ابوية
إسلام :علاقتكم اشلونها وياهم؟
ناي :علي أساس انت متعرف ماعندي اي تواصل وياهم لا اني ولا أهلي
إسلام : لا أعرف بس يعني جاي اسئل نفسي لحد شوكت
ناي : لحد مالانهاية
إسلام : اكلها موافق نتزوج او لازم أصير ثكيل
زين افتح الموضوع وياها لو انتظرها هي تسئلني عن جوابي
زين ليش مو اني ابادر وانطيها الجواب
مجموعة أفكار براسي وحدة تضرب بالثانية من الأسئلة والإجابة بين الانتظار والفرح
خايف! اي خايف عليها مني يمكن هي تاذة إذا نتزوج
ويمكن أهلها ماراح ينطوها هذا
موضوع الرفض جان وحدة يأكل بروحي
اذا ماانطوها شنو أسوي هو اني شنو أكدر اسوي لا مكان مكاني ولا دوله دولتي وفوك كل هذا هي تعتبر مواطنة بريطانية
والمصيبة الأكبر اني متزوج
ياربي اني شنو مسوي بنفسي
لحظتها أكتشفت التردد و الحيرة
أسوأ شعور يحس بي ويعيشة الإنسان
خلي أجل الموضوع لحد مااحجي ويا مجد
ترف : هذا الرجال إلى على اساس عمي هو أصغر من ابوية بس بالشكل ابوية أصغر
زين وين جان كل هاي السنوات والمدة وهسة يلا رجع
مر أسبوع وأسبوع ثاني وابوية ويا عمي طول الوقت يطلعون من البيت سوه ويرجعون سوة هو مبين جان عايش هنا أكثر من مرة اسمعة يكول لأبوية متغيره المنطقه مو نفس ما تركتها
زين هو بالأصل ليش تركها
احس الموضوع بي أشياء قديمة بس الوقت عندي ماجاي يسمح بعد اسبوع عندي امتحانات
حتى ناي ما تعرف عن الموضوع زين منين راح اعرف
زين عماتي ليش ولا وحده منهن أجت تشوف عمي
هذا خلاني اتأكد اكو شي مو زين صاير لا مو شي وأحد اشياء
