العراق :للكاتبه فاطمة العساف
......................
كفاكِ تجَمُلاً فإن قلبي من ضيائِك تعثرَ
.......
ناي :وره كم دقيقه ترخصت من اسلام ورجعت لشقه
بس بقئ بالي موضوع خالتي
اشلون اكدر اتقرب منها بدون ما امي تعرف
زين
اشلون اكدر اتعرف على بناتها او اولادها او حتى خالاتي الباقيات
او خوالي اهل امي
اذا امي عدها خوات ليش اني وامير منعرفهم
ولا عدنه صله قرابه بيهم
مريت على محل اشتريت بسكت
و كملت طريق
من دخلت لشقه لكيت امير
موجود كعدت يمه وكلته
امير :هلا حبيبتي
اشلونج اليوم مشفتج
ناي :اي انت من طلعت الصبح
اني جنت نايمه
والظهر اليوم انت مااجيت لبيت
واني هم جنت ادرس واخذت كم محاظره
وبعدين طلعت بره كعدت بكوفي هذا الي قريب
هسه حاليا كاعده يمك هذا يومي ب اختصار
وها وصح نسيت من جنت كاعده بكوفي علقت على الصور الي نشرتهن انت
اباوع على امير يضحك عليه
امير :وباجر هم شكلي مااشوفج
ناي:ليش؟
امير :باجر عندي سباق سيارات
ناي :الله اخذني وياك حباب
امير :تعرفين الجواب شنو
ناي :حباب بس هل مره بداعتي
امير :لا لو تبجين منا لباجر ماتروحين وياي
ناي: من سمعت هاي جمله عرفت انو بعد مستحيل ياخذني
كمت مثل الحبابه غيرت ملابسي
وشغلت التلفزيون وكعدت اشوف فلم
شويه واجه امير يباوع ويانه وابويه هم
وامي
من خلص الفلم امير مااعرف اشلون الله
نزل عليه وحي وكلي
امير :خليها بالج بس باجر اخذج وياي
ناس :يعني باجر تاخذني وياك
امير :اي
ناي :بذمتك النبي عليك تحجي صدك لو تضحك عليه
امير :لا تخليني مااخذج
ناي :لا انت حباب باجر راح تاخذني وياك
هههههه
تركني امير وراح لغرفته
اني فتحت جهازي
وكعدت اكلب بحساب خالتي مال الفيس اشوف شنو ناشره
منو معلق الها منو اصدقائها
واكو تعليقات تضحك وبيها شقه
تمنيت نفسي يمهم وياهم
تمنيت نفسي اعرفهم او اكدر اتقرب منهم
ليش احنه بعاد عنهم ليش مانشاركهم نفس الحياه نفس الدوله نفس المدينه او نفس المنطقه
شفت اجتني رساله من اسلام
اسلام :شنو عندج فاتحه نت بهذا وقت ويا منو تحجين او اصلا ليش متصله
ناي :جاوبته وانت شعليك بيه
فاتحه نت او لا
لاتدخل نفسك بشي ميخصك
اسلام :اكولج سنيوريتا صدك
انتِ مرتبطه او لا
ناي :حسب الاغنيه الي اسمعها
