وإن كان قدرنا أن نجونا
فإن الأثر لازال يذكرنا بما مر بنا
............................
للكاتبه :فاطمه العساف
..................
اسلام : وصلت يمها Hello
ناي : عاد اني كلش مجان ناقصني غير هيج نماذج
رديت Hi
اسلام : وشنو بيها هاي النماذج
لو متعجبج مدام
ناي :هاي انت تحجي عربي
اسلام :😒 اي احجي عربي
ناي : ها حلو وبعدين اني انسه مو مدام
اسلام : اها زين اكلج
ناي : كول
اسلام :اني معجب بيج من زمان وصالي هوايه اراقبج بجامعه من بعيد ومنتظر تصير فرصه حتي اصارحج واعترفلج بمشاعري
ناي :اشلون
معجب بيه وتراقبني بجامعه كتلي
اسلام : اي
ناي :هههههههه اغبه منك ماشفت ولا راح اشوف
روح العب بعيد حباب
اسلام : لزمي لسانج لج واحترمي نفسج مو شفتيني معجب بيج كمتي تجاوزين
ناي : هههه يااستاذ اني ماادرس بهاي الجامعه واول مره اجي هنا اني
اسلام :شنو
خرب بعمي اذا صدك
ناي :شنو يعني
اسلام : لا هيج انسى المهم اني معجب بيج
ناي :امشي بابا امشي شكلك ماباقي بنيه مامجذب عليها هاي الجذبه عفته ومشيت عنه
اسلام:بهاي لحظه بس جيبولي يوسف حتي اكل من جسمه لحم على هذا الموقف الي خلاني بي
من انتبهت على نفسي تذكرت طيف
بقيت ألوم بنفسي على الي سويته وكلت بنفسي الحمد لله من عافتني وراحت
انتهت الحفله وشفت يوسف
يوسف :ها برو
اسلام : الله يطيح حظك برو
يوسف :لك ليش
اسلام : طلعت البنيه ماتدرس هنا
وازيدك من الشعر بيت طلعت اول مره تجي لهاي الجامعه وتدخلها
يوسف :صدك تحجي
اسلام :ولي من يمي لا ادفرك
يوسف :لتضوج برو الله يعوضك بغيرها
اسلام : اكول يوسف ما تنجب
ناي : مرت ايام عاديه بين دراستي و دوامي والبيت
و الايام كلش عاديه هم ونوعا ما كأبه
واني وامي كل يوم لو يومين نتعارك على نفس الموضوع
اني هم مرات انتبه على نفسي ليش هيج احن لعراق وعندي شغف بي واني ما شايفه منه شي ولا عايشه بي مجرد انو اصلي عراقي
وبعدين ارجع و اكول اي هو الاصل يحن
