العراق :للكاتبه فاطمة
ins :fm.f21
___________________
صدق ماجد المهندس من غنى:
هو انت اليحبك هم يعوفك ابد ما عنده عين الما يشوفك💙🔥
___________
ترف : احس الايام تطول يلا تخلص وساعات احسها متخلص ماأعرف الكل يشوف الموضوع هيج لو بس اني
اريد الأيام بس تمشي واخلص منهن احسهن واكفات على گلبي على رغم اني ما انتظر شي
مر كم يوم على الموقف الي صار بيني وبين مرتجى
جنت كاعده وادعي ينطونها باجر عطله
لانو حرفيا ما طايقه باجر اداوم وجان بيها باجر أربعاء
وره ساعتين تقريبا نزلو باجر عطله بمناسبه ميلاد المسيح
وهذا اليوم يكون بي عطله بكل الدوله
يعني دراسه ماكو باجر بقيت اشوف فيدوهات بالانستا واجه على بالي اشوف قيصر شنو مخلي ستوري على الانستا
اني دائما اشوف ستورياته وحتى لا يعرفني شفت الستوري مالته احظره ومن اريد اشوف الستوري مالته الغي الحظر
لكيته ناشر صوره ايده وهو لازم ايد بنيه عرفتها هاي ايد سما
وكاتب عليها عباره رومنسيه رجعت حظرته بس
ماأعرف ليش نقهرت مع انو مجان بيني وبينه شي ولا هو واعدني بشي
وانما مجرد اني احبه ردت الهي نفسي بشي
كلت خلي اروح لمطبخ اشوف شي اكله بس نفس وقت متعاجزه مابيه حيل اطبخ
اخذت فره بمطبخ
بعدين كلت خلي اراسل ناي واشوفها شنو تكول
ما اجه بالي تطلع نايمه لانو اعرف بيها تحب تسهر وره كم دقيقه جاوبني سوي اسبكتي او معكرونه متطول هوايه
جاوبتها مابيه حيل كتلج شي سهل
ناي :تره ميطول وبسرعه واعلمج طريقه جديده
تخلي الاسبكتي يصير كلش طيب
ترف : متأكده لو تردين بس تورطيني
ناي :شنو تشكين بيه لو تشكين بقدراتي
اني بالعماره يصيحلولي ناي الطباخه من كد ما طبخي طيب
ترف :ماأعرف اشلون هاي الغبيه قنعتني حولت المراسله اتصال كاميرا وثبتت جهازي على كاونتر صرت اشوفها وتشوفني
هسه شنو اسوي؟
ناي :خلي المي يفور وراها خلي الاسبكتي بي
ترف : سويت مثل ما كالت وانتظرت المي يفور وخليت الاسبكتي
هسه اصفي من المي صح؟
ناي : اذا اكلها اي تكول عندي ماأعرف اطبخ
كتلها لا كبل خلي عليه صلصه مال معجون وابقى حركي بي
ترف : بقيت صافنه اشلون اخلي عليه صلصه معجون بدون مااصفي من المي باوعت عليها شفتها متربعه وكاعده على جربابتها ورافعه ردانات تشيرت الي لابسته وتحجي بثقه من شفتها هيج
سويت مثل مكالت كلت هي بعد اعرف بطبخ
بقيت احرك بي بس اني مامقتنعه كل شويه واكلها ناي متاكده هاي طريقه طبخ صح
