العراق : للكاتبه فاطمة العساف
......................................
ins :fm.f21
“قل الحقيقه وان كان صوتك يرتعش”
....................................................
_ شنو الجديد بالموضوع؟ كل فتره تكولين نفس الكلام
كل ما تضوجين تكولين يجي يوم واروح للعراق
واني وانتِ اثنينه نعرف مراح تروحين
ناي : حسيت جسمي صار كله يرجف من العصبيه والحركه الي بدمي
وكلامها زاد عليه ما قلل
كلت الها وحق ربج هذا الي تصلين اله كل يوم
الا اروح للعراق
وعينج تشوف
وتعرفين بيه مااحلف جذب
تركتني امي وراحت وهي معاجبها كلامي
وكل بالها اني اشاقه
بس متعرف الأيام راح تثبت كلامي الها
ترف : فاجئني قيصر من اجه بليل على أهلي
حتى يطمن عليه من سمع المختبر محترك
ياتره شنو سبب الأهتمام هذا؟ فجئه بدون سابق إنذار
زين هو يسئل عني لانو اكو شي بداخله تجاهي لو يسئل لانو اني أقاربه
جانت هاي الاسئله الي تدور بالي واني كاعده بالصاله مقابيله
وهو يحجي ويا أبويه
ابويه ميحب قيصر هوايه ما يرتاح اله
بس المشكله بيه اني احبه
جان بيه فد جانب يكلي ابتعدي عن قيصر
بس الجانب الثاني بيه يحب قيصر
وبدون اي تفكير
بديت امشي وره فكره قيصر بده يحبني
هوايه من اقاربنه اجوي علينه حتى يطمنون عليه
وحتى جوارين
كل الي سئلو عني حسيتهم عادي
الا قيصر
جان قيصر كلش يختلف بنسبه الي
من بعدها صار قيصر
يهتم بيه بشكل أكبر ويراسل ويسئل
او يرد على ستوريات الانستا
مر يوم على حادثه مال حرك المختبر
القسم نزل تبليغ انو اكو عطلة اسبوعين
حداد على روح كم طالب الي ماتو نتيجه الاختناق
هذا الحادث صار قبل امتحانات
الفاينل بثلاث أسابيع
اسبوعين عطلة من القسم حداد
واسبوع من الوزارة حتى الطلاب تراجع المواد
قبل الامتحانات
يعني صار عندي عطله ثلاث أسابيع
الله وراها اسبوعين امتحانات وتخلص السنه
كل امالي بالعطلة راح اشبع نوم و طلعات
واشوف افلام ومسلسلات مثل اي عطله مرت بحياتي
ما جان بالي هاي العطله راح تختلف
وراح تجمع بيها كل المصايب دفعه وحده
واني احسب بالعطلة راح تصير كم يوم
راسلني مرتجى
مرتجى : ترف
ترف : شنو تريد ليش مراسلني
مرتجى : ولج اني مااحب الرسائل أني أحبج
ترف :بس اني ماأحبك
مرتجى :يول هذا گلبي الي جاي تطحنين بي
