عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي
...................................................
تقرب عليه وحصرني بين الكاونتر وخله اديه ثنينهن يمنع حركتي وقرب وجها مني
:-اعقد وياج اتفاق بهاذا الاتفاق راح الاكل يوصلج للغرف بدون ميدرون والي تطلبيه اجيبه الج بس بشرط
جنت ارجف من قربه واخاف اصيح اخاف يجون ويشوفون ماعون الاكل بيدي حجيت وجان صوتي يرجف
الماسه:-ش شن شنو الشرط
:-تخليني نام وياج وبأي وقت اريد.
احس من قوة الصدمه عقلي بعد ميستوعب حاولت ادفعه عني بس جان ضخم كلشي رجع كرر كلامه مره ثانيه
:-اذا تخليني انام وياج حته تعامل ضياء وياج اخليه يتغير بس بلمقابل شوكت ماريد تخليني
ماتحمل كلامه القذر عطت بيه بصوت عالي
الماسه:-ولك مرت اخوك اني اصحه ع نفسك خاف عبالك طفله تضحك عليها لو اعرف اموت من الجوع ماسلمك نفسي ياقذر
ع صوت صياحي طلعوا يركضون من شافهم فر الموضوع عليه وحجه بتصنع ويتضنع الغضب
نسيم:-هي هاي مرتك ضياء تعرض نفسها عليه
كلها دارت وجها عليه من خالي وضياء والبقيه ركضت لزمت ايد ضياء وتوسل بيه وابجي
الماسه:-ضياء والله ماعارضه نفسي عليه وغلات امي ضياء صدكني هو اجاني
اول مره ضياء يسوي شي وياي بيه خير جرني وره ظهره ونام ع نسيم بلكوه خالي وريسان وجرو ضياء هو مامخلي غلط ماغلطه ع نسيم
ضياء:-ولك عار كلب كو**** ولك هاي عرض اخوك تخلي عينك عليه يانكس والله اله اخليه تبجي ع رجولتك يانكس ولك ريسان خليني
ام ضياء:-ضياااااء شلون تصدكها وتجذب اخوك هي هاي تاليتك تصدك بمرت ع حساب اخوك ولك انت بلسانك كلت متريدني ومن اتقرب الها تگضيها بواجي
ضياء:-متسويها ولكم طفله كلشي متعرف اني رجلها تبجي وتخاف مني مو نوب تخون
ام ضياء:- هااااا انت اعترفت وكلت طفله اجوز متريدك لان جبير واخوك صغير وهذا الشي الي خلاها تسوي هيج
ضياء:-يممممممممه
صاح صوت رج البيت بيهم كلهم سكتوا
:-نسيم ماريد اشوف وجها بلبيت بعد فاهمين
لارد رجع صاح
:-فاهميييين..
الكل:-فاهمين
اخذني للغرف الي جنت اكعد بيها سحل دفعني بيها ودخل يكسر بلغراض الي موجوده ويصيح
:-كليلي وين اوديج عنهم ها كليلي
