عرين الغضنفر...........
لاتنسون التصويت ومتابعة الحساب والتعليق ع كل الفقرات❤❤
اسراء الجنابي..........
...
...............................................
باوع عليه وعيونه بيه هواي حجي. وهو يتقرب عليه واني ثابته بمكاني.
:-مو اذا رحتي هسه بعد ماحصلج الطول عمري.
الماسه:-لان اني مو شي تمتلكه.
نزع دشداشته وكال.
:-لازم اخطي هاي الخطوه واذا ماأخطيها راح اتندم طول عمري..
اول مره اخاف منه جان شكله مرعب وهو يتقرب عليه ردت ارگض للباب بس للاسف مالحكت شمرني ع جربايه ونام فوكي.
حجيت وكل جسمي يرجف..
الماسه:-الله يخليك لا تسوي شي تخليني اكرهك سبع كوم عني....
جر شالي بكل قوته بحيث الدنبوس نبت بلعومي صرخت من الألم. دفن وجها بركبتي يشمها حيل من خوفي منه هديت جنت احس بدم وهو ينزل من بلعومي.
حجه بهمس وهو يمرر انفه ع ركبتي وايده تتلمس من وره اذاني لحد ركبتي ..
سبع:-المكان الوحيد الي يهدء ثوران بركاني هو نحرج.
نزلت دمعتي بحيره عافني وكام لبس ملابسه وطلع ضليت ع نومتي.
شويه ودخلت امه للغرفه. كعدت يمي من شافت الدم ينزل من ركبتي لطمت ع صدرها...
تغريد:-لج يمه كولي شبيج انتي وسبع لا تقنعيني اني تخربطتي واخذج سبع كلبي حاس غير شي.؟
كمت نزعت الصايه وحجيت بهدوه احاول اخفي خوفي وارتباكي.
الماسه:-عمه والله مابينه شي بس اني كلش تعبانه.
تغريد:-زين وهذا الدم شنو؟
الماسه:-جريت الشال كل قوتي والدنبوس دخل بركبتي...
تغريد:-اني هم مدري شجاني اسئلج واني ادري بسبع محذرج اكيد ماتحجين. بس يجي والله كريم وانت هم يمه ديري بالج ع سبع ابني واعرفو ابني ولهان بيج من يشوفج عيونو تتبع كل خطوه تخطيها. عكيفج وياه يمه ..
ابتسمت الها وكلت..
الماسه:-ان شاءالله عمه.
تغريد:-نامي يمه وجهج اصفر ومن يصير وكت الاكل ادز البنات يگعدنج....
خلت وراحت.. مره اسبوع ع الي صار ماحجه وياي ابد نكعد ع وجبة الاكل يخلص يدخل للغرفه ينام هو ع الجربايه واني ع القنفه سمر طول هل الايام تشكي لبو سبع مني لو من سبع اسمعها تكله كله يمها مايجي يمي لو تشوفني تحاول تسممني بكلامها بس جنت مامهتمه ابد الها.
