عرين الغضنفر

البارت 17

عرين الغضنفر.

لاتنسون التصويت ومتابعة الحساب والتعليق ع كل الفقرات❤❤

اسراء الجنابي

...................................................................

خله وراح رجعت للغرفه نمت لان اجه ب٥ الفجر ماعرف شكد نمت وشنو صار بس حسيت مي بارد نذب عليه..

شهگت مفزوعه من النوم بعدني ما مستوعبه شي نجريت من شعري ونشمرت بلصاله ا...

بعدني بنص صدمتي نضربت دفره بوجهي عيوني غوشن ماشوف شي احس بأنفي ينزف صوت صفير بأذاني.

حسيت شخص كعد قريب عليه بدة الغواشه تروح وكمت اشوف جانوا اربعه ملثمين مبين من حجم جسمهم زلم والرابعه مبينه بنيه لان جانت كاعده كدامي..

ضلت صافنه بوجهي حجه واحد من الملثمين..

:-خوش صيده صايد اويلاه لو توكع بيدي..

صاحت بيه البنيه..

:-حتى تصير موتك حلال جاين نربي هاي الساق*****.
ونرجع..

جنت مثل التايها عيوني تتنقل بينهم وجسمي يرجف من الخوف خايف من نهايتي شنو راح يصير وياي..

اتبعدت عني وحجة ويه الباقيه..

:-ماريد شي صاحي بيها..

مجرد نطقت هاي الكلمه هاجموا عليه مثل الوحوش اكثر ضربهم ع بطني من كثر ضربهم ع بطني حست نزل مني دم وهمه مستمرين واحد يتعب الثاني يستلم حسيت دا اموت ع البطيئ مر وقت مو قليل يله عافوني رجعت البنيه كعدت كدامي.

:-هذا درس صغير حتى تطلعين من الغربيه بدون رجعه واذا عرفت بعدج هينا راح يصير موتج ع ايدي فاهمه لو لا

من كميت الضرب ماجنت اكدر اسولف وحده من عيوني اجتي ضربه عليها ورم الجفن والثاني ماشوف واضح بيها
ملابسي كلها دم..

جنت نايمه مسلمه نفسي من تعب الضرب وكفت وخلت رجلها ع ايدي ومردت اصابيع ايدي بكل قواتها مجانت عندي قوة اصيح بس اون نين خفيف..

وخرت رجلها عني ودارت وجها للزلم...

:-اريد تكسرولي ايدها ماشفه غليلي.

:-ول يابا تمرين امر.

روحي خاويه حتى مابيه اتوسل بيهم يعوفوني.. تقرب اضخم واحد بيهم عليه جرني من ايدي وصلني للتخم.

التخم يصير مجلس عربي ناصي. رفع ايدي ع التخم وجسمي بلكاع قبل لا يدوس عليها نطقت بصوت خافت ودموعي اختلطن ويه دم انفي...

الماسه:-الله يخليك لا تسويها..

:-صدك جذب تدللين.

مجرد كمل كلمته رفع رجله ونزلها بكل قوته ع ايدي...
صرخت بكل صوتي واني استنجد بيه عسى واله يسمعني.