عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي..........
............................................
:-ليش سويت هيج؟
:-الخاطر سلامتك....
:-وحياتك انت..؟
:-ارجعها......
:-شبيك انت گتلك اني اكدر اشرد منهم بس لا تخطي هيج خطوه...
:-واني اعوفك بنص الموت وكعد وانتضر بلكت تكدر تشرد منهم....
:-جان گدرت بغير طريقه تعقد صفقه وياهم مو بهاي الطريقه...
:-محلوله.....
:-شنو محلوله اصحه ع زمانك...............
.............................................................
الماسه:-بيبي اني حامل....
زهرة:-عزه العزاني صخام بوجهي....
الماسه:-شسوي بيبي كليلي.....
زهرة:-خابري ابو وكليله.......
رفعت راسي من حضنها..
الماسه:-تحجين صدك لو اموت ما اخابره!!
زهرة:-لعد شتسوين ها؟
صفنت ثواني.....
الماسه:-اسقط الطفل....
اول مره ترفع يدها بوجهي بس جان راشدي صحوت ضمير بلنسبه الي....
زهرة:-تخبلتي انتِ اكييييد ولج يمه هذا روح وربج زرعها بداخلج غير عالم تحير شلون تحصل شعره من شعره وعوفيج من هذا كله هذا اخو قسور اخو ابنج...
خليت اديه ع وجهي وبجيت بعجز وحيره...
الماسه:-شلون بيبي اخابره وگله تعال اني حامل منك بيبي صارله متزوج عشر سنوات وماصار عنده طفل تردين يقتنع بليله وحده صار عنده طفل...
زهرة:-انتي گلتي عشر سنوات ماعنده اطفال واگيد اذا گلتيله راح يطير للسمه...
:-واذا ما صدك شنو اسوي اني بهل مصيبه...
ضحكت وضربت ع راسي.
زهرة:-مو ع الفاضي سموه سبع وداعت عيونج الازرك هذني ماخطه هيج خطوه وتقربلج لو ما دارسها زين..
الماسه:-يعني شلون؟
زهرة:-عوفيها الايام تثبتلج. وهسه كومي صلي ولذكري ربج وعوفي لافكار السلبيه من دماغج...
مر يومين واني بلبيت ما طلعت ابد ولا رحت للشغل بالي وتفكيري كله بلحمل. ثالث يوم طلعت للشغل احاول الهي نفسي بلشغل جانت تجيني اوجاع وتقلصات خفيفه بطني.
بس ماهتميت مر اسبوع ع هذي الوجاع وهي مستمره رجعت للبيت حتى ارتاح.
اول ما وصلت نمت الالم زاد عندي جنت نايمه واتوجع فزيت من نومي واني لازمه بطني بألم كمت واسند نفسي ع الحيطان لا اوگع.
