عرين الغضنفر.....
لاتنسون التصويت ومتابعة الحساب والتعليق ع كل الفقرات❤❤
اسراء الجنابي.....
........................................
:-سبع لا تخليني افقد من تحجي وياي احجي عدل من اكلك بنت عمك قصدي حرمتك..
:-يابا الحجي صار كدامك وكدام الكل وكلت اني بقيت سمر الخاطر جدي وهسه راح اخذ حرمتي الثاني تا نعيش يمكم....
الماسه:-شنووووو؟.شبيك سبع.
سبع:-هذا الي سمعتي حضري نفسج.
وكف بمكاني ماعرفت شنو اسوي صافنه عليه فزيت من صيحت ابوه.
:-ماتطب البيتي هاي.
:-شبيك يابه شنو هاي؟ حرمتي يابه حرمتي.
سكت ابو اخذ امه لسبع وطلع اني ع سكوتي ماحجيت ولا كلمه من طلعوا حجه نجم.
نجم:-انت من كل عقلك يول تريد تحطها يمها تا تحركها هل مره.
سبع:-اكو خطه براسي لازم انفذها...
نجم ضرب اديه ورادف.
:-الله الي يستر حرمتك فقيره سبع فكر.
:-لا تخاف عليها لبوه..
نجم:-اذا ابقه وياك شويه بعد تجلطني برودك اني رايح.
خله وطلع اني رجعت للغرفه كعدت ع الجربايه وصافنه اسمع سبع يخابر ماركزت بكلامه شويه ودخل للغرفه تقرب عليه..
:-هذا مؤمن خبصني خبص احجي ويا بس ابد لا تكليلو الي صار وياج.
اخذت الجهاز منه اول ماكلت الو عاط بيه مؤمن..
مؤمن:-ووووين مختفيه ولج مو وگعتي كلبي سوالج شي احجييييي
الماسه:-اهدء حبيبي مابيه شي والله..
:-لعد وين جنتي هاي الفتره كلها.؟ الماسه احجي لاتخليني هسه اجي اخذج.
جريت نفسه وحجيت بهدوء.
:-جنت مريضه وماردت اشغلكم اعرف بيك انت وبيبي اذا دريتو بيه مرضيه تتخبلون.
:-سوده عليه يروحي شبيج يجيسني المرض ولا يجيسج
.
:-اسم الله عليك..
:-شنو بيج؟
:-كورونا....
:-ديري بالج ع نفسج الماسه منتظر يوم يوم ترجعين.. وداعت عيونج كلشي يتغير ...
:-الله كريم. ابوي امي بيبي شلونهم..
:-كلهم زينين بس ضياء.
خليت ايدي ع كلبي وصحت.
الماسه:-ابني بي شيي مؤمن؟
:-لا لا اتطمني كلشي مابيه وجابه يم امي والحجيه دايرات بالهن عليه..
:-لعد شكو؟ شبيه ضياء؟
