عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي......
...................................................
اصعب موقف من تنطي بشر مقام وقيمة وترفعه وهو جان صفر تنصدم من تعيش ويه انسان بيوم من الايام معتبره كل دنيتك ورغم بيه اغلاط هواااااي وماتنغفر..
سمر الكسر الي سببته الي خلتني صعبه عليه ارفع عيني بعين اهلي وناسي...
كاعده جدامي وتبجي بكد حبي الها من شفت حالتها كدامي كلبي حسيته صخر قابض ايدي بكل قوتي اريد اخفف من عصبيتي حتى مااتهور ...
ابوي ونجم واكفين من بعيد يباوعون. درت وجهي الهم.
سبع:-اطلعوا برره..
:-بويه لا تتهور خلي ابوها واخوتها يربوها..
سبع:-يابه ول يرحم امك عوفوني اتفاهم وياها وحيدنه.
نجم:-حجي خلهم يحلون مشاكلهم وحدهم.
نجم اخذ ابوي وطلع تقربت عليها وكعدت كدامها وهي كاعده بلكاع.
جريت نفس وحجين بهدوء عكس البركان الي بداخلي..
:-راح اسئلج وانتي تجاوبين.
هزت راسها ب اي ورفعت راسها تباوع بعيوني.
سبع:-قصرت وياج بشي؟
سمر:-ل ا لا.
:-حرمتج من دراستج وحياتج؟
خلت اديها ع وجها واستمرت بلبجي بس العجيب كلبي مارف ولا حزن جنت اذا اشوفها زعلانه حس كلبي يطلع من صدري هسه ليش رفعت اديها وكالت.،،
سمر:-ليش هيج تدحگ بيه؟ سبع اني خايفه....
ضربت ع صدري بقبضة ايدي بكل قوتي..
سبع:-هذا ليش بعد مايرجف من يشوفج تبجين هذا جان حالو مثل حال الطفل يمج لج شقصرت تا تخونيني وتشمتين الغريب بيه.. سمر شلتج برمشو عيني فضلتج ع الكل بس ضربتين ع الراس توجع..
والله ماهمني الاطفال ومن البدايه كتلج ميهمني الطفل وحتى سالفت مرضج الي ذبيتها براسي ما مهتمله والله من دريت كلت من حبها الي تخاف تخسرني.....
عضيت ايدي بكل قوتي وصرخت بصوت اريد اطلع كلشي بداخلي...
:-بس تحطييين ايدججج بيد اكثر اثنين اكرهم بحياتي واعدائي. ليهنا ولازززم نخلي النقاط ع الحرف..
سمر:-حبيبي اسمع اسمع والله الخاطر ابني حياة حلوه وياك انت وحور سويت هيج حتى انت تصير بأحسن حال.
:- عش يابا شمقصر اني حتى ترخصين نفسج الهلدرجه
ندكت باب الغرفه ودخل نجم..
