الجوزاء والفيصل

الجوزاء والفيصل ٨

#الجوزاء_و_الفيصل
#روز_الفياض
#ح٨
.
.
.
لكَ أن تتخَيل معنى أن تقُول لكَ إمرَأة طاغية الجمال إنها تحُبك ! ♥️.
.
.
.
مر شهر وانه مااحجي ويه ايمان اختي لان مابقى احد مااشتكتله مني بحجة انه السبب بانحراف ابنها وانه اعرف صديقة ابنها واتستر عليه وانه وانه ..

وبالحقيقة انه كل شي مااعرف وحتى ماسألت قصي لان بالنسبة الي هذا موضوع خاص يخصه هو انه صحيح خاله ومقرب اله لكن هيجي امور مو مال الانسان يسال عليها اذا يريد هو جا كلي جا حجالي بس اكيد اكو سبب خلاه مايحجي وانه لايمكن افرض نفسي واحشر خشمي واكله احجيلي ..

الى ان هو اجه بعد مرور هالشهر المرير لان كلش اشتاقيتله بس مااجه ولااتصل ولا سأل وانه اطيته العذر لو جنت بمكانه راح ابتعد عن الكل واشرد من كل الناس ..

اندك الجرس وانه جنت اسبح ..
اندك اكثر من مره طلعت بسرعة فتحت الباب اتفاجأت بي ..
دخل كبل للبيت عالسريع وكلي بصوت ناصي :
السلام عليكم ..

رديت عليه بهدوء :
وعليكم السلام ..

كعد عالقنفة ساكت وصافن ..
رحت نشفت شعري ومشطت على كيفي ..
بصراحة استمتع من امشط شعري لان شعري يمكن الشي الوحيد الانحسد عليه ههه اسود حيل وناعم ..
باوعت لروحي بالمراية لا ينطلع بيه زين ..

رحت شريت المنشفه ورجعت كعدت يمه ساكت فكلي :
اكو جاي لو اسوي ؟

فيصل :
لا ..
ماكو ..
كوم سوي ..

فتحت التلفزيون اكلب بالقنوات سمعته حاجاني :
شنو الاخبار ؟

فيصل :
الاخبار عندك ..
انه رجال ماعدي اخبار كل اخباري تعرفها لان امك الله يسلمها هي التسوي الاخبار وتبلينه بيها ..

بقى ساكت ..

صب الجاي واجه كعد يمي يشرب بهدوء بس صوته من يشرب الجاي كتله :
هي شنيه هالدوخه هاي ؟؟!!!
خبصتنه هو كله جاي وانت صارلك ساعة تجر بي جر جنك ماشارب جاي قبل !!!

ضحك هو حيل :
عود انه مقهور وضايج وجاي يمك اوسع صدري وارتاح واخذ راحتي ..

فيصل :
اي ماكلنه شي اخذ راحتك بس مو كلش ..
يعني انت ترتاح وانه ادوخ شطلعت هاي !!!

رجع ضحك :
اشتاقيتلك خال ..

فيصل :
وانه هم ..

بقى ساكت مده طويلة بعدين سالني :
ماتريد تعاتبني ؟

فيصل :
شعاتبك خالي ؟؟
الله يعينك ويعيني انه راح تصير بينه حالة نفسيه من وره امك وخالتك وخالك تاليها احنه ندخل مستشفى المجانين بسببهم وهمه يبقون بره يعيشون حياتهم ههههه ..

قصي :
ليش بس امي هيج ؟

فيصل :
اذا انت ضايج لان امك تشلع الكلب شكول انه خواتي اثنين واخوي الجبير وياهن تلث نفرات تره مو شوية هههههه ..