الجوزاء والفيصل

الجوزاء والفيصل ٢١

#الجوزاء_و_الفيصل
#روز_الفياض
#ح٢١
.
.
.
منو مثلي انكسر عوده وبقه مورد .
.
.
.
بقيت محتار هذا قصي شلون بي ؟؟
لا انه اكدر اتناسى كرامتي وكبريائي واخابره واحجي وياه ولاكادر انسى السواه بيه هو وامه ..

بقيت للصبح كاعد شايل هم .
احسد المايهتم للناس للاهل للكرايب ..
احسد الاناني اليفكر بروحه وبس ، يفكر بمصلحته وبس ولاينقهر على احد ولا يشيل هم احد ..
اففف ..

مرت يومين مالي خلك وراويه مشغوله تسوي ديكورات ومدري شني للشقه وجنت الوم روحي على برودي وياها بس مو بيدي ..
منا كلبي مو ملكي .
ومنا تفكيري مشغول بسالفة قصي ماادري شتصرف ..

جنت اروح لبيت الحجي الصبح قبل لا اروح للشركة وارجعلهم الظهر من اخلص والعصر هم اجيهم بطريقي للشركة وبالليل من اخلص ..
ووياي اثنين شباب موظفين حتى نساعد الحجي نوديه للحمام ونغيرله فراشه ونحاول نگلب ( نقلب ) جسمه حتى ماتصير عده تقرحات من الفراش ..

مانطول اكثر من نص ساعه ..
ماشفت راويه ولا راسلتها ..
بس الحجي كل مره يكلي مشغوله ويه العمال وفرحانه ويتشكر مني ماادري على شنو ..

اليوم الثالث خلصت بالليل وجنت تعبان ..
اتصل بيه الحجي :
تكدر تجي ؟

فيصل :
هلا بالحجي ..
ان شاءالله بس اروح للبيت اغسل وابدل واجي ..

ابو راويه :
لا تعال هسه ..

فيصل :
اكو شي ؟
صاير شي ؟

ابو راويه :
اكو شغله اريد اكلك عليها .

رحت فتحلي الخدامه الباب ودخلت من باب الصاله للحجي كبل ..
بس بالطريق للصاله شفت راويه بالمطبخ ويه امها وشافتني بس دارت وجهها ..

سلمت عالحجي وكعدت ..

ابو راويه :
الله يساعدك .

فيصل :
يساعدك بختك ..

ابو راويه :
جاي لو كهوه ؟

فيصل :
والله اذا ماتصير زحمه جاي .

صاح عالخدامه كللها تجيبلي جاي ..
توقعت تجي راويه او امها يسلمن علي بس ماكو .
استغربت بس الصدك كلت انه هم مغلس ومااسأل عليها فيجوز زعلانه مني ..
اي ..
على كولت قصيو اذا انت غلطان لازم تراضيها واذا هي غلطانه هم لازم تراضيها ..

انتبهت للحجي يحاجيني ..
ابو راويه :
شلونه الشغل ؟

فيصل :
الحمدلله حجي ، كل شي ماشي تمام التمام .

ابو راويه :
انه حجيت ويه المحامي حتى ياخذك يكمل اوراق الوكاله ..

فيصل :
حجي مالها داعي ، انت هيج تزيد المسؤوليه علي وانه اخاف ادوخ واجفص جفصه منا مناك بالغلط واتفشل وياك ..

ابو راويه :
لا لا
انه عدي ثقه بيك ، انت ذكي وتعرف تتصرف .
بعدين هي مو وكاله عامة لا وكاله خاصه حتى تمشي امور الشغل بغيابي لحدما اصير زين ..