الجوزاء والفيصل

الجوزاء والفيصل ٤٣

#الجوزاء والفيصل
#روز_الفياض
#ح٤٣
.
.
.
‏تـشابڪنهہ ونـسينهہ ݪـيا وطـن رحـنهہ💕
.
.
.

ظلت راويه تحل عالروحه وياي للعراق ..
يوميه تفتح الموضوع ..
يوميه تفتح الموضوع ..
قبل اسبوع من روحتي للعراق هم رجعت فتحت الموضوع :

خل اروح وياك ؟

فيصل :
وين ؟

راويه :
للعراق ..

فيصل :
ماله داعي ترحين

راويه :
ليش ؟
ماعندي شي كل شغلي خلصته واريد اخذ فترة راحه .

فيصل :
فترة راحة مو بالعراق فترة راحه اخذي امج وروحي لدبي روحي لبنان روحي لتركيا روحي لمصر وين مايعجبج روحي .

راويه :
بس العراق لا مو ؟

فيصل :
اي مو ..

راويه :
ليش ؟
علمود مينا ؟
ماتريدها تضوج من تشوفني ؟

استغفرت ربي حتى مااصير عصبي :
يعني انت اذا شفتيها ماراح تضوجين ؟

راويه :
لا مااضوج ليش اضوج ..

فيصل :
المره الماتضوج من تشوف رجلها ويه وحده ثانية هاي ماتحبه .

راويه :
تدري بيه احبك .

فيصل :
معناها انسي الموضوع .

راويه :
اي ليش ؟
والله مااسوي شي

فيصل :
شي مثل شنو ؟

راويه :
يعني خاف انت خايف لااسوي مشاكل ..

فيصل :
لا ماخايف ..
بس مو حلوه بحقج ولا بحقي ..ولاحتى بحق مينا .

راويه :
عفيه ..

فقدت اعصابي من الحاحها :
سدي الموضووعع راوييه ..
شلون يعني اخذج وياي ؟
وين تكعدين وين تنامين يم مينا لو يمي ؟
انه وين انام يمج لو يمها لو كل ليلة يم وحده ؟
يعني انه ابقى يمج تلث اسابيع وهي بس اسبوع واحد وانوب اخذج وياي ؟؟؟؟
وين عقلج انت ؟؟

راويه :
تلث اسابيع تخلص بالشغل مااشوفك بس بالليل بس بالاسم تلث اسابيع ..

فيصل :
وهناك انه شنو مكابلها وكاعد ؟
هناك نفس الشي واكثر هو اسبوع واحد يمها واطلع الصبح ارجع العصر الف راسي وانام للمغرب اكعد ابقى جوه اشرب جاي واسولف واكعد يم كريم وام رعد وانوب اصلي واطلع ارجع بالليل هم ابقى جوه لوكت النوم ..
حمدي ربج هنا بحدنه عالاقل اول ماارجع من الشغل ابقى يمج هي ماتشوفني البيت متروس ناس ولاتلحك تكعد يمي اصلا اصعد الكاها نايمة من التعب .

تنهدت بتعب وكتلها بهدوء :
اتعوذي من الشيطان ولا تحرجين نفسج وتحرجيني ..
هذا الزواج صار امر واقع سواءا غرتي او ماغرتي سواءا اتقبلتيه او ما اتقبلتيه لازم تعودين نفسج على هالوضع ..
اعتبريني رايح بس للشغل ..
انه حتى اذا مامتزوج مينا هم راح اضطر اروح اسبوع كل شهر لحدما توكف الشركة على رجليها واكدر اعتمد على سعد ..