الجوزاء والفيصل

الجوزاء والفيصل ٢٦

#الجوزاء_و_الفيصل
#روز_الفياض
#ح٢٦
.
.
.
- تعبت من تمثيل دور الجدار اريد الاتكاء ❤️‍🩹.
.
.
.
ماكدرت اسمع ..
اخاف تكون ....
شلون اتحمل هالفكره ..
اذا انه ضايج عليها هلكد هي شلون كدرت تتحمل هذا العذاب النفسي ..
والجسدي .

فيصل :
كافي ..
مااريد اسمع بعد ..
لهنا وكافي ..
انت ليش تردين كل شويه تعيدين عليج وعلي نفس الاسطوانه المؤذيه ؟

راويه :
لان مليت ..
مليت وتعبت من نظرات الاتهام بعيونك ..
ومن التلميحات ..

فيصل :
سدي الموضوع ..

راويه :
لازم تسمعني
لازم .

فيصل :
سمعت بما فيه الكفاية .
مايحتاج اسمع الباقي .

اتجاهلتني ..

راويه :
احجي ويه صاحبتي همسه جان اسمها .

فيصل :
كاافي ..
افتهمنه .

راويه :
وحسيت بأيده على جسمي ..

وكفت ماكدرت اسمع ..

فيصل :
لخاطر الله كافي ..

راويه :
ماافتهم ..
مافهمت شجان يسوي لبت خالتي ..
اتصورتها بوسه عاديه بريئه رغم استغربت شويه ..
هو ليش يبوسها من حلكها ويبوسني من خدي ؟؟
ومافهمت شجان يسويلي ..

فقدت اعصابي خليت ايدي على حلكها سديت حلكها حتى ماتحجي ..

ظلت بس دموعها تصب ...
من شفتها راح تختنك يالله عفتها ..
باللحظة الاخيره سيطرت على غضبي ..

بس ماسكتت ..
ظلت تلهث لان اختنكت ..
وبس ارتاحت :
مااسكت هالمره ..

جنت واكف كبالها احاول اهدأ ..

راويه :
جان يتلمس جسمي بطريقه خفت منها ..
انرعبت ..
ماكدرت احجي خفت ..
ظليت ابجي .
بس هو ماهمه ..

فيصل :
كافي ..

راويه :
جسمي كله ظل يرجف من الخوف لان حسيت هذا الشي غلط ..
اتذكر كشيت منه ..

فيصل :
سوالج شي يعني ؟؟
احجيييي ؟؟؟
سوالج شي لو لاااا ؟؟

راويه :
حتى لوما سوالي ..
النتيجة وحده ..

فيصل :
شقصدج ؟
شسوالج ؟

مسحت وجهها بأثنين اديها وجرت نفس :
وكعت ..
من الخوف ماكدرت اسيطر على نفسي ..
خفت وبجيت واختل توازني ..
ووكعت على اسنان الشبك الحديد ..
وصار الي صار ..
مااتذكر التفاصيل بس اتذكر الالم ..
اتذكر بلحظتها فكرت يمكن هو هذا الموت اليحجون بي الكبار ..

صفنت بوجهها احاول استوعب انه الموضوع مو...
جريت نفس حيل وكعدت بالكاع ..
جزء بسيط مني ارتاح بس الجزء الاكبر بعده مامستوعب ..

بقيت مده كاعد بالكاع مدنك راسي بين رجليه ارتاح بعدين عفتها بالغرفه وطلعت ..

نزلت رحت للامام كعدت هناك لحدما صارت الساعة بثمانية ..