nagpalit na naman ako ng pabango
naamoy mo pa ba
iyong bulaklak na ibinigay
'yun pa rin 'yon
hindi nagbago
ako
hindi ko alam kung ilang talata na
ilang salita
ilang letra
ngunit patuloy pa ring sumusulat ang kamay
sinta
siguro
hindi pa rin ako uusad bukas
kahit ilang beses kong sinabi
ilang beses kong isinulat
ilang beses mo na ring nabuklat
tawanan mo ako
oo
tanga ako
hangal nang husto
hindi ko alam, ito ang tinitibok ko
pangalan mo
naamoy mo pa ba?
naaalala?
babalik at babalik ako sa'yo sinta
kahit ilang pagpaparinig pa ang ikinanta
hindi na maaalis
hindi ka makakalimutan
naging parte ka
parte ng buhay na marilag at dakila
