طاغوت

part 3

#

طاغوت.    
لـ روان الشمر

-قبل لان نبلش محبوبات تصويتت+
تعليق بين الفقرات خلي نوصلل التصويت الف
-متابعه لحسابي Rawan_alshammari

متابــعه ممتعـه♥
_________________________________

آياز

أتشخصت عيوني ع الي كدامي جسمي رچف و نفسي لعبت من المَنظر الي شفتة مُستحيل اكو ناس بهل مرحلة من القذارة دَب خوف بداخلي من الي شفتة!!!!

جانت مرت عمي كاعدة و مغَمضة عُيونها حَوليها طاسة بيها نار  تشتعُل بهدوء تغلي، و كُتب و عِضام ماعرف مال شنو ريحة الدم  وريحة غَريبة الغرفة بيها عُفونيه وريحه كريهة تارسة المكان، دُخان معبي الغرفة رجعت الــ ورا فتحت عيونها و جان لونهم غَريـب دَب الخوف بداخلي من شكلها و من الي راح يصير الي

رجعت الــ ورا ردت أطلع بس انطبك الباب  بسبَب قُرب ضهري الة،  التفتت حَوليها و سحبت سچين جَرحت اصبعها!!

أحس رجلية صابتها رچفة قوية من الي شفتة جرحت نفسها بدون مايرُف الها جفن !! تقربت مني و هيَ تباوع للسجين و الدم يُجري من أصبعها تقربت مني أكثر مَشت السجين ؏ ركبتي أبتعدت و قربتها أكثر حجيت بصوت يرچف

-آياز: عمة شجااي تسوين!!

-سحر: شنو شفتي

حجيت بخــوف
-ما شفت شي عوفيني الله يخليج

-سحر: أي حرف يطلع برا هل غرفة راح أخليج بدال هَذيج

التفتت و أشرت ؏ زاوية الغُرفة جانت دجاجة مُعلكة متمَزقة بشكُل يخَووف و الدَم ينزل منها، صوت مِيلان  عقارب الساعة يدك و أحس الدكات أدك بقلبي وعُضَامي

التفتت الي و ضحكت بانت أسنانها الي متگسرة و لونهم مُصفر  وثغره ابتسامته المرعبه اردفت..

-سحر: اني مُتحمسة أشوفج هيج معلكة فـ اذا تردين تحجين الــ شخَص أستعجلي ياحلوة

ضحكت ضحكة شريرة خَلت أوضاعي تتخَربط ونفسَي يُضيق شنو من بشر هاي !! اول مرة أصادف هيج شي واحس أي طاقة ما بقت الي رغم هَذا الخوف ما بينت ابدًا خايفة بس  الرچفه كانت فاضحَتني

-آياز: تعُرفين عقابج يم ربج شنو؟!

ندارت علية رافعه حاجبها
-منو انتِ وتعلميني الصح من الغلط! انا سحر لا تندكين بيه بابا، انا من اكبر العَرابيد الي ممكن تواجيها رجعت تضحك بصوت عالي

-درت وجهي دا أطلع حسيتها تسحبني حيل، ايدي نخَلعت من جرتني وجانت عُيونه أطفر شࢪار، تقربت يم أذني وهَمست بــ كلمات جانت كفيله بأن تُهدم حياتي وتقلبها 180درجه