طاغوت

part 27

#طاغوت
لـ روان الشمر

تصويت وتعليقات وتفاعلكم الحلو بارت طويللل ويستحق😔

_____________

هذا السوَاد الجَوه
عِيني الشايلَه
مُو مِن السهَر مِن
الحَجي لمَاگايله
______________

آياز

باوعت الة جان حالتة اسوء من كل مرة شديصير بيهم؟! الى متى..

طاح أصيل من طولة لزمه الأويس يسنده ركضت الة كعدت مقابيلة

-اياز: اهدددأ اصيل؟

-الاويس: اصيل شبيك قابل هوا كتلها ترة ميثاق الكواد هوا الي هدده و ما جان يعرف راح تروح ضحية دره والأعمار بيد ربك نسيت؟

-اصيل: للللك الاويس روحي جاي تطلع شسووي كتللللوني و خلصوني من هذا الظيم

مريم: ولك يمة جاي تموت روحي بحالتك هاي

-اصيل: يوووم اني روحي ماتت من قبل الأربعين يومم

الاويس شال اصيل صعدو فوك كعدت صافنة الى متى هاي العائلة تبقة بس القهر يلاحكها

-مريم: يمة اياز كومي سوي ليمون لا يصعد ضغطة

كمت بدون ماحجي سويت ليمون و صعدت الة جان فقط صوت الاويس عالي و مبين عصبي دكيت الباب و دخلت جان اصيل مكتف اديه الصدرة كأنو يفكر القهر ماكل ملامحة اكل

تقربت الة قدمت الـ كلاص باوع الي اخذاه بدون ميحجي

-اياز: اصيل اهدأ لا تسوي بنفسك شي ترة مو حمل هم ثاني ترة الكسر الي بروحي بعدة ما متجبر

-اصيل: الله كريم محد يموت ناقص عمر وذا متت هذا يومي و هذا شي احلم بي يومية

-اياز: اصيل لا تكوول هيج ترة جاي تأذيني ما عندي احد غيرك انت اخوي الي من بعد سنين لكيت حنية الاخوة بيك لا تحرمني منها

ابتسم بهدوء ما كال شي حسيتة تعبان طلعت منة دخلت اكعد شكيناز جانت غاطة بنوم

-اياز: شكيناز كومي كعدي دنيا مكلوبة وانتي نايمة

-شكيناز: ولله انتو ما تخلون واحد يتهنة بنومة البيت كائيب المن كاعدة ترا نفسيتي تعبانة عوفوني اتهنى بنومتي على الاقل

عفتها و نزلت اول ما دخلت المطبخ دخل هتان ركضت الة واني اتلفت بأستغراب

-اياز: هتان اصيل عرف دره بسببك توفت

باوع الي بأستغراب:-شنو بسببي شبيج اياز

-اياز: اقصد اصيل عرف عرف مـ ـيثااق سبب حادث وو عصبي ووحالتة حالة

-هتان: وينة هوةة

-اياز: بغرفتة

صعد ركضت وراه لزمتة من ايدة