طاغوت

part 21

#طاغوت
لـ روان الشمر

تصويت ومتابعه لحسابي محبوبات🧡
_______________

ولسه ..
ناطرتك تبادر
وكل مسى يمر ما تجيني
وأقنع گليبي إعله باچر
وهذا چم باچر تعده
وگلبي ناطر؟
گلي أذا تهوى المحطه
حتى روحي تصير شباچ
التذاكر .
________________

دره

كعدت على ايد تمسد على راسي رفعت عيوني الة ابتسم

-مختار:  خوفتيني عليج

-دره:  هاي تالي الي تصير رومانسية وي رجلها

طكهة ضحكة ولولد هم ضحكو خزرتة و كلت -دره: نوب يضحك على جروحي

-مختار:  هاي حلوة مال يضحك على جروحي لج جاية تركضين شني طاير خو ماطاير مادري راح تحبيني هيج غمز و ضحك ضربت على ايدة و كلت

-دره: كافي شبيك منا الولد

-اسماعيل: لا يابة اخذو راحتكم

-زيد: حسبونة خواتكم

-مصطفى: الله يطيح حضكم امشو خلوهم بوحدهم  طلعو الولد التفتت الي مبتسم باوع لعيوني جانت عيونة مليانة خوف ابتسمت على شكلة

-دره: شدعوة هيج تباوعلي الي يكول راح اموت شو وخر

-مختار: لج الشك 3 اخياطات راحت روحي من شفت الدم بطولج

حاولت اغير الموضوع لان ستحيت من نظراتة

-دره: غنية كيفت من شافت دمي ب طولي ابتسم

-مختار: ولله لا كيفت ولا خافت ماعرف شنو بداخلها بعد

- دره: شوكت اطلع منا احس اختنكت ولو المستشفى اهون من بيت المغوار

-مختار: بس عوفي المغوار نايم بكبرة مرتاح سنين محد جاب سيرتة من اجيتي كل شوية ذاكرتة نوب ياريت بشي زين

ضحكت على كلامة المكان صار هدوء

-مختار: من طلعت شايلج من البيت اجو عليج ولد و ابنية

-دره: علية؟! و شمدريك اجو علية

-مختار: مو بسملة دكت علية و كالت صديقة دره و ابن عمها كلبي دك بقوة راد يطلع من مكانة معقولة اجت حتى تشوفني اعيوني دمعن واني احس بقة عندي احد و مو وحيدة  باوعت الة و كلت

-دره: شمنتظررر لعد طلعني اروح اشوفها

-مختار: الولد راحو يسجلون اوراق الخروج

سكتت بقيت منتظرة اكره الانتظار مشتاقة الها راح احظنها حضنة قوية تعبر عن شتياقي الها شوية و اجو الولد كالو يلة بسرعة كمت من الجرباية لبست شحاطة و جانو جايبين عباية ملبسيها الي من جابوني المستشفى  مشو الولد قبلي و مختار يمشي بصفي وصلنة السيارة صعدو الولد واني و مختار صعدنة الـ ورة و سماعيل خليت راسي على جامة من صفحة الجرح ماحس الة راسي نسحب و تخلة على كتفة