طاغوت

part 18

#طاغوت
لـ روان الشمر

-محبوبات لا تنسوني بـ تصويت
-تعليق بين الفقرات
-متابـعه لحسابي Rawan_alshammari🤍
___________________

أَنـا مزيجٌ‏ مِن الماءِ والنُّور
انا مزيج من الطَيب والجبروت
إمرأةٌ خُلقَت ‏بِمشقةٍ مُتقنـة،
أُنثاكَ التِي لآ تقبلُ القِسمة إطلاقًا
خُذنِي بِجلّي‏ أَو دَع أَغلبي معِي
واغرِب عن وجهِي بعد ذلك...

روان الشمر
____________________

دُره

غنية:  حضروها الشيخ بـ الطريق

كمت على حيلي صعت بعلو صوتي

-دره:  انــــتي منو وتردين تزوجيني شخص ماعرفة وحق الله اشتكي عليڪم وأخيسگم بـ السجووون

ماحس الة راشدي ركعني بكاع باوعت لكيتها امي نزلت الي و كالت

-بيداء:  اششش خلي السانج بلهاتج و توافقين ونخلص من هل قبو الي عايشين بي

-دره:   خليني بلقبو مطمومه شسووالج وهيج صرتي على مود عششيقج

ضربتني راشدي و سحبتني من شعري دخلتني للمطبخ قفلت الباب حجيت بقهر ودموعي نزلت تجوي خدي جوي..

-دره:  هاي عود انتي امج تزوجيني واحد على مود امجج تزوجج الي تحبي جنت اشوفج سند ليش ليش هيج لا تكسريني مثلهم

شعلت الطباخ خلت سجين على نار باوعت الها ببرود عكس النار الي تحركني حرك اباوع للسجين صارت حمرة و داخلي صار اسود!!

بدون اي كلام رفعت ملابسي تقربت بيدها السجين خلتها على خصري شاغت روحي عصرت ايدي حيل واحس جسمي كام ينتفظ بس ما بدر مني اي شي كتمت صوتي بقوة

شمرت السجين و كالت

-بيداء:  هذا درس صغير حتى مرة ثانية ما تتطاولين علية

-دره:  ليش لان كلت الج تعوفيني على مود عشيقج الحقيقة مُرة موو!!

دفعتني بقوة طلعت و عافت الباب مفتوح دخلت الي سمية و بسملة كعدن كدامي خايفات

-بسملة:  شسولتج امج ليش ماكو صوت من دخلتو !!!

ضحكت بوجع و رفعت ملابسي اشرت على مكان الچويه و كلت

-دره: حبت تعبر الي عن حُبها

وحدة صفنت بوجه الثاني رحت للغرفة ضليت افتر من الوجع نزعت الملابس و بقيت اهفي ماكو نااار و شاعلة شوية و دخلت زينب بيدها عصارة خلت الي على جرح  شاغت روحي للستار شويه وهدأ الوجع بس يا علاج يهدي جروح روحي!!! محد دخل الي مرت ساعة دخلن البنات بسملة بيدها جادر صلاة

-زينب:  جدة تكول خل تلبسة الشيخ انتظر اهواي

باوعت الها بروح تعبانه كمت اخذتة و لبستة بدون ما احجي شي كلهن بقن يباعن الي مستغربات ليش محجيت!!  بس روحي تايهة طلعت وكفت يم باب الاستقبال و جان الكل يباوع علية بتعجب اني اليوم بطلة المسلسل!!