طاغوت

part 26

#طاغوت
لـ روان الشمر

تابعو حسابي Rawan_alshammari+ صوتو وعلقو وصلو التصويت والتعليقات الف🧡

______________________

الهَوئ يلتم علية منين مِا ذگروك
وأدك رچلي وأضل بٰـ عازة الخنگة
أغصَ بـ ريحتك ما گمت أغص بالزادَ
المفارك النسَمة العابرة تغرگة
مو بس الصِواب ألنفسّ هم گتال
سهم يمشي الخِريف بـ رية الورگة
نيتك صافية وتعرفَ شلون تروح
_______________________

آيـاز

باوعت الهتان الي ساندني ابتعدت عنة وكلت
بتعب

-اياز: اني اني زينة وخر

-هتان: اشش انتي تعبانة امشي للسيارة

دفعتة بكل حيل عندي هزيت راسي بنفي عدة مرات

-اياز: ماريد ماريد مخنووكة ماجاي تحس بنار الشااعلة بين اضلوعي هتان لك هتااان هاي روحي لك تصيحلي عزيزة كلبي ويييين رحتي و عفتي عزيزتج لج منو بعد الي لج هلي خلللصو وتيتمت مره ثانيه

سحبني انظربت بـ صدرة مسح على ضهري حاول ايهديني ماكو حار بية

-هتان: ترة دره جاي اشوفج شون جاي تأذين نفسج اهدي

طحت من طولي تمددت بصفها رفعت ايدي امسح على كبر

-اياز: شدينه وعد نظل يم رايه العباس تكطعين الوعد وتكسريني ليش؟

اجه هتان يريد يسحبني وانا احس فقدت وكعت يم كبرها

- وين رحتي وعفتينيييي ليش نمتي هاي النومة كومي يا عزيزتي كومي ياهلي لج ما بقة عندي احد انتي جاي سمعيني ليش ما تردين ادري بيج جاي تشاقين وياي مقلب مووو

لج هذا اصيل الي حبيتي هذا شوفين حالة لج كسرتي ضهرة وخليتي عليه هموم لج رريشة ليش طررتي بعيد

حسيت على شخص كعد بصفي رفعت راسي شفت اعيونة تباوع الي بكل قهر و خوف ودموع ماعرف شنو اسووي واطفي النار الشابة بصدري

-هتان: اعرف شعورج هذا و اعرف انتي انسانة متحطمه بسبب موتها بس انتي انسانة مؤمنة و عندج ايام بربج كلش قوي هذا حكم الله ولا عتراص على حكمتة انتي جاي تبجين ما راح ترجع البجي لو يرجع الي نحبهم جان بجينة كلنا الي مطلوب هسة منج دعاء و صلاة الها كومي على حيلج ترة راحت المكان أفضل

مسحت دموعي عافني و كام الاصيل بقة يحجي وياه اصيل صافن ؏ الكبر يتحسس اسمها ميرد محجة حرف جان صافن على كبر يرفع ايدة و ينزلها بلتراب حالتة تبجي الكافر مقبل يرجع بقة هوا و هتان و كم شخص رادو نرجع دنكت وكلت بشهكة

-اياز:اني رايحة عروس وادي السلام رايحة يا عزيزة روحي رايح يل شعلتي روحي هاهية بعد ماسمع ضحكتج ولا اشوف عيونج اااااخ يلنار الواجة بصدري