طاغوت

part 32

#طاغوت
لـ روان الشمر

تصويت+تعليق بين الفقرات+مُتابعه لحسابي
Rawan_alshammar🧡

____________________

بينما جميع الشعراء يغوصون
بالنرجسية و يتغنّون بشجاعتهم
جاءت تلك الغائصه بلشجاعة و قالت :

انا اُنثى الدهَـــاء
____________________

اياز

حاولت اخفي ابتسامتي  جسمي كلة رجف يعني  ما ضحك علية اجة اجة حتى يخطبني!! فزيت من فرحتي على ضربة الكلاص بالكاع والكلام الي يبس دَمي

جلال: وحق الله اياز الي و ماتصير الغيري

بدون وعي تقربت الة دفعتة بعصبية و رفعت اصبعي بتهديد

اياز: وانت منو الي جاي تحلف بالله هاا  تعرف شنو معناه الحلفان بألله!!! بلا كلي  انت منو صايم مصلي تعرف الله! اني مو شايفتك ابن خال شلون تريد اشوفك زوج الي باع لا تفكر مجرد تفكير انو يوم من الايام راح اصير الك فهمت

عيونة صارت بكصتة تقرب حتى يضربني ماحس الة شكيناز صارت كدامي و صاحت بقوة

شكيناز: ايدك اذا تمدها اكسرها الك وربك

جرها من شعرها و شمرها بالكاع وكعت حيل صحت بقوة و ركضت الها البنات صار صوتهن عالي و جلال يصيح و يهدد ويزامط  صار هدوء من دخل عمي ووصاح

عون: جلااال !!!

التفتت الة بدون ما يحجي ضربة راشدي فر وجهة فر كامت شكيناز وكأنو شيء لم يكن تقربت  لخالي و كالت

شكيناز: خالو هذا جلال خال كورة و كور اياز
و راد يضربها و ضربني لان ما قبلت على كلامة السيء العمامي

جلال: انتي انجبي لا افرك حلكج بلنعال

عمي سحب جلال من ملابسة و نترة بعصبية

عون: انت الي تنجب لا اني افرك حلكك بالقندرة ابن القندرة شوف وحق ربك يا جلال ترة النقاط السود صارن هواي لا تخليني اشوفك وجهي الثاني 

دفعة طاح بالكاع اندار خالي و سحب شكيناز مسح على ضهرها باوع النا بنظرات حنونة

عون: اسف يخالي بس صدكيني مرة ثانية اكسر ايدة اذا مداها على وحدة منجن و انتي خالي اياز  مسحيها بوجهي ما تنعاد وذا انعادت راح اشوف غير تصرف

اياز: مصار شي خالو لا تضوج نفسك

ابتسم الي و طلع جلال طلع وراه شكيناز غمتة ضحكت على تصرفها تقربت حضنتني. طكتها هلهولة خفيفه

شكيناز: لكمممم اختي راااح تصير عررررروس

ضحكت على ضحكتها حظنتني بقوة