"လာကွယ် မြန်မြန်လာပါဦး"
သူမသည် လီဝေ့ရန်ကို အလွန်သဘောကျပြီး နဝမမင်းသမီးကလည်း သူမကို အလွန်နှစ်သက်သည်။ သူမသည် ယနေ့တွင် နဝမမင်းသမီးအတွက် ခန်းဝင်ပစ္စည်းအချိုကို ရွေးချယ်ပေးချင်ခဲ့ခြင်းဖြစ်သည်။ ယွေ့မိဖုရားကြီးသည် ကံမကောင်းစွာဖြင့် နာမကျန်းဖြစ်နေပြီး ဧကရီကလည်း အလွန်အလုပ်များနေသဖြင့် နဝမမင်းသမီးသည် လီဝေ့ရန်အားအကြံပေးတစ်ဦးအဖြစ် ဆောင်ရွက်ပေးရန် စ၍အဆိုပြုပေးခဲ့ခြင်းဖြစ်သည်။ ဒါသည် ထုံးတမ်းစဉ်လာများနှင့် မကိုက်ညီသော်လည်း မယ်တော်ကြီးစိတ်ပျော်နေသရွေ့ အရာအားလုံးက အဆင်ပြေတယ်လေ။
မယ်တော်ကြီးက ခေါင်းညိတ်ပြလိုက်တော့ နံဘေးတွင် ရပ်နေသော ပွဲလမ်းသဘင်စီစဥ်ပေးရသော မိန်းမစိုးတစ်ဦးက ဆက်လက်၍ ရွတ်ဖတ်ပြလာသည်။
"ဆတ်ခလောက်သားမွေးစောင်တစ်စုံ၊ မြေခွေးသားရေစောင်တစ်စုံ၊ တန်ဆာဆင်ထားတဲ့ စပါးအုံးသားရေဖဲစောင်၊ တောက်တောက်ပြောင်ပြောင် ဖဲစောင်ရှစ်စုံ၊ ခေါင်းအုံးဆယ့်နှစ်လုံး၊ ခန်းဆီးစင်တစ်လုံး၊ ခြင်ထောင်စင်တစ်လုံး၊ မျက်နှာကြက်တစ်စုံ၊ တတိယတန်းရွှေ၅၀လျံ၊ သတ္တုအပေါ့သား ၅၀လျံ၊ ငွေတစ်သောင်းလျံ၊ ဖဲပိုးထည်စ အလိပ်တစ်ထောင်၊ အပြာရောင်ဝါဂွမ်း ချည်အလိပ်နှစ်ထောင်"
နဝမမင်းသမီးသည် မနက်အစောကြီးကတည်းက အိပ်ရာထခဲ့ရသည်။ သူမ၏ ခန်းဝင်ပစ္စည်းများကို ယွေ့မိဖုရားကြီးက သေချာစဉ်းစားပြီးပေးထားသည်ဟု ထင်နိုင်သော်လည်း မယ်တော်ကြီးသည် မမျှော်လင့်ပဲ သူမအား တန်ဖိုးထားသည့် အရာများကို ကိုယ်တိုင်ရွေးချယ်ရန် အလိုရှိနေခဲ့သည်။ ဒီလိုမျက်နှာသာပေးရှိတာမျိုးကို တစ်ခါမှ မတွေ့ဖူးသေးတဲ့အတွက် သူမကဘယ်လောက်ပင်ပန်းပြီး စိတ်မရှည်ဖြစ်နေပါစေ ဆက်တိုက်ပြုံးပြီး နားထောင်နေရတယ်။
တစ်နာရီထက်မနည်း ဖတ်ပြီးသောအခါတွင် စာရင်း၏၄ပုံ၁ပုံကိုသာ ဖတ်ပြီးသေးသည်။ မယ်တော်ကြီးသည် သက်ပြင်းတစ်ချက်ချကာ သူမ၏နားထင်ကို နှိပ်နယ်လိုက်ပြီး
"နားထောင်ရတာ တကယ်ကို ခေါင်းကိုက်စရာပဲ။ ဝေ့ရန် ဘာတွေက ထည့်ဖို မသင့်တော်ဘူးလိုထင်လဲကွယ်?"
YOU ARE READING
လီဝေ့ရန် (ဒုတိယတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...