မယ်တော်ကြီးက သက်ပြင်းချလိုက်ပြီး "လျူမယ်မယ်ကြီးကို နန်းတော်ဆီ ခေါ်လာဖို့လူတွေကိုပြောလိုက်"
မိန်းမစိုးက ပျာပျာသလဲအစီရင်ခံတော့သည်။
"အရှင့်သားက လျူမယ်မယ်ကြီးကို နန်းတော်ထဲသို့ ကိုယ်တိုင်ကိုယ်ကျလာရောက်ပို့ဆောင်သွားပေမယ့် မယ်တော်ကြီးသိရင်ထိတ်လန့်သွားမှာစိုးလို့ တစ်စုံတစ်ယောက်ကို အရင်ရှေ့ပြေးသတင်းပို့စေတာပါ"
မယ်တော်ကြီးသည် ခေါင်းညိတ်ပြပြီး လီဝေ့ရန်ကို ကြည့်လိုက်သောအခါ ခေါင်းကိုက်ခြင်းကို မခံစားရဘဲမနေနိုင်ဖြစ်ရသည်။ မယ်တော်ကြီးအနေနဲ့ ဝေ့ရန်ကို ဒီကိစ္စတွေမကြားစေချင်တော့ဘူး။ သူမ၏နှလုံးသားက ဝေ့ရန်ကို အမြန်ပြန်လွှတ်စေလိုပြီ။ ဒီနောက်မှာမှ လီဝေ့ရန်ကို ဒီအကြောင်းစကားမဆိုစေဖို့ ညွှန်ကြားရပေမည်။ သူမက ဝေ့ရန်ကိုပြန်သွားစေဖို့ ပြောမလို့ပဲရှိသေး လျူမယ်မယ်ကြီးက ဝင်လာမယ်ဆိုတာ ဘယ်သူသိပါ့မလဲ။
လျူမယ်မယ်ကြီးက မယ်တော်ကြီးအားနှုတ်ဆက်ဂါရဝပြုလိုက်တော့ နန်းတွင်းသူက သူမကိုထလာစေရန်တွဲကူပေးလိုက်တယ်။ သူမ၏မျက်လုံးတွေမှာ တောက်လောင်နေတဲ့ မျက်ရည်တွေပြည့်လျှံနေသည်ကိုတွေ့လိုက်ရသည်။ နားမလည်နိုင်သောဘေးဥပဒ်တစ်ခုကိုကြုံတွေ့ပြီးနောက် သူမမှီတွယ်ရာသူအား မြင်တွေ့ရခြင်းမှာ တကယ့်ကို ဝမ်းသာစိတ်ဖြစ်ရတော့တယ်။ ထို့ကြောင့် သူမသည် ငိုလုမတတ် မယ်တော်ကြီးထံသို့ ပြေးသွားလေသည်။
လျူမယ်မယ်ကြီးသည် ဤကဲ့သို့ကြောက်လန့်နေသည်ကိုမြင်လိုက်တော့ နဝမမင်းသမီးကအနည်းငယ်အပြစ်ရှိသလို ခံစားလိုက်ရသည်။ သူမ၏မသိစိတ်က လီဝေ့ရန်ကို တစ်ချက်ကြည့်လိုက်သော်လည်း ဝေ့ရန်သည် လျူမယ်မယ်ကြီးကိုသာ လေးနက်သောအမူအရာဖြင့် ကြည့်နေသည်ကို မြင်လိုက်သဖြင့် သူမဘာတွေးနေမှန်း မသိရပေ။ နဝမမင်းသမီးက အံသွားကိုက်လိုက်မိသည်။ သူမသည် အိမ်ရှေ့စံနှင့် တတိယအစ်ကိုတော်တို့ကို ထည့်မတွက်တော့ဘဲ ယခုအချိန် ချို့တဲ့သောအနေအထားတွင်ရှိနေသည့် သတ္တမအစ်ကိုတော်အား ကူညီပေးဖို့ဆုံးဖြတ်ခဲ့သည်။ ဤတစ်ကြိမ်တွင် သတ္တမအစ်ကိုတော်ဖြစ်သူက သူမအား ကောင်းမွန်သောအလုပ်တစ်ခုလုပ်ရန် ကိုယ်တိုင်ကိုယ်ကျ တောင်းဆိုခဲ့သည်မလား။ သူမသည် လီဝေ့ရန်၏စီစဉ်မှုများကိုလိုက်နာပြီး ဆုံးဖြတ်ချက်ချရမည်ပင်။ စိတ်သဘောထားတခဏတာယိမ်းယိုင်မှုလေးကြောင့် စိတ်လျှော့သွားလို့မဖြစ်ပေဘူး။ ဒီ့ပြင် အိမ်ရှေ့စံပဲဖြစ်ဖြစ် ထော့ပါကျန်းပဲဖြစ်ဖြစ်၊ သူတို့အားလုံးက သူမရဲ့ အိမ်ထောင်ရေးကို စိတ်နှလုံးကောင်းမထားပေးကြဘူးဆိုတာ သိသာတယ်။ သူမ၏မယ်တော်ကလည်း သူမကို ထပ်ခါထပ်ခါ သတိပေးခဲ့သေးသည်။ ယခုမှစ၍ သူမသည် ထိုလူနှစ်ယောက်ကို ဆွေမျိုးများအဖြစ် တုံးတုံးအအ မဆက်ဆံသင့်တော့ပေ။ နဝမမင်းသမီးသည် ရိုးရှင်းသော်လည်း သူတို့သည် ရိုးဖြောင့်သူများမဟုတ်ပေ။ သူမသည် နာကျည်းမှုကိုဖိနှိပ်ကာ
YOU ARE READING
လီဝေ့ရန် (ဒုတိယတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...