# ترجع الحقوق للكاتبه اسراء هيكل
البارت الثالث عشر
جريمتي هي حُبِك
~في مصر~
مصطفى: مفيش اي خبر عن رهف
سيد : لا
مصطفى: ليل راح فين اختفى لما قولت مرجعتش وفونو مقفول انا بدأت اقلق والله
معتز: إن شاء الله خير ليل مش هيرجع غير ب رهف ومش هيرد على حد
سيد: استرها يا رب
~عند سهام~
سهام: هي فين
عُدي: جوا مصدومه من ساعة ما شافتني باين عليها بتحب ليل
سهام: طب خلي حد من الرجاله يجيبها
عُدي: هيثم هيثم هاتها من جوا
هيثم: حاضر
رهف : سيبني سيبني والله العظيم انا اقدر عليكوا كلكوا
سهام بضحك: بس الصدمه مخلياكي مش عارفه تعملي حاجه صح
رهف: انا عايزه افهم ازاي !!!!
عُدي : تفهمي اي انا يعني لا مش هتفهمي حتى لو شرحنالك
رهف: ملكش دعوه اللي ليك انك تقول وانا بقا عليا الباقي
سهام: يا حرام تصدق صعبة عليا بفكر تحكيلها عليك
عُدي: انا مش فايق للعب العيال دا يا سهام انا خارج سلام
رهف: هو مين دا !! دا مش ليل انا واثقه
سهام: واثقه ازاي انتي مش شايفه قدامك
رهف: اولا ليل مش عندو حسنه كبيره فوق عينو حتى لو ليل كدب عليا بس مش هيفضل طول الفتره دي بيرسم حسنه يعني دا مش ليل حتى نبرة صوتو مختلفه هو اه نسخه طبق الاصل بس ليل جسمو رياضي انما دا لاء برضو يبقا مش هو ف انا حابه افهم بقا
مين دا يا سهام
سهام: على فكره انتي بتبهريني كل شويه بجد اللي سمعتو عنك انك هبله و منعنشه بس طلعتي ميه من تحت تبن
رهف: لا ولسه عندي كل جديد
سهام : بصي انا اصلا زهقانه و مستنيه حاجه كدا تحصل ف اشطا هحكيلك بس بشرط
رهف: انا محدش بيشرط عليا اسمو طلب وانا يا اوافق يا ارفض انتي وحظك
سهام: ماشي
هرجعك بس هتسمعي كلامي و اللي اقول عليه يتعمل تعملي
رهف: هو طلب زي ما قولتي ولو موافقه تمام
سهام : ماشي هي حاجه وهتنفعني اوي
عيزاكي تعملي .......
رهف: انتي جبروت بس تمام بس وديني لو حد حصلو حاجه انتي حره بقا
سهام : موعدكيش
رهف : هتحكيلي يلا
سهام : ماشي
انا مش بنت معتز معتز و مديحه مراتو مكنوش بيخلفوا ف قرروا يتبنوا
انا اهلي سابوني وانا صغيره رموني في الشارع بمعنى اصح و حد اخدني وداني دار ايتام المهم
معتز اقترح على مديحه يتبنوا طفل و هي وافقت وجم اتبنوني في البدايه كانوا كويسين اوي وانا كنت بحبهم
بس بعد ٣ سنين يشاء القدر إن مديحه تحمل و تخلف نوران
المعامله بعد كدا اتغيرت بقا كل التفضيل ليها هما اه مرجعونيش الميتم بس مبقوش يحبوني زي الاول
و لما نوران كبرت برضو كانت شايفه نفسها عليا
رهف: مين عُدي
سهام: في عريس كان جاي للبنت الكبيره اللي هيا انا
و قالولي في عريس و جاي و هتتقابلوا و اجهزي وانا جهزت وتمام ف العريس جه وانا مكنتش لسه طلعت و نوران كانت برا العريس اول لما شاف نوران طلبها هي
احرجوني اليوم دا و لما زعلت انهم وافقوا قالوا اني بغير منها و اليوم اتقلب عليا
محدش اتقدم تاني وانا فقدت الامل وقررت اني مش هتجوز
جالي بعد كدا واحد بس رفضتو
المهم اتجوزت نوران فهد و حملت في توأم ليل و عُدي
بس يوم الولاده انا كنت مدايقه اتفقت مع ممرضه و بدلنا طفلين واحد ميت ب واحد من التوأم و قالوا إن واحد من التوأم مات و انا اخدت التاني
اخدتوا لواحده صحبتي و بعد اسبوع سافرت اربع سنين كنت شبه مقيمه هناك بس باجي زياره بس
رهف: ليل بيحبك على فكره
سهام: ليل مش ابني انا ابني عُدي بس اي حاجه من طرف نوران عدوي
رهف : انا متاكده انك غلط
انا مش هعمل حاجه عيزه تقتليني انا معنديش مانع بس مش هتسبب في انك تئذي ليل استحاله
