جريمتي هي حُبِك

البارت الثاني والعشرون

#ترجع الحقوق للكاتبه اسراء هيكل
البارت الثاني والعشرون
جريمتي هي حُبِك

مصطفى بأسف: لا يا نور مش بنتك

نور سمعت انها مش بنتها واغم عليها
جرى غيث تجاه نور وزعق في الممرضات عشان يجيبوا كرسي ليها

غيث: طمنا يا دكتور
الدكتور: أعصابها تعبانه خالص
غيث : هي كانت بتروح لدكتور نفساني بس بقت كويسه هي مرجعتش زي الاول بس بقت بتهزر اوڤر و بتضحك اوڤر بس قولنا مش مهم تضحك كتير عادي
الدكتور: هي مش بتكون بخير هي بس بتحاول تبين إنها تمام مش اكتر بس واضح انها دلوقتي منهاره اكتر لسبب معين
غيث: هي اختي اتخطفت بقالها حوالي ٢٤سنه وكان في امل صغير إنها تكون شخصيه احنا عرفينها بس بعد التحليل طلعت مش هي ولما ماما عرفت اغم عليها
الدكتور: طيب لما تفوق هبعتها لدكتوره نفسيه كويسه اوي

خرج غيث وساب امو نايمه
الكل اتطمن عليها و روحوا وفضل معاها غيث

سليمان: جاهزه
ملك: لا انا خايفه اوي بلاش نروح
سليمان: متخافيش طول ما انا معاكي وغير بالمره اطلب ايدك منهم
ملك: خايفه ميرضوش يرجعوني معاك
سليمان: متقلقيش محدش يقدر
ملك: اوعى تتخلى عني يا سليمان
سليمان: انتي روحي يا ملاكي ازاي حد يقدر يعيش بدون روحو
ملك: ربنا يديم وجودك

وبالفعل راحوا عند أهل ملك
..مين
ملك: افتحوا

فتح الباب طفل عندو حوالي ٧سنين
الطفل : حضرتك عايزه مين
ملك : انت مين
الطفل : انا ملاك ناصر زينهم
ملك: !!! فين باباك يا حبيبي
الطفل: بابا عند ربنا هو مش بيجي عندنا ماما قالتلي إننا هيجي يوم واحنا هنروح عندو
ملك: بابا مات!!
فين مامتك طيب
ملاك: ماما يا ماما في حد برا عيزك
خرجت الام واول لما شافت ملك جريت عليها وفضلت تعيط وتتاسف ليها
ملك: هو في اي اللي حصل
عايده: بعد ما مشيتي ابوكي دور عليكي كتير اوي وكان ندمان ولما معرفش يوصلك مستحملش وراح فيها
واختك مرام وافقت على اول عريس عشان تقدر تبعت لينا فلوس وهي برا مصر دلوقتي مع جوزها و بنتها كتر خيرها كل فتره بتبعت لينا مبلغ
ملك: مين ملاك
عايده: بعد ما مشيتي اكتشفت اني حامل
ابوكي ندم والله وهو مسامحك هو قالي انك هتيجي وطلب مني اقولك تسامحي
سليمان: احم السلام عليكم
عايده: وعليكم السلام ورحمه الله وبركاته
اتفضل يا ابني عايز حاجه
ملك: دا سليمان يا ماما جاي معايا
عايده: اتفضلوا طيب جوا
ملك بتردد: ممكن نقف عادي
عايده: للدرجادي يا ملك
سليمان: يلا ندخل يا ملك
ملك: ماشي
سليمان : بعيدا عن كل اللي حصل زمان بس انا دلوقتي بطلب ايد ملك منك يا طنط هي رفضت جوازنا بدون علمكوا

في اللحظه دي انا كنت مستغربه كلام سليمان انا اصريت عليه نتجوز وهو اللي كان بيقول لازم اهلي يعرفو هو بجد كل يوم بيعلى قدامي جدا كنت عايزه اقول اقولو شكرا و احضنو