#ترجع الحقوق للكاتبه اسراء هيكل
البارت الثامن والعشرون
جريمتي هي حُبِك
عدي: يا رب تكون سنجل
ليل : روح إسألوا طيب
عدي : لا يا عم هو ميعرفنيش وبعدين اتكسف
ليل : ولا انشف ياض
استنى هبعت معاك اللي يظبطك
عدي: مين
ليل : نور اكيد
عدي : نور!!
ليل : ام غيث يا غبي
عدي: ايوه طنط الفرفوشه هي فين
ليل : تعالى معايا
عدي: يلا
ليل : نور يا نور
نور: اي
ليل : محتاجينك في إعمار منزل
نور : اي في مشكله ولا اي
ليل : لا يا ستي
مش بقولك امشي في جوازه ومتمشيش في جنازه
نور : بعيدا عن انك قلبتها وهي امشي في جنازه ومتمشيش في جوازه بس مين هيتجوز
ليل: الولا الغلبان دا
عدي ببراءه مصطنعه: اه والله دا انا غلبان اوي
نور : بس يلا
هو مش انت لسه مطلق يلا
عدي : كانت جوازه منيله بستين نيله
نور : مش بناخد مستعملين
عدي : صلي على النبي في قلبك في اي
ليل : ههه
نور : ههه ايوه عايز مين احنا مفيش حد فاضي عندنا
نور بشر : لا استنى في واحده
ليل : مين دي مفيش
نور : لا في رهف ابوها رفض العريس
ليل بغضب بسيط : نور عدي يومك يا حببتي
نور : هقهقهق
ليل : دي ضحكه يعني
نور : ضحكه شريره
طب يلا قولي يلا عايز مين
عدي : هي واحده انا شفتها بس اصلا معرفش هي مخطوبه ولا اي
نور : اصلا وفي الاخر تطلع متجوزه
عدي: تفي من بقك يا طنط
نور : طنط!!
طنط في عينك يا بعيد دا انا اصغر منك يلا
خد صحبك يا ليل دا بيقولي طنط
ليل : خايب مكنش يعرف حقك عليا
اخرس يا كلب طنط في عينك
نور : طيب وانا هستفاد اي من الحوار دا
عدي : هي بتترشي
نور : ليل مشي صحبك روحوا شوفوا حد غيري يلا
ليل : دا اخويا يا نور يا حببتي للاسف مش شايفه الشبه ولا اي ما تخرس بقا والله انا كمان هقولك امشي ومليش دعوه
نور : تصدق وانا اقول انا عيني مزغلله لي هو دا بقا عدي
عدي : الخطوبه هتخلص على فكره واحنا بنتعرف
يلا
نور : طيب متشخطش
عايز مين
عدي : شايفه القمر اللي هناك دي
نور : ولا انا أقمر واحده اتلم
عدي : دا اكيد شايفه النجمه دي طيب
نور : ايوه كدا
استنى مين اللي لابسه بنطلون دي
عدي : اه
نور : مين دي
ليل : اخت محمد
نور : محمد مين
ليل : جوز مرام
نور : اللي هيا مين بقا
ليل : اخت ملك
نور : مين
ليل: هو انتي على طول كدا غبيه
نور : انا غبيه يا جزمه طب غور شوفو حد تاني قال انا غبيه قال دا انا بجبها وهي طايره
عدي : سيبك من الغبي دا وخليكي معايا
نور : انت مين الاول
عدي : اععععع
ليل انا قررت اعيش سنجل خلاص
نور : هههه كنت بهزر على فكره
بس برضو انا معرفتش انا هستفاد اي
ليل : هجبلك اللي بتبلبعي
نور : بينا يا رجاله على الفريسه
بص عدي ل ليل بإستغراب : هو في اي
ليل : يلا بس هقولك بعدين
نور: محمااا
محمد: نفسي تنادي عليا باسمي كامل اي محمااا دي
نور : بس ياض دا انا جايبه عريس
محمد بضحك: انتي احرجتيني انا مش بفكر في الجواز دلوقتي
نور : هههه
عدي بعد ما دخل في الدور : لي بس دا انا عيني عليك من ساعة ما شوفتك
نور : لا كدا انا ابدأ اشك فيكوا
ليل : انت واثق إن اخوك تمام صح
ليل : اهو شككت نور فيك
انا معرفش اتصرفي معاهم
محمد: ههههه
خلاص مين العروسه بقا
نور : المزه اللي وراك
لف محمد وشاف اختو وبصلهم بعد تنهيده
محمد: عائشه
عدي : اسمها حلو اوي
ايوه يعني انا عرفت انها اخت حضرتك
عدي : انا مش عارف اقولك اي
نور : هي مخطوبه متجوزه أو اي حاجه
محمد : لا بس
نور : بس اي
محمد : حوارها كبير ومظنش حد هيوافق
عدي : حد اللي هو انا
انا شاريها وحابب اعرف
نور : طيب يا ليل يلا احنا نسيبهم دي خصوصيات مش تبعنا
هروح انا اشوف ابو هند بقالي ساعتين بلف ولازم اشفو عشان ميكنش عيب
ليل : يلا انا جاي معاكي
عدي : حابب اعرف في اي
بس الاول انا مطلق والحمد لله مش عندي اولاد
اخت حضرتك انا شفتها باين عليها محترمه وفي حالها فجذبتني ليها عشان كدا سألت وعرفت انها اخت حضرتك واتمنى ندي بعض فرصه
محمد: اختي عندها ٢٣سنه كانت متجوزه واحد زباله
رفض إننا نعمل فرح وانا عشان كنت مسافر فاقنعتها توافق و كان كتب كتاب بس ومكنش كبير
عدي : بما انها مطلقه فدا شئ عادي
محمد : اصبر لما اكمل طيب
عدي: اتفضل
محمد: اخدها بعد كتب الكتاب
وبعد سنه محملتش
وبعيدن اكتشفنا إن حماتها كانت بتحط حبوب منع حمل ليها عشان مكنتش بتحبها
وكانت عايزه ابنها يتجوز بنت اختها بس هو رفض فلما عرفنا حصل مشاكل واتطلقت
ويشاء ربنا انها تحمل ودي معجزه الكل كان مستغرب بس اهو ربنا أراد إنها تحمل
بعد ما عرفنا إنها حامل ب اسبوعين و المشاكل بقا كانت في راسنا
سلفتها جت عندنا البيت
وقالت انها عرفت إن حماتها بتحط حبوب منع حمل ل عائشه وبقت هي تبدل الحبوب دي بحبوب تانيه عشان كدا هي حملت
طلبنا منها تتكلم وتقول بس هي كانت خايفه يحصلها مشاكل غير انها ملهاش حد غير بيت جوزها أهلها كلهم متوفيين ف ماما رفضت تدخلها مشاكلنا
وقالت مش هنخرب بيت حد
روحنا احنا بلغناه كان ندل وقال انو مش ابنو وإن امو كانت بتحط ليها حبوب منع حمل وطبعا مقدرناش نقول الكلام اللي سلفتها قالتو
وقال انو طلقها مش حامل وقالي روح شوف اختك عملت اي وبلاش ترمي بلاك على الناس
طبعاً الكل اتصدم وابويا توفى بسبب الصدمه
وهي خلفت من اسبوع
ولحد دلوقتي الطفل مش مثبوت
أبوه سافر هو و عيلتو كلها
كلمت محامي نرفع قضيه نسب بس للاسف
قال انها خسرانه وغير هو مش هنا ومش
هنستفاد غير الشوشره وفلوس
انا جبتها معايا النهارده بالعافيه والله هي حرفياً متدمره
ودي حكاية اختي
عدي : انا متوقعتش كل دا
هو بجد في حد كدا دا ابنو!!
انا كنت بتمنى من ربنا يكون عندي ابن
بس مراتي اقصد طليقتي كانت بتقول لا
انا مش مستعده وكانت بتاخد حبوب منع حمل
محمد: اتمنى محدش يعرف اي حاجه
عدي : اكيد بس انا ممكن اساعدكوا
محمد : وانت بإيدك اي
عدي : اختك مقلتش من نظري بسبب طليقها الندل
انا كمان مراتي قتلت الست اللي ربتني عشان كدا طلقتها وهي حالياً في السجن
انا بطلب ايد اختك وهسجل الطفل ب اسمي
ولو هي مش حباني وحابه الانفصال بعدها لان مش هفضل إننا نعمل خطوبه عشان مفيش وقت والطفل لازم يتثبت ف انا مش هرفض
ندي بعض فرصه شهر ونشوف
محمد: انت بتتكلم جد
عدي : ايوه واللع واختك هتكون في عيني
محمد : هبلغها وهبلغ اختي وهرد عليك إن شاء الله
عدي وهو بيحاول يفك حالة الحزن : خد وقتك بس مش قوي يعني عشان انا عايز اتجوز
محمد: هه حاضر
عند نور
نور : فين ابوكي يا بنتي
هند : القمر اللي مدينا قفاه مش عارفه لي
نور : طب تعالي عرفينا
هند: يا عسل اي دا
الخطوبه فيها شباب قمر كدا
يا حج بابا اي التقل دا
..بتكلم في الفون ثانيه واحده
طيب حاضر بكرا إن شاء الله يلا سلام
هند : احب اعرفك يا بابا دي طنط نور ودا بابا عادل
نور: عادل؟!
عادل : نور!؟
#يتبع🫶🏻
