#حلقه خاصه بمناسبه رأس السنة لروايه(جريمتي هي حُبِك)
تجمع مواليد😂😂
عشق : انت يلا قوم يلا
يا مامي بقا النهارده اجازه اقوم لي
عشق : يعني يوم الاجازه مش عايز تقعد مع مامي شويه يا زين
زين : مامي انتي زهقتيني والله اهو قومت نعم
عشق : يا خلاثي على روح مامي اللي بيسمع الكلام قوم يلا وبعدين يا استاذ انت نسيت إن النهارده في عزومه ولا اي
زين : عزومة اي
عشق : هو انا مقولتلكش ولا اي
زين : لا
عشق : ينهر ابيض عليا دا انا برضو نسيت اقول ل جاسر
زين : هتقولي ولا انام
عشق : بس يلا
اصل خالتك روح كلمتني امبارح وقالت نتجمع بقالنا فتره كبيره متجمعناش
زين : ياااس هقابل لين و جايدا و مهند و لؤلؤ يس يس
عشق : طب قوم يلا وانا هنزل اقول ل ابوك بدل ما اتطلق يلا
زين : حاضر
نزلت عشق تحت بس ملقتش جاسر ف طلعت الاوضه
عشق بتذمر طفولي : انت لسه نايم يا جاسر قوم بقا دا انا عملالك حتة مفاحأه إنما اي
جاسر : صباح الحلويات عليكي يا أوشا
عشق : صباح العسل يا روحي يلا قوم بقا
جاسر : طب قوليلي اي المفاجاه
عشق : في عزومه النهارده
جاسر : عازمه مين
عشق : لا يا حبيبي انا مفيياش حيل أعزم حد ولا هطبخ اكيد
جاسر : امال مين اللي عازم
عشق : بابا يا جاسر اكيد يعني
جاسر : مين اللي اقترح الاقتراح دا
عشق : روح
جاسر : طيب
دخل زبن عليهم
زين : بابي بابي يلا بقا انت لسه نايم
جاسر : مفيش حتى صباح الخير يا بابي
زين : صباح الخير يا بابي يلا بقا عشان نخرج
جاسر : نخرج نروح فين انت كمان
زين : اي يا بابي هنروح عند جدو
جاسر : انتي قولتيلو
زين : اه وقبلك كمان
جاسر : يا جدع طب تعال بقا
مسك جاسر زين وفضل يضحكوا ويلعبوا سوا
سابتهم عشق و نزلت المطبخ توضب فطار
خلصت وطلعت
عشق : اي كل دا لسه مقومتش يا جاسر
زين : لا يا مامي بابي قام وكمان صلينا سوا
عشق : يا سلام يا سلام من غيري انا بدأت اغير على فكره
جاسر بحب : هو انا ليا غيرك يا جميل متجيبي بوسه
عشق بكسوف : جاسر عيب الولد واقف
زين : بابي يعني هتبوس مامي وانا لا
جاسر : يا روحي وابوسك انت كمان
عشق : طيب يلا انا ههلص بسرعه على ما تسخن العربيه
عند روح و غيث
غيث : قومي بقا يا بنتي
روح : مش قادره يا غيث والله سيبني شويه انا صاحيه طول الليل
غيث : صاحيه طول الليل لي يا روح عايز افهم
روح : كنت بخلص المسلسل يا غيث
غيث : انهي مسلسل دا
روح : هل يحبني
غيث : يخرب عقلك دا انتي لسه بدأه في امبارح بالليل سهرتي عليه و خلصتي
روح : ايوه سيبني بقا وروح صحي جايدا يلا
غيث : يا مصبر الوحش يا رب
قامت روح بتذمر : قصدك اني جحش !!
غيث : هو انا قولت جحش !؟ انتي بتقوليلني كلام مقولتوش لي
روح : والله ما هو المثل على بعضو يا مصبر الوحش على الجحش
يبقا انت قصدك اي بقا
غيث : نعم يا روح بابي هروح اشوف جايدا
روح : ماشي يا غيث ماشي
وكملت روح نومها
أما عند جايدا
غيث : يلا بقا يا حبيبة بابي قومي
جايدا : شويه بس يا بابي انا سهرانه طول الليل
غيث : انتي كمان سهرانه لي يختي اي اللي سهرك
جايدا : كنت بتفرج على المسلسل يا بابي اكيد يعني
غيث : نسخه من امك يا بت نسخه مصغره قومي يا جزمه
جايدا : اموت في الشتيمه اموت فيها انا
غيث : وحياة امك
جايدا : قومت والله خلاص اهو داخله الحمام بعد اذنك
غيث : اتفضلي يختي
غيث لنفسو طبعا لو استنينا الاستاذه روح مش هنفطر ف لازم تتصرف يا واد يا غيث
الشيف لازم يطلع دلوقتي
وروح كانت نايمه وصحت على دخانه ماليه البيت كلو وكانت بتكح جامد و جايدا دخلت عليها
مامي الحقي البيت بيولع
روح : بنهر استغفر الله العظيم يا رب اي دا
ابوكي فين يا بت اجري ليموت مننا احنا مش عندنا غيرو يالهوي
نزلت روح و جايدا وراحوا المطبخ ولقوا غيث بيغني وبيتنطط
وبيقطع خيار وناسي البطاطس على النار
روح : يلااااااهوي هنولع هنولع
غيث بخضه: اي حد يدخل على حد كدا
روح : يخربيتك هنموت كفي على البطاطس
غيث : يلاهوي انا نسيت البطاطس
طفى غيث النار وطلع البطاطس وراح ناحيه روح و هو باصص في الأرض وقال : احم انا كان غرضي شريف والله
روح : حسبي الله ونعم الوكيل انت عارف البطاطس بقت بكام دلوقتي عشان تحرقها كدا
غيث : لا مش عارف
روح : ولا انا والله يلا فداك يسطا
غيث : يسطا!!
روح : منك لله صحتني البت جايدا جت تقولي البيت بيولع
شوفت انا صحيت على اي
اي دا هي جايدا فين بت يا جايدا انت عارف لو في المكان اللي في دماغي انا هولع فيها
طلعت روح جري تشوف جايدا وبالفعل لاقتها بتلاعب القطط اللي في الجنينه
روح : تعالي هنا يا بت الجزمه
جايدا: نعم يا ماما
روح : مش انا قولتلك قبل كدا مليون مره لعب مع القطط ممنوع
جايدا : يا مامي بس انا بحبهم
روح : حبك برص انا مش بحبهم
اجري على الحمام تاخدي شاور يلا
روح بصريخ : اوعي تلمسيني
غيث : ما انتي عارفه امك بتكره القطط اي الجديد يلا جري على الحمام بدل ما تكرشك من البيت
روح بزعيق ل غيث : مش انا قولتلك شوف حد ياخد القطط اللي في الجنينه دي
غيث : حصل
روح : امال اي بقا
غيث : والله بعت ناس و بالفعل عملوا كدا بس اعمل اي يعني ما القطط بتيجي تاني
روح : ماشي
بعد نص ساعه
روح : يلا يا جايدا بابا مستنيانا اي العربيه
جايدا : حاضر يا مامي
