Working Student (BISAYA AU FROM TIKTOK)

DOS

College

"Rhean, na-enrolled naka sa college?" pangutana ni Tita samtang gakaon silang duha ni Tito og pamahaw.

"Wala pa, Tita. Naghulat pako'g result sa entrance exam."

"Asa na school ka nag take?"

"Sa Vista Verde University, Tita."

"Si Janvier, Hon. Didto gihapon siya mag college?" pangutana ni Tito.

"Wala pa nako siya napangutana kung asa niya gusto mag college."

"Sulayi daw'g suggest nga mag VVU na lang siya aron isa ra sila'g eskwelahan ni Rhean," si Tito.

Sa tinuod lang, wala ko kabalo kung makapasar ba ko sa Vista Verde University. Wala man unta ko'y plano nga didto mag college. Tinuod nindot diadto kaso mahal ang tuition. Didto mag college si Chloe ug gusto siya nga diadto pud ko maong ni-ingon siya nga sulayan lang daw nako kay naa pud daw mga scholarship didto.

Chloe:

Gi-email na sa akoa ang result sa entrance exam. Naa na imoha?

Ako:

Wala pa nako na check.

Chloe:

I-check na dali

Ako:

Nakapasar ka?

Chloe:

Nakulbaan ko. Wala pa nako gitan-aw HAHAHAHA

Gi-open dayun nako ang gmail app sa akong cellphone. Nakita dayun nako pinakauna sa inbox ang greetings sa Vista Verde University. Wala nako gaduha duha pa, gipindot na dayun nako ilahang message.

Vista Verde University:

Dear Rhean Nicole Ajello,

Congratulations! We are happy to inform you that you have successfully passed the entrance exam for admission to Vista Verde College.

We are excited to welcome you to our vibrant academic community, where you will embark on a journey of knowledge, growth, and new experiences. As you join Vista Verde University, we look forward to witnessing your contributions to our community and witnessing your success in your chosen field of study.

Please stay tuned for further details regarding the enrollment process and orientation. Once again, congratulations on this well-deserved accomplishment. We can't wait to see you thrive at Vista Verde University.

Best regards,
Vista Verde University Admission Office

Chloe:

Hoy! Nakapasar ko BWAHAHAHAHAHA

Ako:

Same!

Gusto ko moshagit sa kalipay pagkahuman nako'g basa sa message. Nalipay ko nga parehas ming duha ni Chloe nakapasar. Buot pasabot parehas gihapon mi'g eskwelahan ug possibleng magparehas mi'g kurso!

Gipahibalo nako ni Kuya ug nila Tita ang resulta sa entrance exam. Okay ra ni Kuya kung asa ko mag college pero mag-agad gihapon ko nila Tita kay sila man ang nag offer nga magpa-eskwela sa akoa.

"Nagpa-enrolled na si Janvier ganina sa VVU. Kanus-a man ka magpaenroll Rhean?" pangutana ni Tita samtang gitabangan nako siya'g arrange sa mga tupperware sa lamesa.