Tumbler
Gihatod usa ko ni Janvier sa balay ug nag ilis siya. Samtang giandam nako ang mga gamit nga gi chat ni Tita para dalaon sa hospital.
“Langaaa!,” nadungog nakong tawag ni Janvier samtang naa ko sulod sa kwarto nila Tita.
“Naa ko diri!”
Gipangpilo nako ang sinina nila Tito ug Tito og gibutang sa hand carry na travel bag. Nabantay nako nga nisulod si Janvier ug nilingkod sa kutson samtang gitan-aw akong gihimo.
“Mosabay ka?”
Nihunong ko ug gitan-aw siya.
“Dili ‘sa siguro. Kay kinahanglan pa pud nako magstudy. Naa mi long quiz sa among major ugma. Ugma na lang ko moduaw sa hospital.”
Mitando siya. “Okay.”
Gitunol nako sa iyahang ang bag. Nitindog siya ug nagsabay mi’g gawas sa kwarto nila Tita.
“Okay ra nga ikaw isa diri?”
“Yep. Wala’y problema.”
“Mouli man pud ko unya kay si Mama ‘sa daw ang mobantay ni Papa karong gabie. Ayaw kalimot og pang lock inig lakaw nako. Magdala lang ko’g susi aron dili na tika madistorbo unya inig uli nako.”
Mitando ko.
“Pag amping,” sulti nako ug gitan-aw siya nga nagbaklay padulong sa iyahang sakyanan.
Gi-lock nako ang main door human nidiretso nako sa akong kwarto. Kay ako ra man isa ang nahabilin, dili na lang ko magluto. Tutal, nabusog naman sad ko pagpangaon namo sa Jollibee ganina.
Gibasa nako sa laptop ang pdf book nga gi provide sa amoa. Nagapaminaw man pud ko sa discussion so familiar na sa akoa ang topic ug dili na tantong lisod sabton ang naa sa libro kay na explain naman pud sa among maestra.
Kada mag study ko, naga gamit ko sa pomodoro technique. Naga set ko’g 25 minutes sa timer para mag study. Then 5 minutes break, then another 25 minutes usab para magpadayon and so on. Effective man pud hinoon sa akoa.
Gi-open nako akong cellphone para sa lima ka minuto nako nga pahuway.
Chloe:
Nagstudy ka, Niks?
Ako:
Mag study pa lang.
Madayon jud ang quiz ugma?
Chloe:
Ouh daw
Naa kay notes? Pasend ko bi.
Ako:
Okay.
Janvier:
Langga, nagkaon na ka?
Ako:
Wala na. Okay na ko atong gikaon nato ganina.
Janvier:
You sure? Basin gutomon unya ka.
Ako:
Monaog lang ko unya.
Janvier:
Okay.
Humana ka’g study?
Ako:
Break time.
Nadugay nakong ini-scan sa mga reviewer, gibati ko’g katulgon. Nabasahan naman pud hinoon nako tanang coverage sa quiz. Naa man pud siguro ko’y ma-answer ani ugma bisan unsaon. Ang kalaban lang jud nako ani kung makalimot ko, lahi ang manggawas o mas lisod pa kaysa sa akong nasabtan. Unta lang jud dili.
YOU ARE READING
Working Student (BISAYA AU FROM TIKTOK)
Teen FictionAfter Rhean's father passed away following her mother's departure due to hardships, she faced a harsh reality. Determined to pursue her dreams, she decided to work for Alquizar's family. There, she met Janvier, their only son, whose privileged lifes...
