Working Student (BISAYA AU FROM TIKTOK)

BAYNTE DOS

Boyfriend

[Unsa'y say nimo kay Mico? Okay ra diba?] pangutana ni Chloe sa pikas linya.

Nanglaba ko samtang nanawag siya bahin sa iyahang bag-o na pud nga ka-chat. Ambot kung ikapila na ni niya nga ka-fling sukad atong naundang sila ni Jayvee. Duha ka semana na pud ang nilabay. She's been telling me nga nakamove-on na siya, nga dali ra siya makamove-on parehas sa uban niyang mga nakachats. But I don't think so. Wala man pud nako siya giconfront about ana, basta kung asa siya malipay, didto ra pud ko.

"Okay lang. I'm not surprise kay kabalo kong mao na imong mga type."

Nadungog nako iyahang katawa. [Dili ka sure. But yeah, dalaon daw ko niya sa music studio next week.]

"Wow! Perks of having a music producer suitor."

[Yeah. Pero wala ko kabalo, Niks, nganon ginacompare nako silang tanan kay Jayvee. I mean, okay man sila pero you know, permi nako siya ginapangita sa ilaha. I don't understand. How come he became my standard when he's not even my ideal man.]

I know what Chloe mean by her ideal man. Sukad pa sauna pag high school, ganahan na siya anang mga lalaki nga mas magulang pa sa iyaha maong mostly sa iyahang mga naka fling o nauyab dati, more 2 to 4 years ilang age gap. I don't know what makes her find attractive with those older guys. And Jayvee is just her age. Mao ganing nahibulong ko pagkabalo nako nga nag click sila ni Jayvee ug labaw sa tanan, nahulog pa siya.

"Wala pa tika nadungog nga nag ing-ani sukad, Chloe. Seryoso. Na fall jud kang Jayvee."

[I know, Niks. Salamat sa pag remind.]

Mikatawa ko pagkabati nako sa iyahang sarcastic nga tingog.

"Bitaw, unsa ma'y problema ana."

"Rhe-"

Nisenyas ko kay Janvier nga maghilom pag abot niya sa akong atubangan. Mikun-ot iyahang agtang samtang naminaw sa tingog ni Chloe sa cellphone.

[What if imbis gusto na nako magseryoso pero binuangan rako ni Jayvee.]

"Seryoso man to si Jayvee sa imoha," sagbat ni Janvier.

[What the?! Janvier?!]

Gipadak-an nako'g mata si Janvier samtang siya inosente nga nagtaas sa kilay nga mura'g wala kabalo kung unsa'y mali sa iyahang gihimong pagsagbat. Nanrapo ko sa akong kamot og gikuha akong cellphone.

[Shit. Ganina ra na naminaw imong uyab sa atoa, Niks?] Karatol ni Chloe.

"No. Bag-o rana siyang abot, Chloe. Stop sa ko ni. Unya nalang ta istorya'g balik," sulti nako. Gi-hang up nako ang tawag ug giatubang si Janvier.

"Nisulti ra ko sa tinuod ah," depensa niya.

Nitando nalang ko. "Basta ayaw'g isulti kay Jayvee ang nadungog nimo kay Chloe. Bahala na sila mag figure out sa ilahang feelings."

"Okay, madam!" Mingisi siya. "Unsang oras ka moadto'g menteryohan?"

"Alas tres," sulti nako ug nagpadayun sa pag panglaba.

"Manlakaw mi ni Mama unyang ala una. Wala si Papa kay naa'y laing lakaw. Kinahanglan ni Mama'g driver."

"Okay lang. Wala'y problema." Mitan-aw ko sa iyaha dala tando.

"Unsang oras ka mouli unya?"

"Depende kay Kuya."

"Sunduon tika kung masayo mi'g uli."