#مكتوبي
((الجزء الثامن والعشرون))
بعنوان " نِزاعات "
كتابة ؛ أم أمـن 🤍
«لم تظهري في حياتي عبثًا ، كان ذالك عوضا من الله عن كل ما مر بي ، أو إنصاف من الحياة لكل سيء عايشته 🤍»
أم أمن‟
************
عند ريماس >>
في وقت الظهيره//
ووقت نهاية دوام المدرسة، لملمت شتات كتبها وطلعت أخر وحدة من الفصل... كان مجيد واقف ع المدرب ويحكيله ع المباراة وانه له مُستقبل باهر ف الكورة.
المدرب معطي ب ظهره المدرسه ومجيد مقابله
مجيد تلامح ريماس أبتسم...وقال ؛ ان شاءالله يكون مستقبلي فيها باهر ولكني يا استاذ خالد هدفي الأول نكون طبيب ناجح.
ربت ع كتفه بإعجاب : مشاء الله عليك بإذن الله انت شد همتك بس وتخش طب راهو الطب ساهل.
قال مُتعجب : والله ما ضني يا استاذ انا عندي اختي الأكبر مني نحس بيها ودرت الا بعد خشت طب.
ضحك : ههههه عطك الخير...لا غير ماهو البنات كبارات شورخ بس تقولك صعب ومش عارفه شنو .
قال ضاحكا بعد جت عينه ف عينها : زعما يصير منه.
قال : مغير توكل بس ما تاخذ إلا الي لك.
ما أنتبه ع الكلمه الأخيرة وما أعطاها بال...ابتسملها بعد أشرتله : شكرا استاذ خالد منور والله.
أستاذ خالد لم حاجاته وشال شنطته : العفو ما درت شيء قلت الحقيقة المهم ما نبيكش تخلط بين قرايتك ولعبك للكورة الثانيه لاحق عليها الأولى أهم.
هز راسه ومشى خالد قرب من ريماس : ف شنو تحكو انت وياه.
قال : ماقتلك مبدري قبلوني رسمي ف فريق المدرسة.
ابتسمت : عارفه.
قال : كان يشجع فيا وقالي انت ماهر بكل ف الكورة حكيتله ع اني نبي نقعد دكتور.
ابتسمت محبه حماسه : ان شاءالله تقعد أكبر جراح يا رب.
قال من قلبه : يا رب.
طلعت عليها ابله عايشه شافتها تحكي مع مجيد : انتِ ي بت.
كانت عايشه ماشيه جهتهم شافتله وقالت بصوت واطي : مانكره حد ف المدرسة قد كرهتي لـ الأبله هذي .
" اهيا جاتك الأنسه منشن"
تلفت وراع ويشوف أبله عايشه معاش قدر يكبت ضحكته.
فنصت فيها : عليش تضحك؟!
ضحكنا معاك؟!
مسح وجهه : نحكو ع درس ههه .
YOU ARE READING
#مكتوبي
Romanceأحداثت قصتنا بدأت مابين عامين أواخر ال(2010) وبداية ال(2011 )حيث كانت هناك شابه تدعى حنان يتيمة الاب يعاني ابوها من الشلل النصفي وحيدة دون إخوة حتى تنقلب حياتها راسا على عقب بعد تلك الليلة ✨.
