#مكتوبي
-الجزء الخمسون "2 " >>
بعنوان "صفعات "
كتابة : أم أمـن
اللّٰهُم لا تكلني إلى نفسي او إلى غريب أو قريب يارب أجعلني من الصالحين الذين تحبهم ويحبونك ، اللّٰهُم بك استعيني وإليك المشتكى يارب العالمين .
🌸🌸🌸🌸🌸🌸
قاعده بالمطبخ ، منسنده بيديها عالرخامه...تفكر فيه : اااه بتعبني
س
ماتقدرّ تنكر غيرتها عليه توه، حاسه بروحها سُلبت منها
روحها أها روحها ، الراجل هذا بطريقة ما دخل لحياتها
في البداية كانت العلاقة سيئة ، كان مجنون ، قاسي
بس توه بدت متعلقه بيه ، وحاسه بيه شيء يخصها هي وبنيتها وبس
بلعت ريقها بعصوبه كانت تحس بروحها مخنوقه ، عليش ما خبرها باهي ؟؟
يعني الراجل هذا قربه وبعده عذاب مفيش حل وسط !!
ارحمني يا ربِ
بطنها وجعتها ...قعدت على الكرسي الي بجنب الطاوله ترتاح عليه شويا
يعني توه بيقعد شهر غادي ؟؟
ماعندها كيف تكلمه !!
ولا كيف تسأل...باهى عليش ماخذها لخواتها مدامه ماشي مشرق !
خشت عليها وداد ...لقتها مش على بعضها : حنان خيرك
حطت يدها على راسها : تعبانه شويا
قربت كنها ومسحت على ظهرها : حبيبتي شنو فيه خيرك ؟؟
غمضت عيونها بالم : مانعرف بطني توجع فيا شويا يمكن لان شربت قهوة بدري
زمت فمها : منعرفش بالك بس مش كويسه للحامل
لان يمكن يكون عندك ضغط حمل او هكى وتاخذي قهوة !
هزت راسها ...وناضت "معليش وداد بنرتاح شويا "
وداد : خلي نفرشلك في دار صقر القديمه ...وارتاحى
هزت راسها ومشت ...خشت للدار فرشتلها وداد
خشت لفراشها ...وغطتها يمكن اصعب فترة ح تمر على حنان الفتره هذي
خاصة الحمل والتوتر والضيق هذا بيردي على صحتها
وبدون مبالغه حنان ماتحركت من فراشها من ساعتها
طبقت وداد الباب وطلعت بينما هي كان قلبها يغلي خاطرها تعرف ليش ما خبرها ليش حب تسمع من الناس الي برا
يعني !!
تجولت بعيونها في الغرفة أول مرة ادقق فيها ، الطلاء كان لونه باهت
الدولاب شكله خشب دُمياطى اصيل !
ناضت من فراشها واتجهت للدولاب ...فتحاته
YOU ARE READING
#مكتوبي
Romanceأحداثت قصتنا بدأت مابين عامين أواخر ال(2010) وبداية ال(2011 )حيث كانت هناك شابه تدعى حنان يتيمة الاب يعاني ابوها من الشلل النصفي وحيدة دون إخوة حتى تنقلب حياتها راسا على عقب بعد تلك الليلة ✨.
