حرم العقيد (الجزء الاول)

🍃2

(2)
#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

يوسف ببرود: بنات اخر زمان عليك جيل
مشى لسيارته وركب فيها وغزل جاها باتها ومشت معاه والطريق كلها اتفكر في يوسف وفي كلامه وخافت منه
الي صار كله كان تحت عيون الجد حارث الي خذا قرار في داخله وركب مع حفيذه وصله عند واحد صاحبه
.......................................................................
عند يوسف.....
خش للمعسكر بكل هيبه وكل من يشوفه يعطيه التحيه العسكريه خش للمكتب متاعه وقعمز وقعد يخدم ومافكرش في البنت الي قابلها ولا الكلام الي قاله لها
.......................................................................
عند سيرين ورولا بنت خالتها
رولا بدموع: سيرين ارجوك صبي معايا نبي حل انحبه كيف اندير
سيرين بهدوء: اهدي واسمعيني هوا الساعه 2 يروح للحوش عشان يتغدا ويتريح بعد ايخش لداره اركبي واحكي معاه
رولا بدموع: وكان لزني ولا هزبني شنو اندير
سيرين بهدوء: ان شاءالله يسمعك وايصير الي تبيه
رولا مسحت دموعها: ياارب

دقيقه دقيقه انعرفكم على رولا.....
رولا تقعد بنت خالت يوسف ، رولا اصغر وحده في خوتها وخواتها كلهم متزوجين الا هيا تقرا في الصيدله مواليد 2000
عند غزل في الجامعه يعاكسوا فيها ومش مهتمه تمشي ورافعه خشمها وصلت في صاحباتها قعمزت تهدرز معاهن وعقلها عند يوسف وكيف قدر ايخوفها ويسكتها هكي
ريم برفعة حاجب: كان اتقوليلي شنو شاغل بالك يابنت
غزل بتوتر: اه لا ولا شي ولا شي
ريم بحده: مش عليا انا احكي احكي شنو صاير
تنهدت غزل وحكت لريم كل شي
ريم بضحكه: يانعلي شكله بتصير قصة حب
غزل بفزع: تحركي من مكانك انا انحب المعقد هذا في عينك
ريم بضحكه: مابعد العداوه الا الحب
غزل قلبت عيونها: مناخذش واحد معقد زيه مستحيل
غزل بحب : باي ريمو بابا جا
طلعت غزل وروحت للحوش بدلت دبشها وغسلت ونزلت توتي مع امها في الغدا
.......................................................................
عند يوسف .....
درس سيارته قدام الحوش خش والتلفون على وذنه فتح باب الحوش
يوسف بحده: تمام نظم امورك رتب البضاعه ووصلها للهنقر في الليل انجيبلك الفلوس وانتم فيها
صكر يوسف التلفون وبحت في امه قرب منها باس يدها وراسها وقعمز جنبها
فوق عند سيرين ورولا
سيرين : بسرعه عدي خشي استنيه في الدار
رولا بخوف: خايفه يلزني
سيرين : في كل الحالات بيلزك لذلك جربي بالك تزبط معاك
طلعت رولا تجري وخشت لداره
يوسف بهدوء: جيعان يا امي حطوا الغدا هيا
جميله: اركب غير دبشك وتعال الغدا واتي هي
صبى يوسف وركب لداره فتح الباب وخش صكر الباب وسلح السوريه العسكريه ولف شاف رولا
يوسف بحده : شنو اديري انتي هنا
رولا بتوتر وخوف: انا انا اءءء
يوسف بعصبيه: انتي شنوو
رولا بتوتر: انا انحبك ونبيك يوسف حس بيا حتى شويه عليش ادير فيا هكي والله نبيك وانحبك ارجوك اعطي حبي لك فرصه ارجوك متكسرش بخاطري
يوسف بحده: استغفر الله يابنت انا انشوف فيك كيف سيرين بالزبط مجرد اخت وبعدين انا موضوع الزواج مسكره اصلا
رولا بكسره: كيف ماتحب
فتحت الباب وطلعت وصكرت الباب
يوسف قعمز على السرير وحرك يده في شعره بعصبيه
يوسف بعصبيه: الننم شنو درت
تبدلت نظرته للحده : من امتى اتهمني بنت تملح
طاح على السرير ورقد
جميله بعصبيه: نرفزتيني سيرين اركبي كلمي خوك
سيرين بدلع : لالا نو نو مش راكبه
جميله بعصبيه: حلال نمسكك نعجنك عجنه ماصارت بككل
ضحكت سيريت وركبت تجري لخوها دقت الباب مره واثنين وثلاثه ماردش فتحت الباب وخشت قربت من سريره
سيرين بهمس: يانعلي الدار مصقعه وراقد هكي
غطاته وباست خده وطلعت من الدار نزلت ل امها
سيرين بهدوء: ماما يوسف راقد
جميله تنهدت: ربي يهديه ويصلح حاله
رولا تاكل وساكته تحاول اتكون متماسكه ومتبينش شي لخالتها
.......................................................................
عند غزل تقرا لان ثاني يوم اول يوم في امتحاناتها النهائيه
في الليل طلع يوسف مع اصحابه جواد ومهيب للهنقر
جواد بضحكه: تي اقسم بالله منظره يضحك لننم
مهيب بضحكه : تي كله كووم ولما قاله اعترف تي نط نطه مش عاديه يراجل
يوسف بحده: استغفر الله بالك تغم فمك انت وياه
زادوا يضحكوا خش يوسف للهنقر وايشوف في البضاعه
جواد بهدوء: شنو يامعلم
يوسف بهدوء: كله تمام كيف ما اتفقنا انصفوه فلوسنا والبضاعه لنا
مهيب وجواد : تم يا زعيم
طلعوا مع بعضهم في سيارات مصفحه ومظلمه واتجهوا للمكان الي اتفقوا عليه
بعد ربع ساعه وقفت سيارة يوسف وجماعته نزلوا من السياره ومشوا ب اتجاه التاجر الي باعلهم البضاعه
قعمز يوسف على الكرسي وجماعته مصبيين جنبه
يوسف بحده: مرحبا فلوسك واتيات
الشخص: تمام وينهن
حطله يوسف شنطة الفلوس على الطاوله اشر الشخص لجماعته على الفلوس وقعدوا يعدوا فيهن يوسف بحت في جواد ومهيب وصبى وبدا رمي الرصاص متبادل وقتلوا الشخص وجماعته
يوسف يتنفس بسرعه: اخخ تمام هكي خوذوا لفلوس وهيا انروحوا
جواد بضحكه: انعن*** حراسته واجد الزح
مهيب : حتى يوسف داير حسابه وجايبين جماعه واجد
يوسف بحده: كان تبطلوا دوه واجده وتمشوت قدامي للسيارات
ركبوا في سياراتهم وروحوا
يوسف وهوا في السياره رن هاتفه
يوسف بحده: ايوه ياطير
اسامه: وينك يازعيم
يوسف : قاعد والله
اسامه: جايبلك طرف جديد تي new يازعيمنا
يوسف : باهي تمام نص ساعه وانكون عندك
اسامه : يدك على جيبك ياصقر راهو تاخذ بالالاف قالت
يوسف : تمام
وصكر الخط مشى للاستراحه الخاصه بيه وب المواضيع هذينا
وصل يوسف نزل من السياره وخش للاستراحه عزق مفتاح السياره قفل تلفونه وعزقه على الكنبه وبحت في اسامه
يوسف بحده: فضيلي المكان
اسامه بضحكه: ناويها شكلك يازعيم
يوسف بحده: فضي واسكت
طلع اسامه وجت البنت ل يوسف قعد يبحت فيها وقرب منها
البنت: قالولي شخصيه وجميل ماكنتش انتوقعك بالجمال والشخصيه هذي وعضت شاربها
يوسف ايبوس فيها والبنت ذابت بين ايديه وراهو في خبر كااان 🔞
.......................................................................
ثاني يوم الصبح ناض يوسف بتعب وطاح على الكنيه وفتح تلفونه ولقى قريب 20 مكالمه من امه واخته
رن على امه ردت طول
جميله بعصبيه: تي وينك يايوسف خوفتني عليك من امس وانا انرن عليك عليش مقفل وين قاعد وينك متردش
يوسف بهدوء: غير عطيني معاك كلمه يمي بالشويه
جميله بعصبيه: وين قاعد
يوسف بهدوء: بايت مع واحد صاحبي
جميله تنهدت: اختك امتحانها النهائي اليوم تعال وصلها ولا اندزها مع بنت اسماء ايشيلهن باتها
يوسف بحده : عنجد جارنا ايشيل اختي ساعه وانكون عندكم
صكر يوسف الخط ناض وعزقلها الفلوس وطلع من الاستؤاحه يوسف بعياط
يوسف : اساااامه يا اسااااامه
اسامه : نعم نعم
يوسف بحده: طلع الق*** ودبر وين تعزقها
اسامه : تم يامعلم
ركب يوسف في سيارته ومشى للحوش درس السياره وخش للحوش
ركب لداره من غير كلام دوش ولبس العسكري وتعطر ونزل يوسف ايدخن
يوسف بحده: سيرين القهوه واتيه
طلعت سيرين ماسكه مق القهوه في يدها واتيه هيا وقت على امتحاني
خذا يوسف منها القهوه وطلعوا ركبوا في السياره ومشوا للجامعه درس يوسف قدام الجامعه ونزل
سيرين بهدوء: يوسف عليش نازل معايا
يوسف بحده: انوصلك لصحباتك ونطلع
سيرين برفعة حاجب: نعرف نمشي بروحي
يوسف بحده: تبي ننفصل عليك انتي خشي قدامي واسكتي
خش يوسف وجنبه اخته وصلها لعند صاحباتها وشاف وحده مصبيه معاهم من غير حجاب وشعرها الاشقر مش غريب عليه
قرن يوسف حواجبه وهوا يبحت فيها
سيرين بفرحه: هاااي يابنات
لفت غزل وشافت سيرين وجنبها يوسف انصدمت
غزل بصدمه: تي انت ياهمي شنو ادير هناااا
يوسف بعصبيه: شنووو شايفه جن
سيرين بضحكه: من وين تعرفوا بعضكم
غزل بقلبة عيون : اسئليه هوا
يوسف بعصبيه : ريت البارده كيف تقلب في عيونها
غزل بحده: انا مش بارده احترم نفسك
يوسف ببرود: بارده وثقيله ومافيكش جوو
غزل وجعها كلامه سكتت
يوسف بحت في سيرين
يوسف بحده: معش تصاحبيهن الاشكال الي هكي
نزلت نظاراته على عيونه
يوسف بحده: تكملي رني عليا انروح بيك
حط ايديه في جيوبه وطلع من الجامعه
سيرين حطت يدها على كتف غزل
سيرين بهدوء: اسفه غزل امسحيها في وجهي يوسف خويا وطبعه هكي واعر ولسانه قاطع
غزل بهدوء : ولا يهمك
مشت غزل وسيرين وجعتها غزل ورد يوسف وكلامه معاها
مشى اليوم عادي من غير اي جديد وتوالت الايام ويوسف كل مايتلقى مع غزل يجرحها بكلامه ويزعلها
كمل الاسبوع في لمح البصر وكملت غزل امتحاناتها وكذلك سيرين وروحت رولا لحوشهم بعد محاولتها الفاشله في ايقاع يوسف في حبها
في الليل يوسف مقعمز على كرسي في المزرعه ويأرقل جاه جده الحارث
حارث قعمز وبحت في يوسف بحده
حارث بحده: لقيت عروس يا يوسف
يوسف ببرود:😒
حارث:😡
(يتبع...🍁)

(بقلم سيف الله....🚬)