حرم العقيد (الجزء الاول)

16🍃

(16)

#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

يوسف بحده: شن تبي عليش دازه رساله
حور: نبيك انت مرايفه عليك
يوسف: اختصري مش فاضي عندي شغل
حور: كنك كرهتني فجأه
يوسف: بتحكي ولا نطلع نروح
حور: امتى بتحدد موعد العرس
يوسف بحده: من جدك انتي تبي عرس توا وامي لها سبوعين متوفيه من جدك تدوي
حور: يوسف انت غالط معايا ومرات نحمل شن انقول لهلي لو حملت وانا عندهم من غير عرس تعال خوذني بس
يوسف بحده: بكره انجي لباتك نقروا الفاتحه وانروح بيك لا عرس لا زفه ولا حتى خيط ضي نعلقوه
حور: تمام حبيبي
ناض يوسف وطلع من غير مايدوي خبط في لمياء
يوسف بحده: ديري عيون النم
لمياء: عطيني رقمك ياحلوو
طلع يوسف ومعدلش عليها ركب في سيارته رن تلفونه رقم غريب مره واثنين وثلاثه رفع تلفونه ورد
يوسف بحده: ايووه
مجهول: يوسف ال***
يوسف : اها تفضل شن تبي
مجهول: صاحبك جواد ال***
يوسف : اها صاحبي الله يرحمه
مجهول: من قالك جواد توفى
يوسف: يرا انت شكلك واحد فاضي
مجهول: انا كنت محبوس في سجن *** وفي واحد غادي ينادوا فيه جواد ال*** وبعد طلعت عرفت ان عندك صاحب متوفي واسمه جواد ف قلت انقولك
صكر يوسف الخط وطول مشى للسجن الي قال عليه الشاب درس يوسف السياره ونزل وبحكم ان هوا عقيد خلوه يخش لعند امر السجن والي ماسك المكان
يوسف: مرحبا احمد
احمد: مرحبتين بعقيد يوسف زارتنا البركه نورت يازعيم شن حال
يوسف: بخير شن حالك انت
احمد: بخير تفضل تفضل قعمز
قعمز يوسف وبحت في احمد
يوسف: جايك في خدمه
احمد: عيوني لك ياصقر
يوسف: عندي واحد اسمه جواد ال*** شوفه عندكم
طلع احمد القوائم ولقى الاسم
احمد: اهو موجود اسمه
يوسف: نبي نشوفه يا احمد بندوي معاه
احمد: حاضر
كلموا جواد وطلعوا يوسف يشوفه
يوسف قعد يبحت فيه
احمد: هوا الي تبيه
يوسف بحده: لا مش هوا
احمد: اي خدمه اخره يا افندي
طلع يوسف من غير مايرد عليه وقعد يرن علي الرقم الي عطاه المعلومه لكن الرقم غير مستعمل
.......................................................................
عند مطلب....
خذا قهوه ومشى للمستشفى خش للمكتب متاعه وقعمز خشت عليه الممرضه
مطلب: بسمه خششيلي اول حاله
وقعد مطلب غارق في الشغل لكن تفكيره مره مره يمشي لمرام لكن بسرعه يغير في تفكيره لان شبه قعدت متزوجه وتفكيره فيها حرام
بعد ثلاث ساعات كمل مطلب شغل وحول البالطو قربت منه بسمه
بسمه ب احراج: دكتور عبدالمطلب
مطلب: نعم
بسمه: لو سمحت تروح بيا معاك لحوشنا لان مافش حد فاضي من العيله
مطلب: باهي مافش مشكله
خذاها مطلب وركبت معاه في السياره وطول الطريق تركيزه في الطريق وساكت وهيا تركيزها فيه وهايمه نزلها مطلب قدام حوشها وروح للحوش وهيا خشت للحوش وهيا في قمة السعاده
.......................................................................
عند سيرين ....
ناضت بالشويه وتعبانه خشت دوشت وفطرت وقعدت مقعمزه في الصاله لعند دق الباب فتحت لقت غزل سلمت عليها وخشوا مع بعضهم للمطبخ طيبوا الغدا وقعدوا يستنوا في مطلب ويوسف
درس يوسف سيارته قدام الحوش وخش قعد يبرم مالقش غزل غير دبشه ومشى لحوش امه لقاها تهدرز مع سيرين ولعت نار في قلبه لما شاف سيرين قرب منهم
غزل بحب: نورت حبيبي
يوسف يبحت في سيرين بحده وسيرين تبحت فيه وعيونها مدمعات وتبي تبكي حط يوسف يده علي حزامه وفكه وغزل قرنت حواجبها طول
غزل : لالا يوسف ارجوك لا يوسف حرام عليك ارجوك لا يامطلب يامطلب
قرب يوسف من سيرين وقعد يضرب فيها وشريط موت امه يمر قدامه وشريط موت صاحبه وان كله كله سببه سيرين
يوسف بعياط: انتي السبب انتي السبب في موت رفيقي وانتي السبب في اموت امي موتي والله نقتلك وراها والله نخليك تلحقيها يابنت ال**** يا***** العن****
غزل حاولت توقفه تمسك يده لكن مافش فايده وسيرين عياطها قالب الدنيا فتحت غزل الباب وكانت بتطلع تجري تكلم حارث خبطت في مطلب
مطلب : خشي جوا المزرعه فيها رجاله برا وين طالعه هكي
غزل بدموع: سيرين سيرين بيقتلها يوسف
خش مطلب بسرعه وبعد يوسف من سيرين ويوسف طاح ع الصالون يتنفس بقوه وعزق لحزام
ومطلب يحضن في سيرين ويهدي فيها وغزل جابتلها اميه
مطلب: اهدي انا معاك اهدي سيرين بالشويه علي روحك بالشويه اشربي اميه اشربي
يمسحلها مطلب في دموعها ويرفعلها في شعرها وهيا ماسكه في دبشه بقوه وتبكي ويوسف يبحت فيها ويتنفس بقوه قعمزت غزل جنب يوسف ومسكت يده
غزل بهمس: اهدا حبيبي اهدا
.......................................................................
خذا مطلب سيرين وركب بيها للدار وحطها في داره علي سريره وهيا راقده من التعب والضرب قعد مطلب يبحت فيها
مطلب بهمس: لو كانت امي قاعده راهو يوسف مقدرش يمد يده عليك لكن لان امي مش قاعده انا ح انكون قاعد ومش ح انخلي حد يقرب وبنحميك لعند اخر يوم في عمري
نزل باس خدها وغطاها وطلع من الدار نزل للصاله
مطلب: في غدا ياغزل ولالا
غزل : في توا نصبي نحطلك انت ويوسف
خشت غزل تحط ومطلب قعمز جنب يوسف
مطلب: معش تقربها
يوسف: هذي فاسده ومش متربيه وبتجيبلنا العاار افهم لازم نقتلوها
مطلب: اختك ووصيت امك كيف تقتلها يوسف افطن لكلامك
يوسف: هيا السبب في موت امي يامطلب وموت رفيقي
مطلب: لو سمعت انك مقرب منها يايوسف والله ناخذها ونهرب بيها ومستحيله تعرف مكاني ومكانها
سكت يوسف وطلعت غزل بالسفره وتغدوا وركب مطلب لداره غير دبشه ورقد جنب سيرين
يوسف خذا غزل وروحوا لحوشهم وبرضو ويوسف حضن غزل ورقد معاها
.......................................................................
عند مهيب....
مهيب : ها يمي بنمشولها اليوم ووتيت كل حاجه كلمي خالتي وام جواد وامشوا اخطبولي
سلوى: باهي ياوليدي اصبر وانت بتنكلب
ضحك مهيب باحراج
فات الوقت وفات اليوم عادي
ومهيب مشى يخطب واهل ريم قالوا عطونا يومين نفكروا
.......................................................................
ثاني يوم في العصر طلع يوسف ونشى لحوش اهل حور وامعاه الحارث الي كان عارف بالقصه وقروا الفاتحه وخذا حور وروح بيها خش للحوش غزل جاته تجري شافت حور معاه قعدت مصبيه في مكانها وتبحت فيهم
يوسف:.....😒
حور:...🤨

يتبع....🌱

بقلم سيف الله العقوري...💪🏻