حرم العقيد (الجزء الاول)

19🍃

(19)

#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله العقوري..🚬

ثاني يوم الصبح......
عند يوسف دق الباب بقوه ناض يفتح لقى حور قدامه
حور بعياط: مش معقوووله الي ادير فيه مش معقوله
يوسف: شن الي مش معقوله
حور: تعامل فيا كاني كلبه مش مراتك انا ولا شنو مش عندي حق كيفي كيفها وانت مكمل وقتك كله عندها وفايتني مش انت الي خذيت شرفي مش ذنبي هذا مش ذنبي عشان تقعد تعامل فيا هكي
يوسف: اركبي لحوشك توا انجيك وانتفاهموا فوق
ركبت حور وهيا تغلي وغزل مصبيه في مكانها مصدومه بحت يوسف في غزل قلبت عيونها وخشت للمطبخ ضحك وركب لحور خش عليها
حور: طلقني يوسف
يوسف ببرود: اسكتي وبلا غباء
حور: طلقني معش نقدر نعيش معاك والكلبه هذكي معاك يا انا يا هيا
مردش عليها يوسف ورقد ع السرير وكمل نومه
وحور تغلي وتفكر
.......................................................................
عند مطلب.....
ناض الصبح وفطر ونوض سيرين
مطلب: سيرين تمشي معايا للمستشفى تهدرزي مع بسمه
سيرين بفرحه: اها هي نلبس اصبر
خشت سيرين تلبس ومطلب يفكر ان لو عرفت جواد عايش شن تبي ادير
كملت سيرين لبس وطلعت مع مطلب ومشوا للعياده
بسمه: صباح الخير حبيبي
مطلب: صباح الحب
سيرين: انا قاعد راهو
ضحكوا مطلب وبسمه وخذت بسمه سيرين وقعمزوا يهدرزوا ومطلب بدا في الشغل متاعه
.......................................................................
عند مهيب....
عبدالله : تي نوض يالغضيب هياا مش بنمشوا للعرب اليوم
مهيب: تي خليني نرقد شويه مزال نااعس
عبدالله: نوض خير مانقلب الدنيا عليك صبي هيا
ناض مهيب وهوا يسب ويلعن وفطر وطلع للشغل
.......................................................................
عند جواد .....
ناض فطر مع امه ومشى كسد مع مهيب شويه وقرروا يمشوا لمطلب في المستشفى خش مهيب سيرين بحتت فيه ونزلت راسها بعدها خش جواد
جواد بضحكه: السلام عليكم دكتور مطلب ههههه
رفعت سيرين راسها وقعدت تبحت في جواد الي طول بحت فيها وقعد منصدم في مكانه
طلع مطلب من الغرفه وقرب منهم وسلم عليهم وخذا جواد ومهيب برا
جواد لو يلقى ميطلعش ماصدق شافهاا وسيرين نفس الشي
سيرين نزلن دموعها وبسمه منصدمه
بسمه: كنك تبكي شن في
سيرين: جواد جواد حي نبيه نبيه
بسمه :من جواد
سيرين حضنت بسمه وتبكي وتبي اطير من الفرحه
مهيب بهمس: جواد وين سارح
جواد بحت في مطلب
جواد: نبي نخطب اختك يامطلب
مطلب: الكلام مع يوسف في الموضوع هذا
جواد: يوسف مش ح يعطيها ليا
مهيب: نخطفوها
مطلب: اختي ياكلب
جواد: نجيب شيوخ القبيله زايد ناقص بيرضى وبناخذها
مطلب: يصير خير
خش مطلب للحالات الي عنده ومهيب وجواد روحوا
مطلب يبحت في سيرين كيف فرحانه ابتسم
.......................................................................
بعد مرور ساعاات....
عند يوسف ناض من النوم وطلع من الحوش عنده بضاعه بيستلمها
نزلت حور عند غزل وغزل منصدمه فيها
حور: لو سمحتي عادي نشرب معاك قهوه خاطري فيها ومنبش نشربها بروحي
غزل: باهي تفضلي
خشت حور وقعمزت جنب غزل
حور: انتي تعبانه توا انديرها انا القهوه
غزل : متعبش روحك توا انديرها انا
حور:لالا والله ماصارت عاد انني حامل ب ولي العهد توا انصبي انا
صبت حور ودارت القهوه وحطت فيها سم فيران وطلعت السفره حطتها وتشرب هيا وغزل وساكتات
بعد نص ساعه ركبت حور لحوشها وغزل بطنها تقطع فيها تحملت شويه بعدها قعدت تعيط
.......................................................................
عند مطلب...
روح هوا وسيرين وتغدوا وقعدوا يهدرزوا بعدها سمعوا عياط
مطلب: صوت عياط صح
سيرين بخوف: صوت غزل تعيط
طلعوا يجروا يخبطوا في الباب بعدها مطلب كسر الباب وخش لقوها تنزف وتعيط شالوها للمستشفى
.......................................................................
عند يوسف....
يوسف بحده: شنو البضاعه الي عندك
فتحي: 50 قرص حشيش و20 بيدون و20 لتر بوخه
يوسف: كويس لكن ماعندكش بافره
فتحي: كله موجود يامعلم بافره وادجونتا
يوسف: تم
يوسف بعياط: زكريااا نزل البضاعه في الهنقر
نزلوا البضاعه وجا زكريا
زكريا: نعم ياحاج قالولي تبيني
يوسف: بنخدمك عندي
زكريا : ماهو نخدم عندك
يوسف: نبيك تسربي
زكريا: باهي موافق
يوسف: توا نفهمك الشغل والسعر هذي قرصه مقصوصه واتيه حقها 2000 والصنف منظم لما اتجي تبيعها تلقى حقها 4000 والمكسب بالنص وهذا اسمه سير 25 حقه لان صغير وهذا50 وهذا 100 وهذي السياره لك اخدم بيها تمام
زكريا بفرح: تمام التمام ياحاج
رن تلفون يوسف
يوسف بحده: خلاص امشي انت شوف شغلك
يوسف : ايووه
مطلب: بسرعه تعال في مستشفى ال***
يوسف: خير شن في
مطلب: غزل تنزف وشلناها غادي
صكر يوسف الخط وطلع بسرررعه للمستشفى
.......................................................................
عند مهيب ....
وصل هوا وامه وباته ومرات خوه ل اهل ريم وخشوا قعمزوا
وبعد كلام وكلام اتفقوا وحددوا موعد الفاتحه والعرس وروحوا ومهيب بيطير من الفرحه
.......................................................................
عند جواد.....
قاعد جنب امه وتفكيره وعقله كله عند سيرين وكيف شافها ضاعفه واضح عليها التعب قلبه يقطع فيه يبي يشوفها اخره بيسمع صوتها غمض عيونه وتنهد بقوه
خديجه: كنك مش على بعضك اليوم
جواد: امتى بتخطبيها ليا
خديجه: اخدم دير حوش نخطبها لك
جواد: امي مش لازم حوش نجيبها تسكن معاك هنا اخطبيها ليا ونخدم نحصل حق العرس ونتجوزها في حوشك هنا
خديجه: باهي اخدم بس توا
باس راسها جواد وطلع يشوف في محل يخدم فيه
.......................................................................
عند يوسف...
وصل للمستشفى وخش بسرعه ولقى مطلب وسيرين قدامه تجاهل سيرين وقرب من مطلب
يوسف : شنو يامطلب شن صار
مطلب: والله مشعارف سمعناها تعيط كسرنا الباب وخشينا لقيناها تنزف توا خذوها مني ومعش طلع حد
قعمز يوسف ع الكرسي وخايف يكون صار فيها شي
سيرين بهمس: يوسف احتمال يديرولها عملية ولاده عدي جيبلها الدبش متاع البيبي
بحت فيها يوسف وبحت في مطلب
مطلب: اها لو كان في خطر ع البيبي بيخلوها تجيبه توا
روح يوسف للحوش وخذا الدبش حطه في السياره وركب لحور بيحكيلها الي صار خش يوسف للحوش ويسمع فيها تكلم في التلفون صبى في مكانه ومنصدم من الي يسمع فيه
.......................................................................
حور: تعرفي عبيطه بكل ضحكت عليها
مجهوله: شن درتي ياسوسه
حور: سوسه في عينك نزلت وقلتلها بنشرب معاك قهوه وخشيت انا درتهت وحطيتلها سم فيراان فيها الحق نبيها اطيح ااي في بطنها وبالمره تموت هيا ويقعد يوسف ليا بروحي
مجهوله: ويوسف لمسك ولا مزال
حور: مش انا كذب عليه وقلت لمسني ودرت فلم عشان ياخذني وهوا قعد لاهي مع مراته ام ولده وفاتني ومقربش مني ف انا درت هكي عشان يقعد ليا بروحي
خش يوسف وهوا منصدم من شر حور
يوسف بعياط: حووووور
حور انصدمت : يوسف
سحب يوسف سلاحه وحطه على راسها
يوسف بعياط: توا تصبي تلمي دبشك وقداامي ع حوش هلك
حور بدموع: اسفه سامحني اسفه درت هكي عشانك والله عشان تقعد معايا بروحي ارجوك يوسف مطلقنش
يوسف: صبي صبي مش ح نطلقك صبي يابنت ال**#**
صبت حور ولمت دبشها كلها وطلعت مع يوسف الي الطريق كلها يسب ويهزب فيها نزلها قدام الحوش وطلع باتها
خليل: خير يايوسف
يوسف سحب سلاحه ورمى رصاصتين في راس حور الي طاحت بين ايدين باتها
خليل بصدمه: حووور
يوسف ركب في سيارته ومشى للمستشفى لمت الناس كلها ويشوفوا في حور غارقه في دمها بين يدين باتها وخليل غارق في دموعه
.......................................................................
مشى يوسف للمستشفى ولقى الدكتوره
يوسف: شن صار
الدكتوره: الحمدلله جابت تؤام عيال كيف العسل
يوسف بصدمه: كذابه قصدي احلفي قصدي عادي نخش نشوفها
الدكتوره بضحكه: خش عادي والف مبروك
خش يوسف بسرعه ولقاها راقده واضح على ملامحها التعب مسك يدها ويبوس فيها ومطلب مصبي يبحت فيه ومبتسم
سيرين بهمس: مطلب بنمشي نشري اميه
مطلب: توا نشريلك انا اصبري
معدلتش عليه سيرين ومشت للكافتيريا وتلاقت مع جواد وهوا خاش للمستشفى قعدت مصبيه تبحت فيه قرب منها
جواد : اهلين
سيرين بدموع: جواد
جواد: سيرين انا منسيتكش ولا نقدر ننساك عطيني شوية وقت ونخطبك
سيرين : جواد نحبك نحبك
حضنها جواد وبعد
جواد بضحكه: خايف يطلعيلي خوك يطلع عفاريته عليا
ضحكت شيرين ومشى يوسف شرالها اميه ومشت هيا وياه للغرفه الي فيها يوسف
مطلب بصدمه: نهارك اسود كنتي معاه
جواد: ماهو لقيت واحد يعاكس فيها تعاركت معاه وجبتها معايا
مطلب بحت فيهم قربت منه بسمه ومسكت يده
بسمه بحب: حبيبي متقعدش مركز معاهم
مطلب باس يدها وسكت وطلع يوسف هدرز معاهم ومقدرش يخش على عياله لان حاطينهم في الحجر
.......................................................................
مطلب: شن بتسميهم
يوسف : جاسر وياسر
جواد: اووو اسماء سماح اختيارك ولا اختيار المدام
مطلب: المدام اكيد
يوسف: اختياري انا وين مهيب
جواد: اليوم كان عند اهل الوليه مش فاضيلك
مطلب: قصدك حددوا موعد الفاتحه
جواد: اها الجمعه
يوسف: انقيموا بيه القدر
مطلب وجواد: اكيده
شويه خشوا مجموعة رجاله لابسين عسكري يوسف يبحت فيهم ب استغراب
الراجل: انت يوسف ال***
يوسف: اها تفضل
الراجل: تفضل معانا
مطلب: شنو تفضل معانا وين تبوا
الراجل : متدخلش
طلع يوسف معاهم ومعاه جواد
مطلب قاعد مع غزل وسيرين ويغلي
ركب يوسف في السياره العسكريه وطلع وراه جواد بسيارته وصلوا في المركز خش للمكتب لقى خليل واثنين معاه
يوسف : ايووه جايبيني عشانك
خليل: حسبي الله فيك قتلت بنتي قتلتها قدام عيوني قدام الناس
الراجل: نزلوه ع السجن
جواد بعياط: تنزلوا امكم وين ماشيين بيه شن صاير
طلعوا جواد برا ونزلوا يوسف للسجن وهوا يعيط ويسب
روح جواد وحكى لمطلب الي صار
.......................................................................
مر الوقت مشت سنين وجت سنين و بعد 10 سنين
جواد: حبيبتي
سيرين : عيونها
جواد: هيا بسرعه لبسي العيال بنمشوا لحوش هلك يوسف بيطلع اليوم
سيرين: فارس فراس تعالوا هيا
فارس: نبي نلعب بلستيشن منبش نمشي ياماما
فراس: وانا بنلعب معاه
سيرين: هيا بنمشوا نشوفوا خالو يوسف
فارس: من خالو يوسف مش خالي مطلب بس
جواد: خالو يوسف كان مسافر واليوم روح
فراس: قصدك بات ياسر وجاسر
سيرين: اها خالو يوسف هي صبوا البسو
ناضوا يجروا ولهفتهم سابقتهم والحماس عشان يشوفوا خالهم الي يسمعوا عليه بس
حضن جواد سيرين
جواد: عليش الدموع
سيرين: مشعارف كيف بيكون اللقاء عشر سنين ياجواد ولا شفته ولا سمعت صوته
سكت جواد وشويه وطلعوا كلهم لحوش يوسف
.......................................................................
عند مطلب ....
مطلب: بسمه نوضي ياخميره
بسمه: خليني نرقد حرام عليك
طلع مطلب من الدار ومشى للدار الثانيه
مطلب بهمس: جميله ويوسف واحمد
الثلاثه: نعم بابا
مطلب: هيا بنديروا هجوم جماعي على ماما
ضحكوا وخشوا يجروا مع باتهم وكلهم فوقها ع السرير ويبوسوا فيها ومطلب يضحك عليهم
بسمه: ااااه يامطلب فكني من عيالك
قرب منها مطلب وبعدهم من عليها وهوا يضحك
مطلب: نوضي هيا اليوم بيروح يوسف
بسمه: يافرحت غزل
مطلب: غزل معندهش علم يوسف قال متقوللهش
ناضت بسمه ولبست العيال وطلعوا لحوش يوسف ومطلب طول الطريق يحكي لعياله على عمهم يوسف الي ولا مره شافوه يسمعوا عليه بس
.......................................................................
عند مهيب...
مهيب : ريم متهبلنش نوضي
ريم: لاااا بنرقد خليني ولا طلقني
مهيب : اخخ صبي بنمشوا لحوش غزل
ريم: عليش
مهيب: نحكيلك لكن تفتحي فمك وتحكيلها نقتلك
ريم : احكي مش قايله
مهيب: يوسف مروح اليوم اليوم يطلع من الحبس وردي بالك تفتحي فمك وتحكي لغزل يوسف دايرها لها مفجأه
ريم نطت حضنت مهيب وتضحك
ريم: واووو يافرحتك ياغزل حبيب القلب بيرجع يافرحتك لولولوولولوليي
ضحك مهيب وحضنها بقوه
ريم: حبيبي نوض بناتك بنوتي روحي
مهيب: في عينك بنلبس انا نوضيهن انتي
ريم : اوووف كله عليا انا
ضحك مهيب وخشت تنوض فيهن ريم
ريم : جود سجود هيا بنطلعوا نوضوا
قرب منها مهيب مش هكي ينوضوا فيهن
ريم: والله ترا وريني كيف ينوضوا فيهن
قرب منهن مهيب ويبوس فيهن قعدن يضحك وناضن
مهيب بضحكه: هكي ينوضوا فيهن
ريم بحده: به
ضحك مهيب وحضنها
مهيب: غايره ياقرده
ريم: حول امشي لبناتك
مهيب بضحكه: نبوا نجيبوا تؤام اخره
ريم: في عينك
مهيب بضحكه: توا نروحوا وانتفاهموا هيا البسي ولبسي البنات
وبعد ربع ساعه طلعوا وفي الطريق حكالهم مهيب على صاحبه يوسف
.......................................................................
عند غزل....
ناضت من النوم قعدت تبحت في صورة يوسف المعلقه في الدار وقلبها واجعها
غزل: عشر سنين مشن من عمري وانت بعيد مني ياروحي نحبك
ناضت من سريرها ولقت جاسر وياسر يتعاركوا في الصاله بعدتهم من بعضهم وحضنتهم
جاسر : امي مش انتي تحبيني انا اكثر
ياسر : في عينك يا امي مش انا اكثر
غزل بحب: نحبكم انتو الثلاثه
جاسر: بس نحن اثنين يا امي
ياسر: وين الثالث
غزل بحزن: بابا يوسف
جاسر: امي عليش هوا مشى وسيبنا
ياسر: فضل شغله علينا
قعمزت غزل ع الصالون وقعمزوا جنبها
غزل: بابا مش مسافر ومش في الشغل
ياسر: تزوج وسيبنا
غزل: لا
جاسر: توفى
غزل بحزن: لا
ياسر: معناها وين مشى ليش مش كيف باقي العيال عليش ماعندنش بات
جاسر: انا منذكرش ان شفته ولا بسته ولا حتى لمسته
غزل: خبيت عليكم واجد لكن بنحكيلكم
جاسر وياسر: نسمعوا فيك احكي
غزل بحزن: يوسف كان متزوج وحده كذبت عليه قتلها انحبس بابا له عشر سنين محبوس يوم ولادتكم انحبس وانحكم عليه بعشر سنين
جاسر: يعني باتي مجرم
ياسر: اححا خريج حبوس
غزل بحده: لو يسمعكم يفرمكم يلا نوضوا غيروا دبشكم بتجي عميمه سيرين وعمو مطلب
.......................................................................
ناضوا وغيروا دبشهم ونضمت غزل الحوش شويه ودق الباب وخشوا مطلب وبسمه وجواد وسيرين ومهيب وريم وعيالهم
رن تلفون مطلب غمز لجواد وجواد غمز لمهيب وطلعوا قدام الحوش نزل يوسف من السياره الشيب طاغي على شعره ولحيته وضاعف ابتسم وانقلبت الدنيا رصاص وغزل قعدت خايفه وتبكي قرب منه مطلب وحضنه بقووه طوول العشر سنين كان يكلم فيه بتلفون بالسر مره بعد فترره كان ممنوع حتى يزوره قعد مطلب يبكي وبعد من يوسف وحضن جواد وحضن مهيب وخش للحوش وكله لهفه لغزل ولعياله
غزل تبحت فيه ومنصدمه والعيال يلعبوا ومش فاهمين من هذا
.......................................................................
صورته ايام زمان مختلفه 180 درجه عن صورته توا قرب يوسف من غزل وحضنها بقوه هوا يبكي وهيا تبكي من دون كلام من دون عتاب وبعدها جاسر وياسر عرفوا ان هذا باتهم قربوا منه وحضنهم ويبوس فيهم كانوا نسخه منه قربت منا سيرين مد يده لها طاحت في حضنه حضنها
سيرين : ارجوك سامحني
يوسف: سامحتك غاليتي
يوسف بضحكه: من الفروخ هذوما كلهم
مهيب بضحكه: هذينا بناتي جود وسجود
يوسف باس ايديهن : مشاءالله عليهن
جواد: وهذوما عيالي: فارس وفراس
سلم عليهم يوسف وفرحان بعيال اخته
مطلب: طبعا انا هذوما عيالي يوسف وجميله واحمد
يوسف : يافرخ صار منك وقعدت بات
وحضنهم ويبوس فيهم
يوسف: مطلب شن صار في الحارث
مطلب: توفى بعد حبستك بشهر
جواد: وامي قبل سنتين عطاتك عمرها
يوسف: الله يرحمهم ويغفرلهم
مطلب: جيعااان متبوش تغدونا
يوسف: انا بنخش اندوش وانجيكم وغمز لغزل
مهيب: فكنا من الغمزات شفتك راهو
ضحك يوسف ومشى للدار ولحقاته غزل خشت وراه لدار طول حضنها يوسف بقوه
غزل : اخخخ ياحبيبي مرايفه عليك مووت
يوسف: حتى انا ياقلبي عشر سنين مش شويه ياعمري
غزل: الحمدلله على سلامتك ياقلبي
يوسف: غريبه هلك ماخذوكش
غزل: حاولوا واجد بس كنت رافضه ومتمسكه بيك عارفه ان بيجي يوم وتطلع
باسها يوسف خش عليهم جاسر
جاسر: حي عليكم عليك قلة ادب وطلع يجري
جاسر بعياط: ياعمي مطلب راهو باتي يبوس في امي في الدار
ضحكوا كلهم

.......................................................................
يوسف بصدمه: قصدك كل حاجه بتقعد محسوبه علينا
غزل بضحكه: اكيده
يوسف بحب: نوعدك من توا اتعيشي احلا ايام حياتك يا( حرم العقيد❤)
جاسر بضحكه: هيا يا سخيفين
ضحك يوسف وخش دوش وطلع هدرز مع عيلته واستمرت الحياه ....❤

النهايه...🎂