حرم العقيد (الجزء الاول)

5🍃

(5)
#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

عند جواد وخديجه
جواد طلع مع امه وخالته في السياره ووصلوا عند حوش اميره
جواد بفرح: واخيرا
خديجه بحده: مش خاشه راسي من زمان البنت هذي
سناء اخت خديجه: وحدي الله غير انشوفوها قبل
نزلوا وخش جواد مع بات اميره للمربوعه ويهدرزوا
خديجه بهدوء: شن اسمك
اميره قلبت عيونها: اميره
خديجه : كم عمرك وشنو تقري
اميره: عمري 22 نقرا لغه عربيه
وكملوا هدرزه خش بات اميره
محمود: اميره يا اميره
اميره : نعم بابا
محمود : جيبي القهوه وتعالي
خذت اميره القهوه وخشت عند جواد وهيا تغلي طلع باتها
جواد ب ابتسامه: حبيبتي
اميره: اتحبك جهنم ياارب
جواد بصدمه: كنك
اميره بعصبيه: ماعمري سمعت واحد جاي يخطب ايجيب عصير وبكلاوه
جواد بهدوء: شنو ايجيبوا امعاهم
اميره : مايخلي مايجيب عاد خطبه هذي مش لعب
جواد : اميره انتي عارفه ضروفي والحاله الماديه الي قدرت انجيبه جبته
اميره بعصبيه: ضروفك وحالتك الماديه وفقير متزوجش اقعد مع امك توا هكي بعد تزوجني من وين بتصرف عليا ولا اتموتني من الجوع
جواد وجعه كلامها قعد يبحت فيها
اميره بحده: انهي كل الي بينا جواد
جواد بصدمه: اميره انا
قصت عليه اميره
اميره : بنقول لبابا منبش الي بيني وبينك انتهى ربي يدزلك بنت فقيره ترضى بيك
وخشت وخلت وراها قلب جواد متحطم
طلع جواد وامه وخالته والطريق كلها جواد ساكت حطهم في الحوش وطلع
.......................................................................
بعد مرور اسبوع
غزل بعصبيه: يوووسف نوض هيا اليوم بنمشي لهلي زياره
يوسف : حولي غادي بنرقد
غزل بدموع: هيا مرايفه على بابي ومامي
يوسف قعمز وفنص فيها وغزل تبحت فيه بدموع مسكها من شعرها
غزل : ااه شعري حول
يوسف بعصبيه: لما انقول بنرقد شنو اديري
غزل بدموع: انزن عليك
يوسف بعصبيه: شنووووو اديري
غزل: قطعتلي شعري يابارد قريب تخليني صلعه
يوسف دفها ورقد
يوسف : نسمع صوتك انصبي نفرمك
غزل طلعت للصاله وقالبه وجها
عند مهيب رن على بيسان
مهيب بحب: بيسو حب قلبي
بيسان تبكي: مهيييب
مهيب بخوف: كنك تبكي شنو في
بيسان بدموع: تعاال في السطح نبيك ضروري
صكر مهيب الخط وطلع بسرعه للسطح
لقى بيسان مصبيه وتبكي قرب منها وحضنها
مهيب بخوف: بيسان كنك تبكي شنو في
بيسان:قبل 4 ايام جاني واحد يخطبني
مهيب بصدمه: وانتي ليا وانا لك
بيسان: بابا وماما موافقين
مهيب : وانتي بيسان
بيسان : منقدرش نخالف راي بابا وماما
مهيب: وحبي انا وياك واحلامي معاك وحياتي الي بنيتها معاك
بيسان: منقدرش نقول لا لبابا وماما اسفه مهيب
مهيب بعصبيه: انا نحكيله باتك كيييف ياخذوك مني
سكتت بيسان ومهيب نزل يخبط على حوش عمه
فتحتله مرات عمه
حنان: كنك يامهيب قلعت علينا الباب
مهيب بسرعه: عمي حسن قاعد
حنان : قاعد خشله
خش مهيب بسرعه
مهيب : عمي عمي يا عميي
حسن: تعال قاعد في المربوعه
خش مهيب للمربوعه وقعمز
مهيب: عمي صح بيسان جوها خطاب
حسن: اها ووافقت عليهم
مهيب بصدمه: وانا ياعمي عطيتني كلمه ياعمي وقتلي البنت لك اول ما اتخرج خوذها
حسن: انت لا عندك حوش لا عندك شغل
مهيب : تي ماهو نخدم في المعسكر
حسن: منعطش بنتي لواحد يخدم في المعسكر في اي لحظه اتموت وتقعد بنتي ارمله وهيا مزالت صغيره
مهيب يبحت في عمه بصدمه وساكت
حسن:انت ولد خويا وبيسان زي اختك
مهيب صبى وبحت في عمه
مهيب : كنت تقدر اتقولي الكلام هذا من قبل خليتني 6 سنين متعشم وفي الاخير عطيتها لبراني منور
طلع مهيب وشاف بيسان قدامه معدلش عليها وخش لحوشهم لم دبشه كله وطلع
.......................................................................
مشى للاستراحه متاع يوسف ولقى جواد قدامه غادي
جواد بهدوء: حبيبي شنو جيبك هنا ودبشك معاك
مهيب: ترا اسكت انت الاخر راهو واصله حدها لنننم
جواد: بيسان مريضه ولا شنو
مهيب بعصبيه: يااااريتها مرييضه ياااريت
جواد: ربي يعوضك ياطيري
مهيب:عشمني 6 سنين وانا نرجى فيها ولا خشت قلبي بنت غيرها ولا حبيت غيرها ولا فكرت انبحت في غيرها 6 سنين مشن من عمري ياجواد وانا عايش في وهم بين يوم وليله ايجي ايقولي انت معندكش حوش ومنعطش بنتي لعسكري تي عندي شهاده طب النم انا دكتووور لكن لان عايش في دولتنا العزيزه دولتناااا الغاليه ليبيااا الننم مفش تعيين مفش شغل اخخخخ ياصاحبي اخخخخ كسرني وياريت حتى واحد غررريب عمي عمي خو باتي الي دمي من دمه شنو خلا للبراني بس
جواد: يعوضك خير ميستاهلوش صقر كيفك
طاح مهيب على الكرسي وحاط راسي بين ايديه وساكت وجواد يبحت فيه وتذكر اميره الي سيباته
(الحياة عبارة عن سلسة لا تنتهي من المأسي مع فواصل اعلانية قصيره من السعادة 💔")
.......................................................................
عند يوسف ناض الساعه 7 المغرب طلع للصاله لقى غزل راقده ابتسم بخبث
وخش للمطبخ عبى طاسة اميه مصقعه وقرب منها
يوسف بهمس: اقسم بالله انكرهك في عيشتك
بزع عليها الميه المصقعه وغزل قعمزت مفجوعه ويوسف عزق عليها الطاسه
غزل بدموع: اااه ياباارد وجعتني كنك حيوان انت
يوسف مسكها من وذانها
يوسف بحده:من الحيوان ياحيوانه
غزل بدموع: حتى وذاني مخليتهنش في حالهن حول
يوسف ضربها كف
يوسف بحده: احح الكف الي في خاطري
غزل مصدومه وتبحت فيه
يوسف بحده: هيا كان تبي تمشي لهلك
غزل صبت وساكته وخشت للدار وقفلت الباب
يوسف قعمز في الصاله يدخن وساكت
بعد ربع ساعه طلعت غزل لابسه سروال وبلوزه بحت فيها من فوق لعند لوطى
يوسف بهزوه: حلوه اللبسه عدي البسي فوقها عبايه
غزل تبحت فيه وساكته
يوسف بحده: متبحتش فيا انتلفي البسي عبايه
خشت غزل لبست عبايه وطلعت قرب منها يوسف حوللها وشاحها
بوسف بهدوء: لازم تمشي وانتي تبكي عشان يعرفوا نعذب فيك ويطلقوك مني
شفشفلها شعرها وعض خدها بقووه وغزل تبحت فيه وساكته
يوسف : نلبس ونطلعلك ابكي لعند انجي
خش يوسف للدار لبس وطلع
يوسف بحده: هيا
طلع يوسف وجنبه غزل وركبت في السياره وساكته وحطها يوسف في حوش هلها
يوسف : ساعه وجايك
نزلت غزل وخشت لحوش هلها ويوسف مشى ل اصحابه في الاستراحه
.......................................................................
عند سيرين وصاحبتها ريم في حوش سيرين
ريم: شنو جو خوك والعروسه
سيرين بضحكه: معش شفناهم من بعد العرس يوسف بس ايجي شويه يسلم على ماما ويهدرز معاها ويمشي
ريم بضحكه: حي حي شكلها الكلبه غزل طايحه فيه ولوز جوهم
سيرين : حتى هوا العقيد يوسف كنها ماتحبه
ريم بحب: ربي يدوم عليهم ياارب ويبعد عليهم كل حاسد وحاقد
سيرين:اميين... قتلك ريمو شنو رايك نمشوا بكره لغزل
ريم : باهي معندش مشكله انشوف خويا كان وافق
وكملوا هدرزتهم عادي
.......................................................................
عند يوسف واصحابه في المزرعه
يوسف : الززح كنكم جوكم نكد اتقول مطلقين الننم افردوها شويه
مهيب: انت عاد متزوج وحياتك واضحه
جواد: الي كرعيه في النار مش نفس الي كرعيه في اميه يامهيب
يوسف بضحكه: حولهن كرعيك من النار وحطهن في الميه من قالك لا
جواد : تعبااان ياصاحبي
مهيب: تي حي على امك كان اتشوفني انا تعبان لعند جيعااان
يوسف ب ابتسامه : احلى عشاء لعيونك مهيبو ياغالي
جواد : اخخخ تعبااان يامهيب نبي انتعشاء في مطعم غالي
مهيب : تعبان لدرجة خاطري انتعشاء سمك في مطعم باله
يوسف يبحت فيهم وساكت
جواد: اخخخ وبعده تحلايه وعصير طبيعي
مهيب : وبعدها فراش ومخده
جواد: و نوووم
يوسف : انا ضانيكم وناسيكم
جواد ومهيب يضحكوا
يوسف بضحكه: جديات هذا كله تبوني انديره عشان نفسيتكم اتريح
جواد: يرا لنا اسبوع معزوقين هنا وانت في العسل
مهيب: تزوج ونسانا ياجواد خذت عقله ووقته كله
يوسف بحده: غم فمك انت وياه وصبوا نمشوا انتعشوا
طلعوا مع يوسف تعشوا وكملوا برمتهم وحطهم في الاستراحه وروح لحوش اهل غزل
طلعت غزل وروح بيها، ويوسف مستغرب هدوئها متكلمتش بككل
يوسف بحده : بكره نوضي بدري ديريلي فطور
هزت غزل راسها ب ايجاب
رن تلفون يوسف غزل بحتت فيه
يوسف بقرنت حواجب: ايووه بخير وانتي كييف شنوو دقايق وانكون عندك دقااايق وجايك قتلك
صكر يوسف الخط وصبى بسرعه وغزل تبحت فيه وساكته طلع يجري من الحوش وركب في سيارته ومشى لحوش اهله وركب لدار سيرين طوول دق الباب وخش
يوسف بهدوء: سيرررين سيرررين
سيرين بنعاس: نعم يوسف
يوسف : بسرعه خالتك تبرا في المستشفى
صبت سيرين ولبست عابيتها ووشاحها وطلعت مع يوسف
سيرين: بالشووويه يوسف قريب تقلب بينا السياره
يوسف ساكت ويسوق وصلوا للمستشفى ونزلوا
يوسف بحده: صوت رولا تعيط
سيرين: خاالتي
وخشت تجري وراها يوسف وصلوا في رولا ومعاهت راجل كبير في السن يوسف قرب منه
يوسف: مشكور ياحاج بارك الله فيك
الحاج: مش بجميلي جيران واحباب انتو
طلع الحاج روح ويوسف فنص في رولا
يوسف بحده: وطي صوتك واسكتي راهو نضربك
رولا بعياط: ماااماا بتمووت كيف تبيني نسكت كييف
يوسف بعصبيه: وطي صوووتك قلت
رولا بعياط اكثر: مشش ساااكته معش تقووولي اسكتي اسكت انت
يوسف قرب منها وضربها كف رولا سكتت وتبحت فيه
يوسف بحده: بعد انقول اسكتي تصكري فمك وتسكتي
صبت رولا وحضنت يوسف ويوسف ساكت ويبحت في سيرين بعدها يوسف
يوسف : انشوف الدكتوره وجايكم سيرين اتحركي من هنا كرعيك من منبتهن انقصهن
مشى يوسف للدكتوره
يوسف بهدوء: شنو فيها وشنو عندها
الدكتوره: وضعها خطير عندها جلطه في الدماغ والشي هذا ممكن يأثر على البصر والحركه يعني تقعد معاقه
يوسف غمض عيونه بقوه وساكت
الدكتوره: معندنش اي حل غير الدعاء ادعولها
صبى يوسف وساكت وطلع يبحت في رولا وفي سيرين وصبى جنبهم
سيرين: يوسف كنها خالتي
يوسف: تعبانه شويه وتقعد كويسه
سيرين : انرن على ماما انقوللها عشان متنشغلش عليا
يوسف : لا متكلمهش تفجعيها عقاب الليل الصبح نمشيلها وانجيبها
مشى يوسف قعمز على الكرسي وقعمزت جنبه سيرين قربت منه رولا وقعمزت في حضنه
يوسف بحت في سيرين بصدمه وسيرين ماسكه ضحكتها
يوسف بصدمه: شنو اديري انتي
رولا بدموع: تعبانه بنرقد في حضنك
سكت يوسف ورقدت رولا ويوسف يبحت فيها وسيرين رقدت على كتف يوسف ويوسف واعي الليل كله يفكر في خالته وبنت خالته
.......................................................................
عند غزل بعد طلع يوسف
غزل : خلاني هكي بروحي نخاف
قعدت تبرم في الحوش وخايفه خشت للدار فتحت دولاب يوسف وخذت منه تيشرت وحطاته على السرير
غزل: صح انت بارد لكن نحس بالامان معاك ياغجري
ابتسمت وحضنت التيشرت متاعه ورقدت
.......................................................................
خديجه تبكي وتصلي في الليل واتمنى اتشوف جواد
بيسان انخطبت رسمي وبعد شهر عرسها
بات مهيب قالب عليه الدنيا ومشعارف مكان ولده
ثاني يوم الصبح يوسف مشى جاب امه وغزل للمستشفى وجميله تبكي على اختها
يوسف بهدوء: يمي يهديك ربي سادك بكى مافيها شي اختك كويسه
جميله: كيف مافيها شي عليش مخليينها في المستشفى
غزل تبحت في رولا ومش عاجبها الجو
خشت جميله ل اختها ورولا قربت من يوسف وحضناته
رولا: يوسف حبيبي ماما مش حيصيرلها شي صح
يوسف بهدوء: اها امك بخير
رولا : ربي يخليك ليا ياقلبي انت
يوسف رفع راسه وشاف غزل تبحت فيهم وساكته
بعد رولا ومشى قرب من غزل
يوسف بهدوء: كنك ساكته من امس
غزل: ماعندي شي ندويه عدي لحبيبتك
يوسف : حبيبتي من معندش حبيبه
غزل بهدوء: يوسف معندش نيه للمشاكل اسكت وخطاني
يوسف بعد من عليها ومسك رولا من يدها ومشى بيها للحمام وقعد يبوس فيها وغزل مقعمزه وساكته
طلع يوسف ومعاه رولا فرحانه وقعمزت جنب غزل وتحكي لسيرين وغزل تسمع فيها وساكته
بعد مرور 5 ساعات صوت عياط قلب المستشفى وتم اعلان خبر وفاة تبرا
يوسف بعياط: اسكتوووا النننم فضحتوا بدين **** نسمع وحدت تعيط اقسم بالله نلحقها بتبرا
كلهم سكتوا وروح بيهم يوسف وركبوا خيمة العزا ويوسف كمل اجراءات الدفن وفاتوا ايام العزا الثلاثه والكل حزين بسبب موت تبرا

(فليت اللقاء يكون يقينًا ..وليت الفراق حديثُ منامْ💔 )
.......................................................................
بعد اسبوع من الحزن استقرت رولا مع خالتها جميله وعطوها غرفه خاصه بيها
يوسف : تمام وتي كل شي ساعتين وانكون عندك انا والشباب نطلعوا طوول
صكر يوسف الخط وبحت في غزل الي متحكش معاه بكل
قرب منها يوسف وهيا راقده على السرير حوللها شعرها من على عيونها
يوسف بهدوء: غزاله
غزل بحتت فيه
يوسف: انا بنطلع وبنغيب يومين وتي دبشك اقعدي في حوش امي لعند انروح
قعمزت غزل وتبحت فيه
يوسف بهدوء:رايفت على لسانك الطويل
غزل : وين بتمشي
يوسف: عندي صفقه في خط الجنوب تهريب سلاح لتشاد ومروح
غزل: بس هكي خطر عليك يوسف
يوسف: متعود مش اول مره
صبت غزل توتي في دبشها ومش متريحه لمشيت يوسف
يوسف لبس العسكري ووقاي الرصاص وتبحت فيه غزل
يوسف : هي كان واتيه
طلع يوسف وغزل حطها في حوش امه وعطاها مفتاح داره عشان تقعد فيها وسلم على امه واخته وطلع لجماعته
مهيب: شكلها صفقه سمحه
يوسف: من اجمل الصفقات مربحها كويس وكبير
جواد: اخخ رايفت عليه خط التهريب ليا زمان عليه
يوسف : مهيب انت في سياره وجواد في سياره وانا في السياره الي فيهة البضاعه
مهيب : كيف صار مافش حراسه
يوسف: بطل غباء في واحد يمشي للتهريب بدون حراسه
جواد: باهي وينهم الحراسه
يوسف : قاعدين يستنوا فينا في بوابة*** ودزيت كم سياره قبلنا يشوفوا الطريق شنو جوها
ركبوا في السيارات وانطلقوا
.......................................................................
غزل : سيرين
سيرين:.....🤔
غزل:....🥹
(يتبع...🍁)

(بقلم سيف الله....🚬)

(رايكم في الشخصيات وتوقعاتكم....✨)