حرم العقيد (الجزء الاول)

13🍃

(13)

#رواية_حرم_العقيد

(قرأه ممتعه اتمنى ان تنال اعجابكم🌱)

بقلم سيف الله...🚬

يوسف سمع صوت عقد حواجبه ومشى جيهة الصوت انصدم
.......................................................................
يوسف بعصبيه: جواد يولد الكلب العن*** ليلتكم *****
سيرين بصدمه: يوسف
جواد بتوتر: يوسف انا
يوسف قرب منه وقعد يضرب فيه ويعيط وسيرين مصدومه وخشت تجري للحوش تخبط علي دار مطلب ومطلب ناض مفجوع
مطلب بسرعه: شنو فيك كنك امي فيها حاجه
سيرين بخوف ودموع: جواد جواد
مطلب بصدمه: كنه جواد شنو فيه
سيرين بعياط: يوووسف يضرب فيه لوطى انزل شوفه
نزل مطلب يجري وامه طلعت من الدار
جميله بخوف: شنو في كنكم يوسف كنه
سيرين قربت من امها وحضنتها وتبكي
مطلب طلع ولقى جواد وجه كله دم ويوسف يضرب فيه ويسب قرب مطلب ويبعد في يوسف
مطلب بعصبيه: تي بعد الززح قتلت الراجل بعد
يوسف بعياط: خليني نقتله ولد ال**** العن***** تي نلعن امه اليووم نهايته علي يدي الي حاسبه صاحب ورفيق يطلع ولد حرام وجاي للكلبه في الحوش عليا الطلاق مافي واحد منهم ايعيش
ومسك جواد من دبشه وطلع بيه حطه في السياره ومشى بيه للهنقر ومطلب مصبي في مكانه منصدم اخته جايبه راجل غريب للحوش ومن ايكون صاحب خوتها خش للحوش وجاته امه تجري
جميله بخوف: قولي يوسف فيه شي في حد قرب من يوسف
مطلب : اهدي جموله يوسف بخير مشكله بينه وبين صاحبه بس وتوا هدا الوضع خشي ارقدي وتريحي
جميله بدموع: جيبلي يوسف جيبه ليا توا
خش مطلب بياخذ مفتاح سيارته وتلفونه من الدار وشاف سيرين تبحت فيك قعد يبحت فيها وواجعه ان هيا استغفلاته واستغفلت يوسف ودارت علاقه من وراهم خش للدار خذا المفاتيح والتلفون ورن علي مهيب وطلع من الحوش
مطلب بحده: ايووه مهيب تعال في استراحة يوسف توا جواد ملبز الدنيا تم
ركب مهيب في سيارته ويسوق بسرعه عند جواد يأنن في السياره من الوجع
جواد بهمس: يوسف انا نحبها وبنخطبها
يوسف متعصب وميشوفش في شي غير القتل قدامه وايسوق بسرعه مهيب ركب في سيارته واتجه شور الاستراحه وخايف ان ايكون يوسف عرف بقصة جواد وسيرين
عند غزل تقلبت في السرير بالشويه ومالقتش يوسف جنبها لقت مخدته حضنتها وشمتها
غزل بحب: اخخ نحبك ياقرد رغم انك غجري واتخون فيا بس نحببك
وحضنت مخدته بقوه وردت رقدت
سيرين مش قادره تبطل دموع ومشعارف مصيرها كيف بيكون بعد يوسف يكمل مع جواد وعارفه ان ابسط شي يمكن ايديره ان يقتلها
.......................................................................
عند مطلب درس السياره وخش للاستراحه ويسمع في عياط يوسف خش وراه مهيب
مهيب بحده: شنو في كنه صوت يوسف واصل لعند هنا
مطلب بعصبيه: جواد الكلب جاي ل اختي في الحوش ويوسف حالف يقتله
مهيب سكت ومشى مع مطلب جيهة الهنقر يوسف رابط جواد في العمود ويضرب فيه بالسوط مهيب مصبي في مكانه وساكت ومهيب خش بعد يوسف من علي جواد
مطلب: اهدى الززح اقريب تقتله بعد
يوسف بعصبيه: حوول ياولد الكلب خليني نضربه حوول ياواطي انا اعتبرتك خوياا وانت نلعب من ورايا وجاي ل اختي ياولد ال***
جواد مغمى عليه من الضرب مهيب مسك يوسف وطلعه من الهنقر ويوسف مزال يعيط ويسب مطلب قعد يبحت في جواد وفكه من العمود ورقده علي الوطى وقعد يمسح في الدم من علي وجه
يوسف: حول يامهيب راهو نخلطك معاه حوول
مهيب بعياط: اهدى وصكر فمك صاحبك هذا الززح كيف ادير فيه هكي الننم
يوسف بعصبيه: اليوم نقتله ومتقولش صاحبك اختي النم اختتييي افهم
مهيب قعد يسكت في يوسف ومطلب وعى جواد وقعد يشرب فيه اميه
جواد بصوت يادوب طالع: مطلب انا والله نبيها بالحلال اسئل امي والله مانضحك عليها
مطلب: اسكت وتريح متدوش
خش مهيب وقعد يبحت فيهم
مطلب : يوسف وين
خش يوسف
يوسف بعياط: واحد يقرب منه ولا يطلعه اقسم بالله انعلقه مكانه مافش حد ايقرب منه اطلعوا وخلوه
طلعوا ويوسف قفل الهنقر وركب في سيارته قرب منه مطلب يوسف قعد يبحت فيه مطلب حضن يوسف
مطلب بهدوء: اهدى خيي ومديرش حاجه تندم عليه يوسف بعصبيه: تي بعد وقتك انت الثاني
ركب في سيارته ومشى
.......................................................................
مهيب : شن بنديروا توا
مطلب: جواد لازم يهرب صح واجعني الموضوع لكن مهما كان هذا رفيق ومنبش ايموت
مهيب: كيف بنهربوه قدامك قفل الباب
مطلب طلع المفتاح من جيبه وعطاه لمهيب
مهيب : كيف حصلته
مطلب: لما حضنته خذيته منه
مهيب بخوف: تي حي علي امك توا يدور مايلقهش ويقتلك
مطلب: عنده نسختين النسخه الثانيه قاعده عنده
مهيب: شنو الخطه باهي كيف بنطلعه
مطلب: في سياره عسكريه هنا مفتاحها قاعد تحت الفرشه عطيه له يركبها ويسوقها برا بنغازي انا
وقعد مطلب يحكي في الخطه
مهيب : اووف عندك دماغ واتفكر يامطلب
مطلب: نمشي انلحق عليه قبل مايقتل اخته دير كيف ماقتلك وفي اسرع وقت
طلع مطلب وركب في سيارته وروح ومهيب بدا في تنفيذ الخطه
يوسف درس السياره وخش للحوش لقى امه في الصاله قعدت تحضن فيه بعدها
جميله: كنك يوسف شنو فيك اوسيفه
ماردش عليها وركب لسيرين في الدار كانت مقعمزه تبكي واول مانفتحت الدار وشافت يوسف قعدت تعيط صكر الدار بالمفتاح وحول حزامه وقرب منها مسكها من شعرها
يوسف بعياط: اختي انا تطلع قح*** واتجيب في الرجاله للحوش لاا وفي الليل اخره ولاا صاحبي زياده
سيرين بعياط: اسفه والله اسفه والله معش نعاودها اخره مره يوسف ارجوك
يوسف: بالك تبي تعاوديها نزلتي راسي قدام صاحبي ياكلبه يابنت الكلب
دفها علي السرير ونزل فيها ضرب بالحزام وهيا تعيط وجميله تخبط علي الباب تبيه سفتح لعند ارتفع عندها السكر وقعدت مقعمزه قدام الدار وتبكي مش قادره ادير شي مطلب خش للحوش ويسمع في العياط قرب من امه وخذاها في حضنه
مطلب بخوف:امي امي ردي عليا
جميله : مطلب شوف يوسف بيقتلها
نزل مطلب يجري جاب ل امه عصير وشرباته وقعد يخبط علي الظار ويسمع في عياط يوسف وعياط سيرين
مطلب بعصبيه: تي افتح الباب حراام عليك افتح
يوسف يسب فيها مطلب متحملش وكسر الباب وخش دف يوسف ويوسف ناض يضرب في مطلب خشت جميله تبي اتحز بينهم حصلت ضربه من يوسف طاحت
مطلب قرب منها بسرعه وحضنها
مطلب : امي امي
خشمها ينزف ومطلب يمسح في الدم من خشمها ويبكي وخايف امه اتصيرلها حاجه يوسف تفل علي سيرين
يوسف : والله لو تطلعي خطوه برا دارك يابنت الكلبه ماضال الا قاتلك ياوسخه يا قح***
مطلب بعياط: خلاااص النم صكر فمك واطلع امشي لحوشك
طلع يوسف ولا بحت في امه ومشى لحوشه
ومطلب حط امه في سريرها وغطاها وقعد جنبها لعند رقدت وطلع لسيرين لقاها تبكي ومريشه وتنزف حضنها
مطلب بهدوء: اهدي انا معاك
سيرين بدموع: انا اسفه مش قصدي انزل روسكم والله مش قصدي
مطلب: اهدي قتلك انا معاك
قعدت في حضنه لعند رقدت ومطلب خش توضى وصلى وقعمز ايدخن ومشعارف كيف بيحلها
خش يوسف للحوش ومتعصب لقى غزل حاضنه مخدته وراقده قرب منها ورقد جنبها وايحرك في يده علي شعرها غزل فتحت عيونها وبحتت فيه خذاها في حضنه
غزل: وين كنت
يوسف: كنت في حوش امي
غزل: فيها حاجه ولا شنو
يوسف : لا كملي نومك وارقدي
قربت غزل من فمه وباساته ويوسف يبحت فيها وقلبه يقربع
غزل بهدوء: نحبك
يوسف: حتى انا
غزل: حتى انت شنو
يوسف: نحبك
غزل: والي يحب يخون
يوسف : خلاص ارقدي هي
غزل خشت في حضنه اكثر ورقدت قعد يبحت فيها شويه لعند رقد
.......................................................................
في الصبح ...
جميله: مطلب راقد ولا واعي
مطلب: خشي يمي واعي
خشت جميله وقعمزت جنبه في السرير
جميله: احكيلي وفهمني شنو صاير
مطلب بهدوء: سيرين دايره علاقه مع صاحب يوسف جواد ولد خديجه وامس كان عندنا في الحوش جايبته هيا شافهم يوسف وصار الي صار
جميله: لاحول الله لا حول الله يوسف مش ح يسكت ياربي استر ياربي استر
مطلب طفى الدخان وحضن امه
مطلب بهدوء: امي سيرين غلطت لكن لازم نصبوا معاها ومنخلوش يوسف يتهور امعاها
جميله ناضت طلعت من الدار وخشت تصلي ومطلب نزل قعمز قدام حوشهم ويدخن ويبحت في حوش عمه وايفكر في موضوع مرام
.......................................................................
عند مهيب....
مهيب بهدوء: نوض اطلع بسرعه
جواد بتعب: سيرين يامهيب سيرين يوسف بيقتلها منقدرش نخليها
مهيب: تي انت فيك جهد اتحرك عشان ادافع علي سيرين اركب مع الراجل واسكت
جواد: مهيب سيرين وامي امانه في رقبتك امي يامهيب معندهش غيري رد بالك منها
ركب جواد في السياره وطلع بيه صاحبهم بالسياره برا البلاد
مهيب بهدوء: لاحول الله ربي يهدي النفوس
روح للحوش وطاح رقد طول
غزل ناضت قبل يوسف وقعدت تنابش فيه واتشد في شعره ولحيته
يوسف بحده: حولي الززح
غزل بدلع: نوض نبيك ساد نوم
يوسف: تعبان حولي
غزل قعدت تبوس فيه وتدلع عليه لعند ناض
غزل بدلع: نحبك
يوسف : حتى انا نحبك واقربي جاي
غزل: قاعده فوقك اكثر من هكي وين بنقرب عليك غجري
يوسف: توا انوريك الغجري شنو ايدير
غزل: لالا مش ع الصبح
معدلش عليها يوسف وراحو في خبر كان ..🔞
.......................................................................
لعد مرور بعض من الوقت....
يوسف: دوشي هيا عشان نمشوا لحوش امي
غزل صبت دوشت وخش دوش بوسف بعدها ومشوا لحوش جميله
يوسف تذكر سيرين وتعصب
يوسف بعياط: وينهاا الكلبه
غزل انفجعت ومش فاهمه شي
يوسف بعياط: سيرين ياكلبببه العن *****
جميله بعياط: والله لو تقرب منها ولا تسبها لا انت ولدي لا نعرفك
يوسف قعد قارن حواجبه ويبحت في امه
جميله: لو قربت منها يا يوسف لا انت ولا لا نعرفك وحتى عزاي متحضرش
طلع يوسف وهوا متعصب وناوي يمشي لجواد يقتله بالك يبرد وتطفى ناره ركبت غزل لسيرين وقعدت تهدي فيها وجميله تبكي
مطلب مضايق ودخان ورا دخان قربت منه مرام
مرام : انت ياشين
مطلب بفرحه: مرام وينك معش جيتي عندنا رايفت عليك قصدي رايفنا عليك
مرام: خطيبي قالي معش تمشيلهم لان عندهم شباب
مطلب حس بكسره ابتسملها وسكت
مرام: كنك زعلان شنو فيك
مطلب: ولا شي تذكري ايام طفولتك
مرام قعمزت وابتسمت
مرام بحب: احلى ايام
مطلب: تذكري لما كنت انروح بيك من المدرسه في المطر وتقعدي خايفه تلبز كندرتك انشيلك ونجري بيك للحوش
مرام: كنت اميرتك وتذكر لما قريب عضني الكلب
مطلب بضحكه: واتعيطي وتجري وتبكي وبعدها لزيته انا
مرام : لما كنت اتقري في الامتحانات واتعلم فيا انغش
مطلب: لما الابله تعاركك كنت انجي نقلبلها في المدرسه
مرام: لما قعدت نبكي لان معندش خوات نلعب معاهن صبايا جيت انت لعبت معايا ولبست محرمه هههه
مطلب: لما اتعاركي مع بنات الجيران كنت انصبي معاك ونلزهن
مرام بضحكه: تذكر لما كنت ادير في عركه في الشارع وخشيت انا اندافع عليك بعصاة المكنسه
مطلب بكسره: تذكري كنت انا حبيبك وسندك وباتك وخوك وحياتك كلها
مرام بضحكه: كنت طفله وقتها خلاص توا كبرت وانخطبت وعرسي قريب وانا من حبي لك انت اول المعازيم
مطلب بهدوء: من عيوني انا اول واحد نحضر
مرام : وعد
مطلب بوجع: وعد صبي روحي لحوشكم هي صقع راهو تمرضي
قربت منه مرام وباست خده
مرام: اخخ خويا حبيبي
وعدت تجري ومطلب قلبه متحطم بعد كان ينبضلها بقوه خش للحوش وركبت وراه جميله خش وخشت معاه للدار
جميله: توا احكيلي كنك قولي عليش منطفي
مطلب بوجع: شي يالغاليه انفكر في الشغل بس
جميله: من اول ماحكيتلك ان مرام مخطوبه وانت قالب وجك راهو اتكون تحبها البنت مش من عمرك
مطلب بحت في امه وعيونه فيهن كلام واجد
مطلب بهدوء: بنرقد بس تعبان ومتخلش يوسف يقرب من سيرين
طلعت جميله وهيا متعصبه من مطلب ومطلب طاح رقد من التعب وسيرين راقده وجنبها غزل مشعارف كيف تهدي الوضع
يوسف وصل ومالقش جواد وانفصل وقلب الدنيا وغزل روحت للحوش لان حاسه روحها تعبانه ومن الصبح مابطلتش ترجيع وصداع مش مفارقها
.......................................................................
في العصر.....
دق الباب فتحت جميله
جميله: تفضلي تفضلي
خشت حور وسلمت علي جميله وقعمزت في الصاله تهدرز
حور: انا صديقة يوسف وامي وباتي مسافرين وقالي يوسف انجي نقعد معاك اليوم لعند يروحوا هلي من السفر
جميله: مرحبتين بيك الحوش حوشك
ومر الوقت عادي لعند وصلت الساعه 12 في الليل
روح يوسف ويدردح من الشرب خش لحوش امه ومش قادر يصبي
يوسف بصوت سكران: يا امي وين بنتك بنت ال***** وطاح عند الباب ويسب سمعاته حور طلعت بسرعه من المطبخ وصكرتله فمه بالشويه وقعدت تساند فيه لعند ركبت بيه لداره رقداته علي السرير وهوا شبه مغمى عليه وقعدت تبوس فيه وهوا يحاول ان يتفاعل معاها
مطلب طلع من الدار وخطم علي دار يوسف وشافهم وكان يحساب ان يوسف وغزل تحشم ورد بسرعه لداره وهوا متحشم جميله كانت راقده وسيرين ماسكه صورة جواد تبحت فيها وتبكي غزل كانت تستنى في يوسف لعند رقدت في الصاله وهيا تستنى
.......................................................................
ثاني يوم في الصبح.....
يوسف فتح عيونه وراسه ثقيل ويوجع فيه بحت جنبه لقى حور قعمز بسرعه ويبحت فيها ويبحت في روحها
يوسف بعصبيه: شن صاااار شنو جيبك هنااا انتي وين قااعد اناا
ناضت حور وبحتت فيه ويوسف منصدم حور قعمزت وبدت تبكي
حور:....😏
يوسف:...😳

يتبع:.....😒

بقلم سيف الله العقوري..🔥