دلهم

البارت - 5 -

حوراء المحمداوي ...❤️‍🔥

بقلمي رواية: « دلهم »
________________________

ريام :رجعت للبيت وكل تفكيري زيد قتلهم لو لا رحت كبل على ستقبال ما لكيته اتصلت عليه ميرد

لكك ردد ...

ام زيد: اشبيج !

:زيد وين

-ليش

:طلبت منه طلب ويا ريتني مطالبة

-احجي لا اتخوفيني اشصار

:وياي طلاب بالجامعة كل ميشوفوني ايسببولي مشكلة صورتهم ودزيت الصورة الزيد كتله اريدك بس اتأدبهم بس هذا اليوم الرابع وهمه ماكوو خايفة لا ايكون قتلهم ساعتها شسوي كليلي

:اصخام الصخمني ولج ما لكيتي غيير زيدد اطلبين منه

-ابدموع
ليش هوو اني عندي احد غييرة وما اروح

:الله موجود

-بس كليلي اذا اجه اليوم اوصارلناا شيي لمنوو انروح ليش مصرين اتخلوني بالمجهول

:مضامين عنج شي

-لا ضامين وهواااي ليش بس ابوي النحبس وشنو الخله زيد يمشي ابطريقة وليش عمامي وخوالي ميسألون علينا وهوواي اسئلة ابراسي محدد قاابل ايجاوبني عليهن

:معرفتهن اتزعلج

-احجيلي قابله ابكلشي

:ابحزن
كلشي بدا ابزواجي من ابوج رغم رفض اهلي كدرت اقنعهم والاصح اجبرهم ايوافقون انجمعنا من بعد حب ثلاث سنوات عشت ويا احلى ايام حياتي حبني ودللني وبعدني عن كل الناس ابحجة ايريدني بس اله خلاني ابيت وحدي رغم اهلها ماعدهم شي جان يختفي اسبوع ويرجع اسبوع يشتغل ابسيارة حمل ابغبائي صدكتة وظنيت كل هذا الخير الاني بي منها لحد اليوم الكشفت الحقيقة الكلبت حياتي جحيم

-يا حقيقية ؟

💥في الماضي ...

امل: نومت الجهال ورحت للمطبخ احضر صينية الفواكه والحلويات حتى نبدا سهرتنا مثل كل يوم اخذتهن ورحت للاستقبال كعدت يمه وبدانا انسولف حدما قاطع حديثنا اتصال حامد ..

فايز: شوي واجي

امل: كل مرة يتصل بي حامد ياخذ فونه ويطلع يحجي ويا ابهمس دائما ايثير شكي بي اطلع ورا احاول افهم شي بس حجيهم الغاز ايخلي الافكار اطاردني اولها انو حامد اسم مستعار لزوجتة الثانية

مشيت على اطراف اصابيعي وكفت على صفحة اتسمع الاتصاله ...

فايز: اليوم رجعت للبيت اشلون اجيك

حامد: الشحنه الثانية اليوم توصل لازم اتكون وياي

-كتلك ما اكدر خاف امل اتشك بيه