دلهم

البارت - 28 -

حوراء المحمداوي ...❤️‍🔥

بقلمي رواية: « دلهم »
________________________

أيُّ هزيمةٍ تؤلم أكثر
أنني فقدتُك أم أنني أفتقدُك؟

محمد: البقية ابحياتج دكتورة

ريام: ليش اجيت

محمد: اعزيج ابمصيبتج

-وبعد

:اساندج وما اخليج وحدج

-وبعد

:شنو بعد !

- شنو هدفك

:كتلج اجـ

-ريام فايز

:شنو

:اني ريام فايز

-ببتسامة
الفرق الوحيد بينج وبين زيد تفكيركم

:اشبي تفكيرنا

-انتِ اتشبيهن ابوج وهو لا نفس النظرة نفس التفكير رغم العرفتة عن ابوج مجرد كلام من والدي بس كل مرة احجي بيها وياج احس الاوصاف تنطبق عليج ماكو ولا صفة ابزيد

:قربت عليه وكلت
قصدك زيد جبان ماكدر ايواجهكم ولا يعترف عليكم وستسلم التهديدكم وقبل ايشيل القضية وحدة مقابل شي راح يجي يوم واعرفه وصدكني هل يوم قريب

- احب قوتج

:ماكتلي شنو الجابك

-مبين عليج التعب ارتاحي وبعدين نحجي أو الافضل انأجل كلامنا ورا الجلسة النا كعدة خاصة ... سلام

:رحت ورا وصلته للباب وظليت اراقب الحد ما اختفى رجعت على مخزن فتحت القفل صارن ابوجهي الصناديك نزلتهن بالكاع وطلعت المفتاح جربته عليهن فتح واحد منهن ابداخلة ملف اخذته ورجعت الصناديك المكانهم قفلت المخزن ورحت الغرفتي خليته على الجرباية وتوجهت للكنتور ابحث عن الملف الثاني لحد ما طلعته اخذت فوني وصورت اوراقه ورسلتهن لمحادثة خاصه وأرشفتهاا ...

باوعت عليهن اريد اعرف شنو البيهن بنفس الوقت ماعندي طاقة الهن اخذتهن اثنينهن ورجعتهن ورا الكنتور ودنيت الميز ابصف الكنتور  ...

باوعت على وقت ماظل شيي للأذان رحت سبحت وجهزت نفسي للصلاة صليت و شعلت شمعة ابمكان امي وكعدت اقرأ قرأن ...

ادهم: كاعد بالمكتب وكل عقلي وي ريام اشلون راح اتعيش وحدها ابوسط الخطر المحاوطها وشلون تتجاوز وفاة امهاا ... قطع تفكيري دخول الشرطي

:سيدي وصل التقرير الوفاة

ادهم: انطينيا
طلعت ملف قضيتها وكبست التقرير ويا قبل لا اسد الملف صارت عيني على سبب الوفاة تناول جرعة مضاعفة من ****  قريت التقرير ابصدمة معقولة امها منتحرة ! بس لا اشلون تنحتر وعلاجاتها ريام جابتهن