دلهم

البارت - 12 -

حوراء المحمداوي ...❤️‍🔥

بقلمي رواية: « دلهم »
________________________

- بين ما اغير ملابسي اريد الغدا جاهز

: والسفرة

- مو وكتها

:دخل جوا وعافني بحزني وصدمتي شنو الخلاه يختلف عليه ليش انطاني امل و خذلني رجعت كعدت على قنفة اجت امي خلت ايده علي كتفي وكالت :

ام زيد: لا تزعلين يمه واذا على سفرة اروح على ام وسام اتجيب بناتها وتجي ويانا راح نتونس اكثر

:ماهمتني السفرة كد ماهمني زيد
اتوقعت ابروحتنا هاي راح ابني ذكريات وياا راح احس الاول مرة احنا عايشين مثل البشر نطلع ونسولف ونضحك ونخلي هذا اليوم بداية السعادتنا ماتدرين ابكلامة هذا اشكدد كسرني وحطم كلشي خططتله

-اكيد صار شي خلاه ايغير رأيه ما شفتي قبل لا يطلع اشلون جان متحمس الروحتنا

:ابغصة
هم شغلة مو

-

:عفتها ورحت الغرفتي اتمددت على جرباية وظليت اتصفح بالبرامج شوي وندك الباب سمعت صوت زيد كمت فتحت الباب وصفنت عليه ابصدمة ...

امخفف لحيته ولابس مثل لبسي قميص وبنطرون سود وشوز ابيض ابتسم وكال :

زيد: ماردت انروح لان ما جنا نتشابه اما هسه نكدر انروح شوفيني صرت صدك اخوج ابلبس الحداد

ريام: ابتسمت و حضنته
عرفتك مراح تكسرني

زيد: اي واضح عرفتيني موووو يمه

ام زيد: ابضحك
اي يمه كالت زيد راح ايبدل ويجي ما خرب السفرة

زيد : ههههههه
احب صراحتكم

ريام: خل اطلع الغراض قبل لا ايصير شي وتخرب السفرة

زيد: ماتخرب لا اتخافين بس اتغير المكان

: عسما ابحديقة ابو وسام هم قابلة

- هههههههه

:رحت للمطبخ ركض طلعت الكيك و السلطة وديتهن ورجعت على جدر الدولمة وامي طلعت الفراش النكعد عليه خليناهن بالسيارة قفلنا الباب وطلعنا ..

:💥: المركز

ادهم : اترئست الطاولة الموجودة ابغرفة التحقيق كعد مقابيلي وائل بس اليشوفة ميعرفة من كثر الكدمات الماحية ملامحة باوعلي ابنظرة مليانه خوف وكال :

وائل: سيدي صدكني ماعرف شي

: اتريدني اصدك رئيسكم خلاك مسؤول عن الشحنات بدون ميكون بينكم معرفة قوية وصفقات قديمة ؟