دلهم

البارت - 9 -

حوراء المحمداوي ...❤️‍🔥

بقلمي رواية: « دلهم »
________________________

ادهم: انتهى الدوام طلعت للمركز اتابع باقي القضايا رغم كم القضايا و مهمة المخدرات ماكدرت اتخطى غضبي من الصار اليوم كملت شغلي ورجعت للبيت

طبكت السيارة ونزلت اول ما دخلت للبيت اتلكاني جود ابن اسامة ...

جود: عموو

ادهم: هلا حبيب عموو

جود: ششتريتلي وياك

ادهم: ابضحك
ادري بيك مصلحجي ماميت على عمك

جود: اشتريتلي مو

ادهم: بليل اشتريلك
ابتعد من حضني وكال:

جود: من تشتريلي ارجع اصاحبك هسه ما احجي وياك

ادهم: عافني وركض جوا ضحكت عليه ودخلت للاستقبال ...

السلام عليكم

-وعليكم السلام

ادهم: اشلونج غاليتي

ام ادهم: ابخير يمه

: اسامة وين

- اخذ مرته للدكتورة يمكن حامل

:كولي اخذ مرته للدكتورة وهاهيه اله اتحجين كلشي

-ابضحك
ياا جا الحمل عيب

:اروح انام احسلي

-تعال بعدني ما حجيت شي

مريم: هلوو دومي

:هلا حبيبتي

مريم: نسيت اكلك على ريام اليوم داومت

:اتذكرت الموقف الصار الصبح حجيت ابغضب

اي خوش رايح انام ساعة وكعدوني

مريم: تمام
التفتت الامي وكلت ..

اشبي شو امعصب

ام ادهم: كتله على سحر راحت للدكتورة احتمال حامل وضاج ميقبل احجي هيج كدامة

مريم: ابضحك
شعلي هو وتحجيله

ام ادهم: على الساني وحجياهاا

زيد : بقيت مصر على كلمتي ما اعقد اي اجتماع داخل بيتي طلعت للمقر اتفق وي جماعة التسليم باجر توصل الشحنة ويتم توزيعها على المروجين كملت شغلي ورجعت للبيت قفلت البيبان ودخلت الغرفتي اتمدد بفراشي افكر ابكلام ريام والعاشته ابسببنا و شكد يستمر ...

غمضت اعيوني مر كدامي شريط ذكرياتي :

💥في الماضي

حامد: كبرت وصرت رجال يعتمد عليه صار لازم تعرف حقيقة الصار وي ابوك وحجم الخطرر المعرضين اله