قراءهه ممتعه🔥🤍
بعد ما مر شهرين على الملكه قرروا عائله ابو نايف يطلعون مزرعتهم الي تبعد عنها ساعه تقريبا ويعزمون عائله ابو سعد
كانت ام نايف تجهز الاغراض عشان يمشون وكانت الساعه ١٠:٣٠ الصباح ونزلت عليه ريهاف
ام نايف: غريبه مارحتي الجامعه
ريهاف: والله اني تعبانه ومالي خلق
ام نايف: ترا الساعه وحده بنمشي عشان على العصر بوصلون عندنا اهل ام سعد
ريهاف : تمام
وراحت ريهاف تتصل على ليان وردتت ليان
ليان: هلا
ريهاف: هلا بالزين هلا بزوجه اخوي
سكتت ليان لثواني: هلا بك
ريهاف: اسمعي اليوم بتجون عندنا في المزرعه
ليان: اما !!
ريهاف: والله ليش ما عندك علم
ليان: بس انا بروح الجامعه وما بطلع الا خمس العصر
ما اتوقع اني راح اجي
ريهاف: لا تكفين حاولي
ليان: خلاص بشوف
~~
عند ام سعد
بدأُ يتجهزون عشان بعد نص ساعه بيمشون
ام ريان: ليان يمكن ما تجي
ام سعد: ليش؟
ام ريان : قالت ممكن تجي من الجامعه تعبانه
ام سعد: بس هذولا اهل زوجها شلون ماتجي
ام ريان: خليها على راحتها بس هي ما أكدتت تقول بشوف اذا اقدر ولا لاا
ام سعد: لا كلميها لازم تجي
ام ريان: ابشري ولا يصير خاطرك الا طيب
~~
في المزرعه
الساعه ثلاث العصر وصل اهل ابو سعد عند اهل ابو نايف
سلطان : حياكم الله قسم الحريم جهت اليسار
ام ريان: الله يسلمك ي ولدي
سلطان: ولو يخاله صرتوا اهل
ودخلوا الحريم القسم
ام نايف : حي الله اهلنا
ام سعود:حيكم الله
ام ريان: الله يحيكم ويخليكم
ام نايف: كيفك ي غرام
غرام: تمام الحمدلله ي خاله
حست ام نايف فيه احد ناقص
ام نايف: الا ليان ليش ماجت معكم!
ام ريان: والله العذر والسموحة منك البنت اليوم مداومه قالت ما بتطلع الا الساعه خمس وتقول ان قدرت جيت واذا ما قدرت اعذروني
ام نايف: كان ودنا تجي بس ما تشوف شر
عند الرجال
ابو نايف: ي هلا و ي مرحبا
سعد: الله يسلمك
ابو سعود: اخباركم عساكم طيبين
نواف: معلينا الحمدلله بأحسن حال
سالم: الا نايف وينه ماشفته مع العيال
ابو نايف:في دوامه اذا خلص بيجي على طول
مهند: اها زين
عند ليان
طلعت من الجامعه ورجعت مع صديقتها مرام
ليان: اشوفك على خير ومشكورة
مرام: ولو اي شيء تبينه تبشرين فيه
ونزلت ليان واتصلت على غرام
ليان: كلكم مشيتوا
غرام: اي
ليان: خلاص اجل ما يمدي اجيكم ما في احد واصلا تعبانه وبنام
غرام: بس كلهم يسألون عنك وجده متضايقه تقول هذولا اهل زوجك المفروض انك اولنا موجوده
ليان: تستعبطين اقول مافي احد ماراح احد يرجع المكان يبعد ساعه واكثر بعد مدري وما عندي سياره
غرام: بشوف وارد لك خبر
ليان: ان شاء الله ماتلقون احد لاني ميته نوممم
~~
في المزرعه
راحت غرام تكلم امها ان ليان ماراح تجي
ام ريان: بس كلهم ينتظرونها
غرام: تقول مافي احد اجي معهه
ام ريان: شوفي اخوانك وخوالك
غرام : تمام
وراحت غرام تنادي اخوانها وقالوا لخوالهم
قال مهند: انا برجع اجيبها
غرام: ي خال مب تعب عليك
مهند: لا لعيونها يهون كل شيء
غرام: الله واكبر
وكلهم ضحكوا على غيره غرام من اختها
وراح مهند يعتذر انه بيروح يرجع يجيب ليان
قال ابو نايف: خلها تجي مع نايف
مهند: لا اخاف تنحرج البنت وتعب عليكم
ابو نايف: لا تعب ولا احراج ولا شيء بالنهايه زوجهاا
سعد: ما يخالف ي مهند خلها ترجع معه
عند البنات
اتصل مهند على غرام تكلم ليان تقول لها ان الي بيجيبها نايف
مهند: قولي لليان ان الي بيجيبها نايف
غرام: تمام
وراحت اتصلت غرام على ليان
ليان: هلا مافي احد
غرام ببتسامة: لا فيه
ليان: اوفف والله مالي خلق
غرام تستفزها: حبيب القلب
ليان بصدمه: مين؟؟
غرام: نايف
شهقت ليان: لا خير مابي
غرام: خير وش الي ما تبين لا تنسين صار زوجك مب غريب
وجلست تتافف ليان وغرام تضحك عليها
ابو نايف اتصل على نايف
نايف: سم يبه
ابو نايف: سم الله عدوك مر بيت خالتك ام ريان ويجيب معك ليان
نايف انصدم: ليش هي ماجت معهم
ابو نايف: لا كانت مداومه
نايف: ابشر
عند ريهام استغلت الفرصة ان ليان بترجع مع نايف واتفقت مع شخص يكلم ليان من رقمها
ريهام: اسمع بعد نص ساعه تدق عليها
الشخص: اي وش اقول
ريهام: دلعها سو نفسك تعرفها وهي اكيد بتنكر وانت شككها بنفسها
الشخص تمام
~~
عند ليان
وهي مو مستعده تطلع مع وتمسك طريق طويل وما معهم احد واتصل نايف على ليان
نايف: خلصتي انا برا
ليان: طيب ثواني
وبعد دقايق طلعت ليان وركبت مع نايف
ليان بهدوء : السلام عليكم
نايف: وعليكم السلام
وقال نايف ببتسامه: حي الله حرم نايف
ليان:الله يحييك
وضلوا طول الطريق بصمت وهدوء وفجاة اتصل جوال ليان من رقم غريب وما عطته وجهه واتصل فوق اربع مرات ولا زال يتصل
نايف: مين؟
ليان: مدري رقم غريب
نايف: ردي عليه وحطيه سبيكر
ليان: خلاص مب لازم
نايف: انا وش اقول!!
ليان بتوتر: طيب
وردتت وليتها ماردتت
ليان: الو نعم
الشخص: كيفك ي قلبي
هنا نايف جن جنونه
ليان: نعم من انت؟؟
الشخص: افا ي ليونتي نستني
ليان: خير ان شاء الله سلامات شكلك غلطان
الشخص: ليونه علي هالكلام وشلون تزوجتي وسحبتي علي
وهينا وقف نايف معصب واخذ الجوال وصارخ باقوى ماعنده
نايف: مين أنت يأبن الكلب؟؟
والشخص خاف وقفل يوم سمع صوت نايف واللتفت نايف على ليان ومسها مع فكها بقوه
نايف بعصبيه تفور: مين هذا؟؟؟
ليان بخوف: والله معرفه مدري مين
نايف : تستهبللين وشلون عرف ان اسمك ليان ولا يدلعك بعد وش عرفه انك متزوجه
ليان بدموع مع الم : مدري مدري والله ماعرفه
نايف: قسم بالله اذا ما تكلمت ماراح يصير لك خير
ليان ماتحملت الموقف وبكت: ماعرفه ماعرفه
ولف نايف يكمل طريقه وهو معصب ومسرع وليان كانت خايفه وكانت السياره هدوء عباره عن بكاء ليان وقبل يوصلون بشوي
نايف : امسحي دموعك ولا آحد يدري بالموضوع
وصلوا وقبل تنزل ليان مسك معصم يدينها وقال اليوم بترجعين معي اذا دقيت عليك تطلعين لي
ولتفتت ليان له وهي مو طايقه تشوفه عقب الي سواه فيها وهزت راسها بمعنى تمام
ان شاء الله عجبكم البارت 🤍✨.
YOU ARE READING
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
