قراءة ممتعه 🔥✨
~
وقت العصر في بيت ام ريان
راحت غرام فوق تصحي ليان بحكم ان الساعه٣:١٥
غرام: ليونتي يالله صحصحي الساعه ثلاث وربع
ليان همم: يالله زين
غرام: ماما تقول وش عندك
وعدلت ليان جلستها وهي فاتحه عين ومغمضه عين: عندي اشغال للجامعة بمر اخذهم، ريان موجود
غرام: اي تو جاء
ليان: غرامي تكفين قولي له اني بروح معه، على ما ابدل والبس
غرام: تم
ليان: يالبى اختي بس
غرام: بس طلب واحد
ليان: امري تدللي
غرام: ابي ماتشاا
ليان: تمم
غرام: ياخي احبككك
وطلعت غرام متوجهه لغرفت ريان، وصحصحت ليان وقامت واخذت شاور و صّلت العصر وجهزت عبايتها واشيائها، دقت الباب ودخلها ونطق: هلا غرام بغيتي شيء
غرام: لا ابد سلامتك بس وصتني ليان اقول لك انها تبي تروح مشوار وقالت بتروح معك ورد عليها : قولي لها خلاص بس اصحصح وابدل اطلع اوديها
وبعدها نزلت غرام عند امها وجدتها وجلسوا يسولفون
ام ريان: ليان قامت؟
غرام: اي بس قالت بتبدل وتروح مع ريان
ام سعد: على وين
غرام: قالت تبي تمّر تأخذ اغراض لجامعتها
ام سعد: زين
ام ريان: الا على طاري الجامعه غرام متى بتبدين تداومين
غرام: على بدايه الترم الجاي ، يعني قبل زواج ليان بـ اسبوعين تقريبًا
ام ريان: الله يوفقكم واشوفكم بأعلى المناصب وتحفظكم لي
ودخلوا عليهم نواف وسالم ومهند ونطق نواف: يمه نبي حنا دعوه زي دعوة بنتك لعيالها
ام سعد: وليه شايفني ما ادعي لكم كل يوم وانا ادعي لكم
نواف: ابي دعوه بالعّلاً مب سري
ام سعد: شيء بيني وبين الله وانت وش عليك ي السوسه
نواف: يمه ماني بورع تقولين لي سوسه السوسه نقولها لمهند
مهند: اقول طالع منها ترا ما بيني وبينك الا سنه يعني روع وبزر وسوسه
سالم: ياليل ام سواليفكم الخاثره بالاخير كلكم مبزره
ام سعد: قسم بالله
مهند: الا وين ليان مو معاكمم
ام ريان: فوق بتطلع هي وريان عندهم اشغال
مهند: حاتم متى بيرجع
ام ريان: على كلامه قال بعد يومينن
وطلعوا ليان وريان وخلصوا الاغراض الي تبيها ليان
ليان: ريان بالله مر الكوفي نبي نأخذ لغرامي ماتشاا
ريان؛ تمم ابشروا ي خواتيي
ليان: ي لبى بس
ريان: ما كلمك نايف؟
ليان: ليش السؤال
ريان: بس اسأل كلمك ولا لا!
ليان: الا امس
ريان: وش يبي ؟
ليان: الصراحة هو ما اتصل انا الي اتصلت عليه
ريان :وش تبين منه!!
ليان: جدتي قالت لي اتصل عليه واعزمه هو واهل للشاليه الي بنطلع فيه،، وقال شوي على المغرب بيجي
بعد ما طلبوا وخلصوا ورجعوا البيت
ليان: امسكي يا غرام القلب
غرام: ويلوموني بحبك ي شيخه
ليان: بالعافية
ريان: ترا بفلوسي
ليان: خلاص درينا لا تفضحنا
ريان: عشان تتلذذون من طعم فلوسي المهم بالعافية
ليان وغرام نطقوا: الله يعافيك وتسلم
على المغرب وصول نايف عند بيت ام ريان وجلس بالمجلس وكانوا جالسين مع سالم ونواف ومهند وريان
سالم: الا وشلون ي نايف وشلون اهلك؟
نايف: ابد الحمدلله بخير
مهند: دوم دوم
وبعد دقايق قليله دخلت ام ريان تسلم على نايف وكانت خلفها ليان كان يسلم عليها امها وعيونه وقلبه معها
وجلسوا يتقهوون وكان يناظر فيها وهي جالسه جنب خاله ويصورون ويتمنى انه هو مكان خالها وجنبها وبعد ثواني نطق نايف: لقيت لكم ثلاث شاليهات اماكنها حلوه والمواقع حقتها نادره وزينه
وجلسوا يتبادلون الصور يتشاورون
مهند: هاا ي ام الطلبات وش رايك
ليان منحرجه: عادي اي شيء كلها حلوه الصدق
نايف: طيب اختاري واحد احجزه لكم أبدي
ليان: أبديي؟؟
نواف: كيف
نايف: يصير لكم ، كيف وشلون بعدين تعرفون
ليان: الصراحة الثاني حلو فخم ويجنن وسيع
نايف: خلاص اعتمد
ليان: انتم وش رايكم
ام ريان: الي تبينه ي بنتي
مهند: بعد كلمتك محد يتكلم
نواف: ذوقكك حلو
ليان: اجل تم هذا الي نبيه
نايف: ابشريي
بعد ماطلع نايف وراح لبيتهم قرروا يجتمعون بالصالة ويجلسون مع بعض
YOU ARE READING
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
