قراءة ممتعه 🔥✨
~
في الصباح صحت ليان وحست بتعب مب طبيعي تحس بحراره جسمها ولكنها تجاهلت احساسها وقامت واخذت شاور قالت ممكن يخفف الحرارة ولبست ملابس خفيفه وبارده ورطبه وجهها وحصلت رساله بقروب البنات لها تقريبا ربع ساعه كان محتوى الرساله سواليف بين ريهاف ومرام كانت كاتبه مرام بنات كيفكم صباح الخير
وردت عليها ريهاف صباح النور
وارسلت مرام بنات بتصل عليكم كام بتحلطم عليكم شوي قولوا ان كلكم فاضين
وردت ريهاف تم فاضيه
وردتت ليان اتصلي نفضى لعيونك
ومازالت ليان تحس بالتعب بس تتجاهله كانت تبي تعدل نفسيتها وكان وجهها يبن التعب والإرهاق
واتصلوا كام نطقت مرام: صباح الخير
ليان: صباح الورد
ريهاف: صباح النور والسرور
مرام: كيفكم
ريهاف: من شاف شوشتي عرف حالي اصبروا علي بروح احط عليها جل واجيكم
مرام: وربيي انك مجنونه غيرتي من نفسيتي
ريهاف: افاا عليك شايفتني مُهرج ولا ايش
ليان: تصيرين كل شيء الا مُهرج
ريهاف: طيب احلفي انك ما ضحكتي
ليان: لا ضحكت بس بدون صوتت
ريهاف: حلوه ذيي بدون صوت
مرام: ليان ليش احس صوتك تعبان
ريهاف: صدق لاحظت حتى وجهك تعبان فيك شيء؟
ليان: تتوهمون مافيني الا العافيه
مرام: ليتني اتوهم بس وجهك ترا باين لنا
ليان: خلاص خلوكم مني
ريهاف: اذا تعبانه روحي المستشفى خل يعطونك مسكن
ليان: خلاص شوي بروح
وكانت ليان مو بس تعبانه تحس انها بتموت من التعب والخمول والحراره الي صارت يالله تتنفس منها
مرام: تخيلوا ان هاليومين بتشرف عندنا العائلة الكريمه
ريهاف: اوباا فيه احد يجي وقت الفاينل وش عندهم
مرام: انا ادري عنهم المشكلة انو راح يجلسون اسبوع وانا احساسي يقول بيقعدون اكثر اعرفهم
ليان: طيب كان صبروا اسبوع ليّن تبدا اجازه الترم ترا قريبه
مرام: ياليتهم يجون بأجازة الترم والله لا اتفضوى لهم
لو انهم قالوا بيجون زياره افضل لا الحبايب بيجلسون اسبوع ولا لي خلقهم ولا لي خلق بنت عمتي أطياف هي الوحيده المستقعده حتى سواليفها تجيب المرض
ليان: وش فيها هذي بعد
مرام: غثيثه نشبه تتحكم ماتخلي احد بحاله قسم الله يعيني، وانتو بنات تكفون لا تتركوني
ليان: افاا عليك حنا الظاهر بنسنتر عند باب بيتكم اربع وعشرين ساعه
مرام: اخخ ي كثر الحب، المهم ليونتي ما بديتي تجهزين لزواجك؟
ليان: لا والله للحين
مرام: وش تحترين
ليان: كل يوم اقول بكرا واتكاسل بعدها
ريهاف: ترا باقي شهر يالله يمدي تحجزين
ليان: خلوني هاليومين اريح واخلص من الاختبارات ويصير خير بعدها
ريهاف: اووفف ياشين ايام الاختبارات وعع الله يعدينا ونخلص من اطول ترم في حياتي
مرام: وبعدها نبدا ترم جديد
ريهاف: اخخ تعبتت
<<العصر >>
عند نايف كان منسدح بغرفته جالسه تدور بباله فكره انه يقدم زواجهم وهل يتقدم ويسويها او يصبر لبعد شهر وكان موضوع الصوره قاهرته،ووده انها تكون قدام عينه ويعرف من وراء هالرسايل والمكالمات وبعدها قام وبدل ملابسه ونزل عند امه وابوه وبدا يقّبل راس ابوه وبعده امه ونطق مساء الخير
ابو نايف: ارحب مساء النور
ام نايف: مساء النور والسرور يعيون امك شلونك
نايف: الحمدلله بخير جعلك بخير
ام نايف: يمه نايف وش فيه وجهك تعبان
نايف: لا مافيني شيء بس مواصل ما نمت
ابو نايف: وش الله حادك ماتنام؟
نايف: ماجاني النوم
ام نايف: بسم الله عليك
نايف: انا جايكم بموضوع
ام نايف: عساه خير وانا امك
نايف: انا ودي اقدم زواجنا
ابو نايف: وليه تبي تقدمه وش انت مستعجل عليه
نايف: لا مستعجل ولا شيء بس عندي اشغال بعد فتره ولا ادري متى افضى
ابو نايف: ومتى تبيه ؟
نايف: بعد اسبوعين على اجازه الترم بعد مايخلصون اختباراتهم بفتره
ام نايف: ماتحسه قريب ي نايف
نايف: يمدي يالغاليه
ابو نايف: زوجتك عندها خبر
نايف: لا والله، بس يمه انتي اتصلي على امها وحطي عندهم خبر
ام نايف: الي تشوفه
وبعدها طلع نايف برا البيت ولحقه ابو نايف وكل واحد راح يشوف شغله
بعد مرور نص ساعه اخذت ام نايف جوالها تتصل على ام ريان ونطقت: السلام عليكم
ام ريان: وعليكم السلام
ام نايف: هلا ام ريان شخباركم عساكم طيبين
ام ريان: الحمدلله الكل بخير
ام نايف: طمنيني عن حاتم ان شاء الله صار احسن
ام ريان: الحمدلله بدأ يتحسن
ام نايف: الحقيقه ي ام ريان انا جايتك وعندي علم
ام ريان: عساهه خير
ام نايف: نايف قرر يقدم زواجه هو وليان
ام ريان: ليش يبي يقدمه طيب؟
ام نايف: يقول انه بعد فتره مشغول ومايدري متى يفضى
ام ريان: متى طيب؟
ام نايف: بعد اسبوعين ان شاء الله
ام ريان: بعد اسبوعين!! ماتحسونه قريب ومايمدي
ام نايف: ان شاء الله بيمدي بس نحط عندكم خبر من بدري
ام ريان: بس البنت مظغوطه هالفتره وعندهم اختبارات ومايمديها
ام نايف: عاد نايف قال كلمته
ام ريان: يصير خير
في غرفة البنات دخلت غرام تشوف ليان وتعطيها مسكناتها وتشوف حرارتها
(نرجع للاحداث شوي
بعد ماانتهى الاتصال الي بين البنات ماتحملت ليان التعب واتصلت على ريان عشان تروح المستشفى وبعدها جاء واخذها وراحوا بعد ما عطوها مغذي وكمدوها لحد ما خفت حرارتها وكتبوا له ادويه تاخذها من الصيدله وبعدها رجعت البيت ونامت )
أنت تقرأ
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
