~
< وقت العصر >
بعد ما تجهزت ليان وخلصت ارسلت لريهاف انها جاهزه
وردت ريهاف: حتى انا جاهزه
ليان: ترا ماقلت لنايف
ريهاف: ليش ؟؟ افرضي الحين رفض اننا نروح لان مو حاطين عنده خبر من البدايه
ليان: طيب بروح ارسل له
ريهاف: تم انتظرك
وبعدها خذت ثواني وقررت انها تتصل عليه رد: لبيه
ليان: وينك ؟
نايف: شاكه فيني مع وحده!
ليان: نعم؟؟
ضحك نايف: طيب وش تبين
ليان: وينك الحين ؟؟
نايف: توني طالع راجع للبيت بس ليش تسألين؟
ليان: ابيك توديني انا وريهاف
نايف: وين ان شاء الله ؟
ليان: نبي نروح بيت صديقتي
نايف: ليش ما قلتي لي من اليوم
ليان: هذا انا قلت لك
نايف: اخر مره ماتحطين عندي خبر
ليان: زين
نايف: ترا ما تغديت جهزي لي الغدا
ليان: هاا!!
نايف: جهزي لي اكل
وقفل الاتصال وتوهقت لانها ما تعرف تطبخ ولا سوت شيء واتصلت على ريهاف وردت: وش قال ؟
ليان بارتباك: خلينا من وش قال
ريهاف: وش فيك؟؟
ليان ؛ باقي عندكم من غدا اليوم
ضحكت ريهاف: وش غدا هالوقت
ليان: باقي ولا لا ؟؟؟؟
ريهاف: لا ما اتوقع ليش
ليان: خلاص بعدين اقولكك
وانهت الاتصال وفكرت بوهقه ما تدري وش تحط له ودخلت المطبخ تفكر بأكل سريع قبل يجي وجت عينها على الكورن فليكس وحطت له مع شوي حليب وكانت متوتره من ردتت فعله ،، سمعت صوت الباب وتأكدت انه جاء بعدها جلس في الصاله ودخلت عليه بصينيه وحطتها على الطاوله ونطق وهو يبتسم: هذا هو الغداء الحين؟
ليان: اي
نايف: وهذا تسمينه غداء ؟
ليان بتوتر: عادي شيء ينوكل ترا!
نايف:ليش ما طبختي؟
ليان متوهقه: الصراحه ما اعرف
ضحك: انزلي عند امي خليها تعلمك نايف وش يحب
رفعت حاجبها: يصير خير
نايف: نشوف
بعد ما خلص نطق: كثر الله خيرك على هالغدا الي ما يشبع عصفور
ليان: مو لازم تشبع سو دايت
نايف: وليش شايفتني كبر الباب
ليان: على عضلاتك ذي اشوفك كذا !
وقرب منها وهمس: عضلاتي ذي معطتني هيبه وعشان تحميك ي حّرم نايف
وبعدها دخل الغرفه وبدل ملابسه وابتسمت بخفه وطلع ونطق: يالله مشينا
ليان: يالله
نزلوا تحت وكانت ريهاف وام نايف جالسين بالصالة ونطق ام نايف: ماشاءالله الطلعه جماعيه ي الثلاثي
نايف: والله طحت بثنتين مايمسكون الارض
ريهاف: يمه حياتي بنطلع نمّر صديقتنا لان لها فتره مو شايفينها
ام نايف: الله يحفظكم استودعتكم الله
وطلعوا متوجهين لبيت مرام ونطق: متى اجيكم؟
ليان: بعد المغرب على الساعه ٧ كذا
دخلوا واستقبلتهم ام مرام ونطقت ريهاف: شلونك ي خاله
ام مرام: والله اني مو بخير وبنتي كذا حالتها
ليان بخوف: ليش بسم الله عليها فيها شيء؟
ام مرام: روحوا لها الغرفه انتم تعرفون لها
وطلعوا متوجهين لغرفه مرام وطقوا الباب ونطقت مرام: خلاص مابي اشوف احد
دخلوا عليها وشافوا وجهها التعبان والمتضايق
ريهاف: يمه شفيك
مرام: جابكم الله تكفون ابيكم معي
ليان: وحنا من متى مو معكم
مرام: بنات ابوي ما يبيني
دخلوا يجلسون جنبها نطقت ليان: وش فيك؟ وكيف ما يبيك؟
وبدأت مرام تقول لهم كل الي صار
ريهاف: لا تقولين صدقها؟
مرام: والله صدقها صدقها ي بنات
ليان: طيب وش صار
مرام: ملكتي الاسبوع الجاي
ريهاف: وشوو؟
مرام: والله مابيه مابيه
ليان: طيب قولي له انك ما تبينه
مرام: والله حاولت بس رافض يقول رضاي عليك هو زواجك منه
وجلسوا معها ليّن بعد المغرب وبعدها رجعوا البيت
ودخلت ريهاف غرفتها وهي شايله هم مرام وراحت ليان لشقتها وهي تفكر فيها
YOU ARE READING
حبيتك ولاا عطيتني مجال في حبكك
General Fictionقد نصنع من الاحلام دائما ونستطيع ان نحقق الكثير منها ونكتب عن خيالاتنا الواسعه التي ليس لها نهايه ✍🏻. اول رواية أنطلقت فيها ✨.
