ﻋﻨﺪﻣﺎ ﺗﺘﺸﺎﺑﻚ ﺍﻟﺮﻭﺍﺑﻂ ﺗﺼﺒﺢ ﺍﻟﺤﻘﻴﻘﺔ ﺃﻛﺜﺮ تعقيدًا ﻭﺗﺒﺪﺃ ﺍﻷﺳﺌﻠﺔ ﺍﻟﻌﺪﻳﺪﺓ ﻭﺍﻟﺘﻲ ﻻ ﻳﻮﺟﺪ ﻟﻬﺎ ﺃﺟﻮﺑﺔ ﺳﻮﻯ ﻣﻊ ﻣﺮﻭﺭ ﺍﻟﻮﻗﺖ، ﻓﻬﻞ ﺳﺘﻜﻮﻥ ﺍﻷﺟﻮﺑﺔ ﻣﺮﻳﺤﺔ ﺃﻡ ﺻﺎﺩﻣﺔ؟
ﺃﺭﺩﻓﺖ ﺧﻠﻮﺩ ﺑﺜﻘﺔ:
_ﺑﺲ ﺃﻧﺎ ﻋﺎﺭﻓﺔ ﻣﻴﻦ ﺍﻟﺨﺒﻴﺮ ﺩﻩ!
ﺍﺗﺴﻌﺖ ﺣﺪﻗﺘﺎﻱ ﺍﻟﺠﻤﻴﻊ زهولًا ﻭﺃﺭﺩﻑ ﺯﻳﻦ ﺑﺘﺮﻗﺐ:_ﻋﺮﻓﺎﻩ ﻣﻨﻴﻦ ﻭﺇﺯﺍﻱ، ﻭﻟﻴﻪ ﻭﺍﺛﻘﺔ ﺃﻥ ﻫﻮ ﺍﻟﻠﻲ ﺑﻨﺘﻜﻠﻢ ﻋﻨﻪ؟
ﻧﻈﺮﺕ ﻟﻪ ﺧﻠﻮﺩ ﻣﺮﺩﺩﺓ ﺑﺒﺴﺎﻃﺔ:_ﻷﻥ ﺑﺒﺴﺎﻃﺔ ﺍﻟﺨﺒﻴﺮﺓ ﺩﻩ ﻫﻮ ﺍﻟﻠﻲ ﻛﺎﻥ ﻣﺸﺮﻑ ﻋﻠﻴﺎ ﻓﻲ ﺍﻟﻔﺘﺮﺓ ﺍﻟﻠﻲ ﺍﺗﻌﻠﻤﺖ ﻓﻴﻬﺎ ﺍﻟﺒﺮﻣﺠﺔ ﻭﺍﻟﻬﻜﺮ..
ﺃﺭﺩﻑ ﺇﻳﻬﺎﺏ ﺑﻌﺪﻡ ﻓﻬﻢ ﻭﺍﺳﺘﻴﻌﺎﺏ:_ﻷ ﺛﻮﺍﻧﻲ ﻛﺪﺍ ﻳﺎ ﺟﻤﺎﻋﺔ ﺃﻧﺎ ﺣﺎﺳﺲ ﺇﻥ ﻋﻘﻠﻲ ﻫﻨﺞ! ﻫﻮ ﺇﺯﺍﻱ ﺃﻧﺖ ﻓﻲ ﻃﺐ ﻭﺩﺍﺭﺳﺔ ﻫﻜﺮ ﻭﻛﻤﺎﻥ ﻋﻠﻰ ﺇﻳﺪ ﺧﺒﻴﺮ ﺑﺮﻳﻄﺎﻧﻲ؟
أردف أدهم بعد صمت:_يلا نرجع الأول البيت ونتكلم قبل ما حد يخود باله من وجودنا هنا.
أمأ له الجميع وانطلقوا ذاهبين نحو وجهتهم، مر بعض الوقت حتى كان السبعة يجلسون في منزل أدهم بهدوء قاتل، الشباب الأربعة ينظرون نحو خلود ينتظرون منها تفسيرًا وﺳﻤﺎﻉ ﻣﺎ ﺳﺘﻘﻮﻝ ﻭﺧﺎﺻﺔ ﺯﻳﻦ ﻭﺃﺩﻫﻢ، تنهدت ﺧﻠﻮﺩ وبدأت ﺍﻟﺤﺪﻳﺚ ﻗﺎﺋﻠﺔ:
_ﺳﺒﺐ ﺩﺧﻮﻟﻲ ﻃﺐ ﺇﻧﻲ ﺑﺤﺐ ﺑﺎﺑﺎ ﺳﺎﻟﻢ جدًا ﻭﻓﺨﻮﺭة
ﺑﻴﻪ ﻭﺑﺸﻐﻠﻪ ﻋﻠﺸﺎﻥ ﻛﺪﺍ ﻗﺮﺭﺕ ﺇﻧﻲ ﻻﺯﻡ ﺃﻛﻮﻥ ﺯﻳﻪ ﺩﻛﺘﻮﺭﺓ ﺟﺮﺍﺣﻴﺔ، ﺑﺲ ﺷﻐﻔﻲ ﺍﻷﺳﺎﺳﻲ ﻫﻮ ﺍﻟﻬﻜﺮ ﻣﻦ ﻭﺃﻧﺎ ﺻﻐﻴﺮﺓ ﻭﺃﻧﺎ ﺑﺤﺐ ﺍﻟﺒﺮﻣﺠﺔ ﻭ ﺍﻟﻬﻜﺮ ﻟﺪﺭﺟﺔ ﺇﻧﻲ ﻛﻨﺖ ﻟﺴﻪ ﻓﻲ ﺍﻟﻤﺮﺣﻠﺔ ﺍﻹﻋﺪﺍﺩﻳﺔ ﻭﻛﻨﺖ ﺑﻌﻤﻞ Search ﻋﻨﻪ وبتعلم ﺣﺠﺎﺕ ﺟﺪﻳﺪﺓ ﻭﺑﻌﻠﻢ ﻧﻔﺴﻲ ﺑﻨﻔﺴﻲ، من خلال القراءة في المجال وفيديوز على اليوتيوب ﻟﺤﺪ ﻣﺎ ﻭﺻﻠﺖ ﻟﻤﺮﺣﻠﺔ ﺇﻧﻲ ﺻﻤﻤﺖ ﺑﺮﻧﺎﻣﺞ ﻫﻜﺮ ﻭﺃﻧﺎ ﻓﻲ ﺗﺎﻧﻴﺔ ﺛﺎﻧﻮﻱ، طبعًا ﺣﺎﺟﺔ ﻣﻤﻜﻦ ﺗﻜﻮﻧﻮﺍ ﻣﺶ ﻣﺼﺪﻗﻨﻬﺎ ﺑﺲ ﺩﻱ الحقيقة، ﻋﺮﺿﺖ ﺍﻟﺒﺮﻧﺎﻣﺞ ﻋﻠﻰ ﺟﺮﻭﺏ ﻣُﺠﻤﻊ ﻧﺎﺱ ﻛﺘﻴﺮ جدًا ﻣﻦ ﺟﻤﻴﻊ بلاد ﺍﻟﻌﺎﻟﻢ ﻣﺘﺨﺼﺼﻴﻦ ﻓﻲ ﺍﻟﻬﻜﺮ، ﺍﻧﺒﻬﺮﻭﺍ ﺑﻴﻪ ﻭﻭﺍﺣﺪ ﻣﻨﻬﻢ ﻛﻠﻤﻨﻲ ﻭﻗﺎﻟﻲ ﺇﻥ ﻟﻴﺎ ﻣﺴﺘﻘﺒﻞ ﻛﺒﻴﺮ ﻓﻲ ﺍﻟﻬﻜﺮ ﻭﺇﻧﻪ ﻫﻴﻮﺻﻠﻨﻲ ﺑﺨﺒﻴﺮ ﻣﺸﻬﻮﺭ جدًا ﻭﻣﻌﺮﻭﻑ ﺑﺎﺳﻢ "ﻣﻠﻚ ﺍﻟﻬﻜﺮ ﺍﻟﺮﻭﺳﻲ.."
ﻧﻄﻖ ﺃﺩﻫﻢ مرددًا ﺑﺘﺬﻛﺮ:_فعلًا ﺍﻟﻠﻲ ﻗﺪﺭﻧﺎ ﻧﻮﺻﻠﻪ ﺇﻥ ﺍﻟﺨﺒﻴﺮ ﺩﻩ ﺍﺳﻤﻪ "ﻣﻠﻚ ﺍﻟﻬﻜﺮ.."
ﺃﻛﻤﻠﺖ ﺧﻠﻮﺩ بهدوء:_ﺍﺳﻤﻪ ﻣﻠﻚ ﺍﻟﻬﻜﺮ ﺍﻟﺮﻭﺳﻲ ﻷﻧﻪ ﻣﻦ ﺃﺻﻞ ﺭﻭﺳﻲ ﺑﺲ ﻋﺎﻳﺶ ﻓﻲ ﺑﺮﻳﻄﺎﻧﻴﺎ، وفعلًا ﺍﺗﻮﺻﻠﺖ ﻣﻌﺎﻩ ﻭﻟﻤﺎ ﺷﺎﻑ ﺍﻟﺒﺮﻧﺎﻣﺞ ﺍﻧﺒﻬﺮ جدًا ﻭﻣﺼﺪﻗﺶ ﺇﻧﻲ ﺍﺗﻌﻠﻤﺖ ﺩﻩ ﻛﻠﻪ ﻟﻮﺣﺪﻱ، ﻭﺑﺪﺃ ﻳﻌﻠﻤﻨﻲ ﺃﻛﺘﺮ ﻣﻦ ﺧﺒﺮﺗﻪ ﻭﻛﺎﻥ دايمًا ﺑﻴﻘﻮﻟﻲ ﺇﻥ ﻋﻨﺪﻱ ﺳﺮﻋﺔ ﺑﺪﻳﻬﺔ ﻭﺫﻛﺎﺀ ﻧﺎﺩﺭ ﻓﻲ ﺍﻟﻤﺠﺎﻝ ﺩﻩ ﺑﺎﻟﺬﺍﺕ ﻷﻧﻲ ﻛﻨﺖ ﺑﺘﻌﻠﻢ ﺑﺴﺮﻋﺔ حتى هو عملي منحة سنة لبريطانيا علشان يشرف بنفسهُ عليا كان شايف إن لازم أطور أكتر من مجالي وموهبتي ﻭﺍﻟﻤﻔﺎﺟﺄﺓ بق...
ﺗﺮﻛﺖ ﻛﻠﻤﺎﺗﻬﺎ ﻣﻌﻠﻘﺔ ﻭﻫﻲ ﺗﻨﻈﺮ ﻟﻠﺠﻤﻴﻊ ﻭﺍﻟﺬﻳﻦ ﻳﻨﻈﺮﻭﻥ ﻟﻬﺎ ﺑﺘﺮﻛﻴﺰ ﻭﺗﺮﻗﺐ، ﺗﻨﻬﺪﺕ ﻣﺴﺘﻄﺮﺩﺓ:
_ﺇﻥ ﺑﺮﻧﺎﻣﺞ ﺍﻟﺘﺄﻣﻴﻦ ﺍﻟﻠﻲ ﺍﺳﺘﺨﺪمهُ لتأمين أﺟﻬﺰﺓ ﺳﻠﻴﻢ ﻫﻮ ﻧﻔﺲ ﺍﻟﺒﺮﻧﺎﻣﺞ ﺍﻟﻠﻲ ﺃﻧﺎ ﻛﻨﺖ ﺷﻐﺎﻟﺔ ﻋﻠﻴﻪ ﻭﺍﺗﻌﻤﻞ ﻣﻨﻪ ﻧﺴﺨﺘﻴﻦ ﻧﺴﺨﺔ ﻫﻜﺮ ﻭﺍﻟﻠﻲ ﺃﻧﺎ ﺑﺪﺃﺗﻬﺎ ﻓﻲ ﺍﻷﻭﻝ ﺧﺎﻟﺺ ﻭﻫﻮ ﺳﺎﻋﺪﻧﻲ ﺃﻃﻮﺭﻫﺎ ﺃﻛﺘﺮ ﻭﺍﻟﻠﻲ ﻫﻲ ﻣﻮﺟﻮﺩﺓ ﻋﻨﺪﻱ ﻋﺎﻟﻼﺏ ﻭﻧﺴﺨﺔ ﺗﺄﻣﻴﻦ ﻭﺍﻟﻠﻲ ﺑﺮﺩﻭ ﺻﻤﻤﻨﺎﻩ ﺳﻮﻯ ﺑﺲ ﻫﻮ ﺍﻟﻠﻲ ﻋﻤﻞ ﻟﻴﻬﺎ ﺍﻟﻔﻨﺶ ﺍﻷﺧﻴﺮ ﻋﻠﺸﺎﻥ ﻣﺤﺪﺵ ﻳﻌﺮﻑ ﻣﻔﺘﺎﺣﻬﺎ ﻏﻴﺮﻩ ﻫﻮ ﺑﺲ!
يعني أنا عارفه أساس برنامج الهكر ومميزاته ومفاتيحه كلها وأكوادهُ، أما برنامج التأمين فهو يعرف فيه أكتر مني بس أنا اللي بدأت البرنامج ده، علشان كدا اكتشفت هو عمل أي بالظبط فيه.
ﺗﺴﺎﺀﻝ ﺯﻳﻦ:_ﺍﻛﺘﺸﻔﺖ ﺇﻳﻪ؟
YOU ARE READING
رواية سر خفي الجزء الأول
Adventureغموض وأسرار مخفيـة مع كل سر يُكشف يظهر سـر آخر أكثر غموضًا وأشد صدمة من قبله، قلوب أرهقها العشق وقلوب أخرى تتعرف على ابجادية الحُب وسط انتقام امتد لأعوام.. وكل هذا سنعيشه وسط سطور روايتنا لنكتشف أن قوة الروابط لا يمكن هزيمتها حتى لو كان الأنتقام سبب...
