مساء الورد والياسمين عليكم نجماتي 🌠🖤
قناديل العتمه
بقلم زهره
اللهم صل علئ محمد وال محمد
ممكن تعليق للفقرات وتصويت +متابعه
مشاهده ممتعه.
وعندما ابصّر الاعمى فارق عصاهِ بأول لحظه " 🖤
..................
ورده
رايحه مسولفه لاامها وامها مسولفه لهلها ونسوان إخوتها وخواتهه وسالفه هيج وبحلگ نسوان وبسلف فضحني الكل دره بلسالفه من النسوان
اله اهلي محد يدري
وخوالي
بيوم طلعت فاطمه اختي تسرح هناك بل حلال واكو بنات هم يسرحن يمها
وناشدات فاطمه صدك اختج مخطوبه الواحد من الحله
بس هيه مراضيه لان تحب ابن خالها محمود
فاطمه متعاركه وياهن وحته كاتلتهن بل حجار
كايمات يمتمتن أنو هنه مالهن غرض ام حنان هيه الي مسولفه يم امهاتهن
اجت فاطمه. وسولفتلي. طحت من طولي وانا اسمع هذا الكلام الطلع عليه والاشاعات
صرت عاجزه تماماً شكول شحجي ومنو يصدكني
شلون بيه لو سمعو اهلي يذبحوني عيوني فاضت دمع وماعرف شسوي
كمت الطم على خدودي
من المصيبه البيها انا شسوي وسد السالفه
بليل رحت الحنان
ورده: ليش هيج تكولين عليه شنو سويتلج
حنان: انا مامجذبه عليج شفتج واكفه يمه الله العالم شكو بينكم ورفضج لغيث اكبر دليل
كمت ابجي
ورده: ولج حنان انا بت عمج انا اختج ياما كعدنه سوه وضحكنه وحجينه ونمنه ليش اطعنين بشرفي شنو سويتلج
ولج أخواني لو سمعو يصدكون ويذبحوني ابجي ودموعي عشره عشره فاطمه وماسه جانن وياي
وهيه دايره وجها عني بتكبر وكأني عدوتهه
رقيه اجت وحجيتلهه كامت هم تحجي عليها وتلوم بيها وهيه ولا جنها
اجت امها علئ صوت بجيي
ام حنان: خير شكو شعدج
ورده: عمه ليش هيج حنان كايله عليه وتطعن بشوفي بالسلف كله
ام حنان: ولله ياعمه يجوز صدك
نصدمت من رد امها نشلت اطرافي
حته لساني نعكد ماعرف شحجي
رقيه:يايمه. شبيج شنو هلحجي ورده كل احنه نعرف هيه شنو ليش تضلمن بختجن وتحجن هيج
ماسه :موعيب تحجين هيج امشي ورده امشي الله فوك ويشوف
گادني فاطمه وماسه
ام حنان: عليمن ولج ادعين علينه
فاطمه : مادعت هيه عمه انتن اطعنن بشرف اختي ولاكانو ورده خيه امشي لاتسمع امي وتجي ولله تموتج هيه وخواني
YOU ARE READING
قناديل العتمه (مكتمله )
ChickLitبحكم عاداتـهم وتقاليدهم ضْلمت وردة، هـل سيجبر الله قلبـها بما كُتب لها، سنشاهد ونعـيش مع ابطال قصتي "ورده"و "سلام " قريباً
