مساء الورد والياسمين عليكم نجماتي 🌠🖤
قناديل العتمه
بقلم زهره
ممكن تعليق للفقرات وتصويت +متابعه
مشاهده ممتعه.
"""""""""""""""""""
رواء
سويت العصاير خليتهم بلثلاجه وغسلت المواعين الي اشتغلت بيها
ورحت صعدت فوك بغرفتي اصلي
لاكاني سلام توه طالع من الحمام
دخل لغرفة سامر
دخلت للغرفه صليت وكملت ونزعت الازار
رحت دكيت الباب عليه
سلام: تفضل
فتحت الباب ودخلت لكيته يقلم باضافره
رواء: مساء الخير نعيماً
سلام : مساء الورد. شلونج ست البنات
رواء: يروحي زينه الحمدلله
كمل وخله المقراضه بل مجر
مد ايده اخذ باكيت الجكاير شعل جكاره
سلام: اي ست البنات احجي شكو ماكو
بتسمت :مثل شنو بله
ضحك بصوت عالي
سلام :اي صيري غبيه ولله كلشي تعرفين
ضحكت
رواء: والله ماعرف شتقصد على شنوو هيه اخبار هواي بس على جهه معينه غير تكلي
سلام: لا هيج خلي تولي
وكام خله الجكاره بنفاضه
سلام:حنوشه اخذي قميصي اكويه اريد اطلع
رواء :تدلل ماشي
قبل لااطلع
رواء: سلام تقصد على عذراء مووو
حجه وهوه شبه المعصب
سلام: اي ق..... هاي شبيج انتي انا عفتها من زمان ومافكر بيها اصلا علمود فلوس باعتني بكل سهوله بقه گلب يحبها بعد. استغفر الله العظيم واتوب اليه
شوفي احنه مو كلشي بهاي الدنيا نريده لازم نحصله
لان هاي دنيا متعرفين شوكت تصعدك وشوكت تنزلك
وهيه الله يسامحها ركضت ورى سراب الدنيا وصدمها بل اخر ورجعت محمله بل خيبات
وياريت تعلمت من هاذا الدرس رجعت عليه تريد تخرب حياتي وتعفسهه من جديد حضرتها اكثر من رقم وترجع من رقم جديد
ضليت مصدومة من تصرفات عذراء يعني اذا تحبين سلام ليش خنتيه وعفتيه وزوجتي هسه صار عزيز
زين منين جابت رقمه لان هوه غير رقمه من وره معافته صدك نصدمت بتصرفاتهه
فززني من تفكيري
سلام: يله اكويلي القميص بسرعه رحيم جاي يدك عليه خبصني خبص
گلبي رجف من سمعت أسمه
مادري شنو صارلي شعور اول مره احس بيه بس ماعرف شنو هوه
رواء: اي هسه دقايق اخذت القميص بسرعه كويته ونطيته اله
YOU ARE READING
قناديل العتمه (مكتمله )
ChickLitبحكم عاداتـهم وتقاليدهم ضْلمت وردة، هـل سيجبر الله قلبـها بما كُتب لها، سنشاهد ونعـيش مع ابطال قصتي "ورده"و "سلام " قريباً
